AMOS 8:3 - ALLAH NIHYET MEM TUNGWATU NYA

³ Nipou ne tungwatu nya ipai doia ei nibou ndig de ig di kei bibor kei noro tirigi tto bou dima dem ne yahagom ipim bibikiek nimai. Tungwatu nya yoom yo nyahan tut nimai ngut nya bicom-com wai ei nisai bikui sur mpia.”

AMOS 8:3 ပူးပေါင်းရင်းမြစ်များ

MAZMUR 39:9

Ateu da leu ditde sisar nya hagom lene ma asindui sut ba, yo di ingon mbum nya iba da bikek au.

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

YEREMIA 22:18

Gima rino tuhan pai sut Yoyakim di Yosia nipmot di nok nibou ndig mem minu Yehuda “Nimaisi mibindei ba, ipim tut biyahara ‘Ayo, disut ug o! Ayo!’ Miyahara nok gima bi. Hi dima ba ningon ngguk bahara ‘Ndina, nibou ndig ndia ug o!’ Nok gima cem bi.

NIBWOS-BWOS NYENTI 2:10

Ndigpoi ndig nya igwam bbwe ei dihyeiti ba, ikam dihyei ndung bikes ei ibou nggram himti lene ijuk sinsun kron di bindo tut ingon di ngguk o! Sop gwam nitta pilei ningat nya cem igwam biyuhuk bou lene iba ingwak bikik dihyei o!

YOEL 1:11

Je di jiyai miai e, ma jingon ngguk bibor! Je di jinyohou ba anggur e, ma jiyai nggwei kibor! Lewo hum yem jide gandum nitu kin gandum-jelai hagom bitut njita nindigsi bijjem bingwig leu je tu.

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

YOEL 1:5

Je di pes pu je e, ma jikiju bijiya! Je di nidut ba anggur ngei cig e, ma jiyai nggwei kibor! Lewo hai ceng nya igyem ningat di sindi ntun ba anggur him bingwig leu je tu.

IMAM NYA IDE MIDYAI 10:3

Lene Musa pai bak Harun “Mun di cut igkep yo dima bit leu nok gi po tuhan sok kep nye tut tirigi po Noni pai bipia suar yo di igyai kep Nide midyai ikuk yok bak Nide nikwes-kwausi. Noni mindo Nide nikei-kau-keisi bak Nide limwa nya yahagom pima.” Pai nok noro Harun kum nuhui kep bibuhup bi.

AMOS 4:10

Dibindei ba, nsuwer ajar di buhun bibor noyam kin gi hi di dipinak ug ei minu Mesir pima hwen je. Dibindei ba, jide pinai pilei nya itug ndei nimai ei pranti leu api jide siceu nya ipos jide kuda pran bingwig leu je. Dibindei ba, jide prak meng yati nya mpung tut nimai ngut di mpiei bibor ei jihwap nsi. Mbro nok gima lo, jigingkwei hanyen ndam Da bi.

AMOS 5:16

tuhan Di Sindem Bibor pai “Tungwatu nya mipim kui jei ba, ingon ngguk tut nimai kak simpak ei minu ndig dima. Timiei minu dima mihig yo di igyai miai kwei leu binhyepo ipim kui jei sut nimai nya bit yo di ingot kep yok mem gima ipim kep nimai a.

AMOS 5:23

Ma jikes hon doia jide di sra nggai nya. Dikou sut gima jide nggong mbrei nya nigwei tibim ei ditingou nsi.

AMOS 6:4

Buhun bibor mem je dino jibong kei jigwam kei ei jibongti di kei bibor kei bijiyem sapi kin domba nimien ninghui nindig bibor!

AMOS 6:5

Jiluei-luei nyen doia nijep nya bit leu nok Daud niyaisi leu api jiba nggong mbrei nya bipai doia dima yok.

AMOS 6:8

tuhan Di Sindem Bibor ba, Ninyeng Jei Bibor cem sok kep je ngkiem “Dingon mpo tut mben Israel ide ningon jei biborti ba, dingon buhun tut ide ig di kei bibor kei nya. Gima rino midikes ide minu ndig pmem bitut timiei minu dima yahagom ei ide siceu nya indati.”

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

NAHUM 3:3

Nimpung tentara ibri kuda bigya kep tungwatu nya. Singau simeda kigyei igyaisi ba, micim njeng-jau kei. Bit bon igikwop yo di imai nimbiam nya imangti kan bi. Ingut di jo-jo yam dip bindei ba, tentara indrat bitti.

ZEFANYA 1:7

tuhan de njap dideu kwei su ba, ei njap dima ne Allah miyai nibou tut Nide limwa nya igyai munti nya. Gima rino ma joom jenti nyahan ei Noho bei hak ug. tuhan tin ei mem gima ba Nide limwa nya yonti njem bibon midut di noyam kin midut nindig mindhe-ndhe ei nimbar hum dokti. Ba, Noni nduk mben Yehuda ide nitok nya kwei mem gima ihwen yok.