AMOS 9:11 - ALLAH NIHYET MEM TUNGWATU NYA

¹¹ tuhan pai “Ei nidipti bu ne midipindi Daud ninyeng tak kepti di tti tu di noyam kin ig di nggun ba, kei hanyen. Dikinding ngug tig di krop ttai minu dima binoyam kin ngug tig gi nitimiei hanyen.

AMOS 9:11 ပူးပေါင်းရင်းမြစ်များ

AYUB 1:10

Anyohou noni kin nide bat nya bitut nide ndigban hagom cem bikwop mmun-njap. Asindem tut noni mem nide midyai nya hagom ba, ayai mindhe-ndhe nok gi dem mem ikieng kep minu nisurti-nipekti binoni tu.

MAZMUR 143:5

Dikan kep njap gi nipousi nya. Dibisrip tut Ade niyai munti nya bidikan-kan nyen tut Ade midyai di abon bou anda him nya hagom.

MAZMUR 80:12

Ninda nya su kikau ug bipek kin Muk Hacan ba, ninggrupti nya diwim kikau ug bipek kin Minyei Efrat nyai cem.

MAZMUR 89:40

Gi preu di apreu ei mem Ade awak pima cut ba, acom nide topi mas ug ei igkropti tu.

YESAYA 16:5

Leu api tungwagom di ntun Daud him mikui bigwam nok nibou ndig. Noni miba ningon ngakeisi bininyeng tak kep limwa nya ba, ningon gom tut yok cem. Noni mibrim ningkek mem gima bon mun di kei ningkom lene bindei ba, nikei nikos tutti di sren kei nya mikieng kep nide ninyeng tak kepti nisurti-nipekti.)

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YESAYA 58:12

Mijiwin jide minu di timek bingwig ei nigkumti bikei hanyen. Keret dihyeisi dini mipai sut je bipia yo dima ne mben di ikinding ngug tig hanyen bingot ide ig ei nigkumti hanyen ri.”

YESAYA 63:11

Mpe dima lene igyok ngon kep nijam timiei Musa po tuhan de awak pima leu api ihig yam ser “tuhan po bie tut Nide limwa nya ide nibou nya di imbut ei muk nikieti pima no ritou i? tuhan po kes ninnei ei Musa dip pima no ritou i?

YESAYA 65:9

Midinjei mun di kei bak mben Israel di intun keret Yehuda him ba, ide nintun him yamti di bram yam nya igyai Ditde dihyei di bon nungug him nya nok ide dihyei ninda rom. Yo di didimig yok ei su nya miyoom yonti binok awak mem Da bibong ei mpia dima.

YEREMIA 18:9

Ne gino dikos tut bipia diwin mben gom kin ide ninyeng tak kepti ba, disindem tut yok,

YEREMIA 30:9

Mijikuk je bijinok awak mem jide tuhan Allah di Dani kin no di ntun Daud him di dita nok nibou ndig hanyen cem.

YEREMIA 46:26

midikes yok bak Nebukadnezar di nok nibou ndig mem minu Babel bitut nide tentara di ijoi sut igyai nimai bak ide siceu nya. Noro ei nidipti bu ne tungwatu mibong ei minu Mesir noyam kin gi nipou pima. Da di tuhan disimbot dat tu.”

NIBWOS-BWOS NYENTI 5:21

tuhan e, ma asindui sut nye ba, nihwou hanyen ndam Na. Miningkwei hanyen ndam Na! Ma ayai nibong kei ningwam keisi binye hanyen nok gi nipou a.

YEHEZKIEL 17:24

Biei nindigsi nya ei minu dima hagom mingon huk niti bipia Dani ne tuhan ri. Diwim biei di jei ndig nya lene dibindei ba, biei mon nya hei bijei ndig. Dibindei biei di ngun-ngau nya mui bingak-cai lene dibindei ba, biei di mui nya nikioi tug hanyen ba, bimahan kep. Da di tuhan disimbot dat tu ba, mun di dipai nya hagom mipek kep.”

YEHEZKIEL 36:11

Midikum ei jide limwa kin jide mindhe-ndhe nyati ba, imang bibor dor njiriek nimangti ei nimbie him pima. Ba, ide nintun him yokti nya imang bibor. Midisindui sut ba, ibong nyahan ei minu dima noyam kin gi nipou hanyen. Midibindei ba, jiyemti kin jimati dem mem je dor njiriek gi juum nipou yo a. Apino yoni mikan tut bipia Dani ne tuhan ri.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

OBAJA 1:17

“Noro bihi mingwes ngun ug ei Nungug Sion. Nungug dima ne gumihyep di jo pijum ei mem Da ri. Leu api yo di intun Yakub him migyai dihyei ninda rom di ide hanyen binok ide bu.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MIKHA 7:11

Je di timiei minu ndig Yerusalem e, nikwesti di kei bibor mem gima jikinding ngug tig di bikrop ttai jide minu dideu su. Mpe dima lene jide hanjop nsi mikum eisi bu binindig.

MIKHA 7:14

tuhan e, ma anyohou Ade limwa di adimig ei su nya. Ibong biyongkom ei mpia nintiti lo, dihyei di nnum kei jo ttai yok. Ma asindui sut ba, igyem kep njita ei abris nghousi di nnum kei ei hanjop Basyan kin Gilead cem bit leu nok igyai kepti di nipou su nya.

MIKHA 7:8

Ide siceu nya ipai mun mem ibisu tindei ingon di kei kep nye tut gi itimek bingwig bi. Mbro nok gino nyeni icut tu lo, jei bi ne ikiju hanyen bu. Nogindini ingat rin ei nidinditi noro tuhan mipiga digai nye bu.

ZAKHARIA 12:7

Da di tuhan midibindei ba, tentara minu Yehuda ibindei timek siceu nya nipou ngig-ngat leu binhyepo ninyeng jeisi di yo di intun Daud him kin timiei minu ndig Yerusalem igyai dima nindig dor njiriek ninyeng jeisi di timiei minu Yehuda nindigsi nya igyai bi.

ZAKHARIA 14:10

Minu titut yam miwer nibriepti leu minu ndig Geba ei nite bei mpia nijjai ug bipek kin minu ndig Rimon ei nite bei mpia nibiho. Noro minu ndig Yerusalem mikiju bijo anai dor njiriek dihyei di jo ttai nya. Minu ndig dima ninyanti mijo leu Dimbou Pmem Benyamin kikau ug bipek kin Dimbou Pmem Nuhuisi di nok mpia di dimbou pmem gi nipou joti. Ba, ninyanti bu mijo leu Hananel De Ig Mien Di Jo Anai kikau ug bipek kin nibou ndig de bak di ipot ba anggur ngei eisi.

ZAKHARIA 6:12

Ma abipai binoni bipia Da di tuhan Di Disindem Bibor dipai ‘No di ijem ninyeng Biei Biop mingat ningat ei mpia di ntun him biwin tuhan De Ig hanyen.

MBEN ISRAEL IMBUT-MBUT NYEN 24:18

Nide siceu nya igyai minu Edom bigyati noro mben Israel misindem mem gima ihwen yok.