AMOS 9:13 - ALLAH NIHYET MEM TUNGWATU NYA

¹³ tuhan pai “Ei nidipti bu ne nijam di biang ninnum keisi mibindei ba, gandum ngat ningat didiyam. Nipou tirigi ikos gandum nintam di len bigyo ne nikioi mikieng hanyen eisi. Nipou tirigi ikimut ba anggur ngat ei mun di ibikimut ningat eisi bingwig bigyo lene hiter mibiang ningat hi kin bu kwei lene nok gima bijo ninno bijo kikau. Ba anggur ngei mitinnim kwei leu nungug him nya bibiam kwei leu nungug tou nya cem.

AMOS 9:13 ပူးပေါင်းရင်းမြစ်များ

NITRITI 49:11

Noni ba nide keledai nehen pap mibikim ba anggur ninjem di kei-kau. Noni mitot nide sinsun ei ba anggur ngei di nggrom-nggrauti.

MAZMUR 97:5

Nungug nya cem jet bidem lilin ngei ei tuhan di ninyeng tak kep dihyei nisurti-nipekti Noho bei.

YESAYA 16:10

Hi dima ningon nggei-hi-nggei ei miaisi di nnum kei dima bi. Hi dima mbos-hi-mbos ba, pai doia cem ei miai ba anggur nghousi dima bi. Hi dima pot ba anggur ngat mem gima bibon ba anggur ngei bi. Ide nimbos-hi-mbosti kin ide ningon di nggei-hi-nggeisi ntus tu.

YESAYA 55:13

Buom mehei luei nitigot-tigausi lene biei murad hei luei tigau nggig-nggwenti nya. Mun dini yok mindo bindo di mipror yon hanyen kan bi binok bindo di bindo tut niyok ngon kep Da di tuhan diyai munti nya cem.”

YEHEZKIEL 28:26

Yoni mibong kei migwam kei ei minu dima bingot ide ig nya ba, ibiyai ide miai ba anggur nghousi nya cem. Midikes hukum ei yo di ngkiai di ibong ttai yok di ighyet wer mpiahi tut yok nya yahagom dip. Leu api mben Israel mibong nyahan ba, mun hi binggek yok bi. Mpe dima lene ikan tut bipia Dani ne ide tuhan Allah ri.”

YEHEZKIEL 36:35

Leu api yahagom minggap leu sut. Lewo beisi di nipou ngoi-nga dima tini bu ne noyam kin Miai Eden bu. Minu di nipou timek bingwig dima tini bu ne mpung tut timiei nya di ipindi tentara nibousi di igya coi nya hanyen tu.

YOEL 2:24

Jide ig gudan di jillet gandum ninjep leu nisina bai eisi mimpung tut gandum ngat lene jide bak di jo simiak mun di jikimut biei ngat eisi ut tut ba anggur ngei kin mini zaitun bimpung pias hagau.

YOEL 3:18

Mpe dima lene miai ba anggur nghousi mikieng kep nungug him hagom ba, sapi kin domba nya migya bidem nungug tou nya bigyem abris ei abris nghousi nya. Minyei pmem di biam ei minu Yehuda mipingge hanyen bu bi sren. Minyei di pimbai kei gom mibiam kwei leu tuhan De Ig kikau ug ei Mbang Briep Akasia nisurti-nipekti.

YOEL 3:20

Mben Israel mibong kei migwam kei ei minu Yehuda kin minu ndig Yerusalem cem bijo ninno bijo kikau.

IMAM NYA IDE MIDYAI 26:5

Njita ningat nindig bibor mintun him jide miaisi nya apino mpe di tto bou dem mem jipuk ba anggur ngat lo, no jike jide gandum nintam hagom kin yam yo. Ba, mpe di tto bou dem mem jigimahap gandum ngan lo, no jipuk kep ba anggur ngat yo. Jide njita midem mem jiyem kep jinggum dor njiriek ba, mijibong kei jigwam kei ei jide minu dima.

AMOS 9:5

tuhan Di Ninyeng Jei Bibor ba, Sindem Bibor cem ngget dihyeisi dini bibindei ba, ugwa-kwei lene biyai ba, timiei dihyeisi dini yahagom ingon buhun bibor. Dihyeisi dini titut yam dwoi bisri hanyen noyam kin Minyei Nil di dwoi lene sri hanyen.

YOHANES 4:35

Jitri tut biyam bipia bed bitai bu api tto bou dem mem gima ibiang njita kwei leu beisi. Noro Dani dipai bije bipia ma jimian ser beisi nogindini lewo njita hagom len tu.

NIJAM NIKEI NYA 5:5

Nungug nya ugwa-kwei ei No di ninyeng tak kep Nungug Sinai Noho bei ba, ei tuhan di nok mben Israel ide Allah Noho bei cem.