AMOS 8:6 - ALLAH NIHYET MEM TUNGWATU NYA

⁶ Misitri gandum di muhum sui kin nibok di kak bibor. Singgok no di nuhui mbum kin no di nuhwap mbum di bit bon ikum ningwam di idahat di nimangti dem sandal can nibok kan bi leu api misiba mitiei biwim yok nok awaga.”

AMOS 8:6 ပူးပေါင်းရင်းမြစ်များ

NEHEMIA 5:8

Dipai biyok “Jikan tut bipia iba ide nisindemti di jo binye biteu ide bat mben Yahudi nya di suar itri yonti nok awak bak mben ngkiai hanyen tu. Noro nogindi pa je di jinok limwa hanjop Yahudi gom jibidip huk jisut bat Yahudi nya bijibindei ba, itri yonti bije ba, inok awak hanyen tu!” Lene nibou ngot pima yok imiap dipingok yokti dima leu api yahagom indun bou leu api yahap iji bi lewo bit bon ibuhup ba, ipai mun mem ibisu tindei igyai munti dima kan bi.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

YOEL 3:3

Iko bibinggok tut yo di ikat yok nya leu binhyepo ikwas yok tut yam bit leu nok gi iko tut pima. Itri munggwom pinai nya kin munggwom sop nya di ikat yok nok awak bibipek mitiei mem gima ibigo gau sop di ibou sibui nya kin ba anggur ngei.

YOEL 3:6

Jikat timiei minu Yehuda kin timiei minu ndig Yerusalem ug ei ingkiaisi leu api jitri yok nok awak mem mben Yunani bijibipek mitiei.

AMOS 2:6

tuhan pai “Timiei minu Israel ibon sisar ninyen. Ide sisar bindei ba, dikes hukum ei yok dip. Lewo yo di inyeng nya itri no di ningon gom di bit bon kum ningwam di dahat kan bi nok awak kin no di nuhui mbum di bit bon kum ningwam di dahat di nimangti dem sandal can nibok kan bi cem.

AMOS 3:9

Ma jitri tut nihyet di disok ei jeni dip bak yo di ibong ser ig nibou ndig nya ide ei minu Mesir kin minu ndig Asdod bijipai biyok “Ma jinduk yam kwei ei nungug tou nya di jo ttai minu ndig Samaria leu binhyepo jicap timiei minu ndig dima ide nimbuk tut yamti kin mun di ibon tunggwei sut yamti bou jiyai him.”

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 8:4

Je dino jico kep yo di yuhui mbum bijibindei ba, imai bingwig ei minu dini e, ma jingig jitingou mem dihyet!

ZAKHARIA 5:6

Dihig ser noni “Mindei ritau kwei dima i?” Noni buhup “Bansi ndig gom di bindo tut minu dini titut yam nide sisar ritau kwei dima.”