AMOS 9:1 - ALLAH NIHYET MEM TUNGWATU NYA

¹ Dingat lo, tuhan ya kui nimbar hum dok bipai “Ma abui Ditde Ig nidihim ninggrupti nya tignam bibor ba, abindei nikiou ugwa-kwei. Abindei ba, nidihim nya ttek bicut ug ei dihyeisi mu bitot tungwatu nya ibou nggram him. Midibindei ba, tungwatu nindigsi di imai bi nya itug ndei nimai tug hon pran di cut igkep yok. Bit bon hi nang leu biningwes ngun kan bi.

AMOS 9:1 ပူးပေါင်းရင်းမြစ်များ

NIBOHON MBEN ISRAEL GI NICAN 18:18

Lene Mikha pai bu “Nogindini ma angig atingou mem tuhan nihyet ug e! Dikan huk tuhan gwam ei nide banggo mbrei dip ei gwamti brei bou diyai him lene nide malaikati nya yahagom igya kui Noni.

MAZMUR 68:21

Ide Allah ne tuhan di teu nye di ingwes ngun bikwek nye ba, ingwes ngun leu nimai ri.

MAZMUR 68:22

Ningat ne Allah mico kep Nide siceu di ihwen bit Noni nya ibou binem-nnai. Yo dima ne yo di ibon kep sisar kikau ri.

YESAYA 30:16

Leu api jiba jingon com jingon kanti nok gino jibri kuda di imbut sindem bibor leu binhyepo jingwes ngun leu jide siceu nya. Kei bibor! Ningat ne suar ma jinang! Jikan bipia jide kuda nya imbut sindem noro yo di yuhuk bram je mibri kuda di imbut sindem bibor dor njiriek jide bu.

YESAYA 6:1

Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.

YEREMIA 11:11

Gima rino Da di tuhan dipingok ingonti. Suar igyok ngon kep bipia midikes mun di buhun bibor kwei ei yoni dip ba, bit bon ingwes ngun kan bi. Gino yahara mem gima dimpu yok lene midimiap ighyet bi.

YEREMIA 42:16

“Pran kin ninggum di jittin tut dima muhuk bram je kikau ug ei minu Mesir bijimai ei minu dima.

YEREMIA 48:44

No di nang leu mun di biyai ningon ttin biborti micut ei ndep juiti ba, no di ningwes ngun leu ndep jui dima mibiam bon a. Mun dima yok hagom micut igkep mben Moab ei nituti di dikos tut ei mem gima dibindei sar yok.

YEHEZKIEL 1:28

Mun dima bon nisieng hi gom hi gom di noyam kin pwet. Nipigati di jimjit dima ndo tut tuhan di ningat rin ei sirima. Tirigi dingat gini bou diyai him lene dikuk da bidiba dingwak bikik dihyei. Lene nihyet gom hig da,

YEHEZKIEL 10:4

Nipigati di piga mpia kei di bindo tut tuhan di ningat rin ei mpia dima piga mpia ei kerub dima yok igyati bipri ug ei dimbou hui di ibicoi tuhan De Ig. Apino nipigati dima piga mpia kei ei mpia di jo bas hak ei tuhan De Ig.

YEHEZKIEL 15:7

Midikes hukum ei yok dip. Mbro nok gino illu leu hum tu lo, hum miyem yok bisar. Tirigi dikes hukum ei yok dip ne mporo akan tut bipia Dani ne tuhan ri.

YEHEZKIEL 9:2

Noni pai nok rino ibou muhwindagom ittau sur yam leu dimbou pmem di jo tuhan De Ig nijjai nisai ma kwei ba, yahagom ikrau ide minggwen bijo indati. No di juk sinsun di iba minghas linen binap di krau mun pas srat ei nindati cem ningat rima bit yok. Yahagom icoi kwei bigya dideu nimbar hum dok ngkimom-tembaga.

AMOS 3:14

Njap dino dikes hukum ei mben Israel dip drek dip ide sisar ne midinggek nimbar hum dok nya ei minu ndig Betel. Midibindei ba, nimbar hum ndok ninggai di tug bidem nimbar hum dok nuhuisi nya hagom micut ug ei dihyeisi.

AMOS 7:17

Gima rino tuhan pai bina di Amazia atnem minok sop di nibou buwei di hwou-hwou nyen bidem simpak ei minu dini. Amunggwom bat nya mitug ndei nimai ei pranti ba, ade siceu nya mikwas ade minu dini tut yam. Mporo nanti ayaijoti ug hon nohonti ei angkiaisi. Leu api siceu nya mikat mben Israel bikri yok ug ei ingkiaisi ei ting bibor leu itimieisi.”

AMOS 7:9

Midibindei sar gumihyep di Ishak de nintun him yamti di bram yam nya ingkwei-ngkwei nyen kep mem gima ibon midut eisi nya. Mben Israel ide gumihyep di kwes-kwau nya mitti bingwig. Midicok tut yo di intun nibou ndig Yerobeam him yahagom.”

HABAKUK 3:13

Akinyon ei Ade midyai dimati leu binhyepo akwek Ade limwa nya ba, ateu nibou ndig di adimig ei su ba, ningwes ngun. Abindei timek no di bie tut yo di imbuk bibor nya leu api ahwen nide limwa nya cem ba, itimek bingwig.

ZEFANYA 1:12

Mpe dima lene miditin mini ba, dibiput ser minu ndig Yerusalem. Midikes hukum ei limwa di ingon hou ser yam kin yo di ijoi sut yonti njem kin yo di ikan bipia Da di tuhan dibindei mun di mpu yok kin mun di cut igkep yok bi nya yahagom dip.

ZEFANYA 2:14

Nimpung domba kin kambir nya kin sapi nya ninyeng hi gom hi gom mibong kep inghuisi ei minu dima. Hapug nya mitot yaham ei nigkumti di siceu nya inggek sinsiou dima yok bidwas kwei leu kendera mihyeti nya. Miniwou mitok-tok nyen ei dimbou hui nya. Tungwatu nya minggek buom sra nya bidem ig dima yok hagom ningwig leu.

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 1:32

Yohanes tri tut mun di noni ngat bou niyai him bipai “Dingat Allah Ninnei di dwop juk nok hakimoi leu mpia-bbed him biteu ei Yesus dip leu api dimba hanyen ug bi.

KISAH 26:13

Na di Andigpoi e, Gima rino dimbut biduug ei puig sinon mem mpia huk pijum lene ninjeng di piga kei di nindig dor njiriek mpia nicomti com kros leu mpia-bbed him bipiga digai diyati kin yo di ibit da cem igyati.

YOSUA 10:18

Lene Yosua pai “Jirim tig di nindig nya ba, jibinggam ser hak mihyeti dima nuhui a. Lene jikwas tentara ibou poi bigya ser mpia dima.

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

NINGAT-HI-NGAT NYA 8:3

Malaikati gom kin bu krau bokor mas mem indig biei nggrai di ui-gwang kei eisi bikwei ya simiak nimbar hum ndok. Noni yai biei nggrai di ui-gwang kei mang bibor mem gima bikum ei Allah de limwa nya ide naditi bindig biei nggrai dima ei nimbar hum ndok di iba mas binggai di jo banggo mbrei nibiho.