AMOS 8:2 - ALLAH NIHYET MEM TUNGWATU NYA

² tuhan hig ser da “Amos e, angat mindei i?” Dibuhup “Dingat bansi gom di biei ngat di nggwop kei joti.” Noni pai bida “Tto bou dem mem Ditde limwa mben Israel tu. Diluei dingonti tut hukum di dikes ei yok dip bu bi.

AMOS 8:2 ပူးပေါင်းရင်းမြစ်များ

NITRITI 6:13

Gima rino Noni pai bak Nuh “Dikos tut bipia midicok tut tungwatu nya yahagom. Lewo ibon munti di kinei nya kieng kep dihyei nisurti-nipekti hagom tu. Gima rino midicok tut yok bitut dihyeisi dini.

YESAYA 28:4

Nikei-kau-keisi ei ide minu ndig di sindi pren hanyen mipren bingwig noyam kin biei ara ningat di nggwop ujau di tungwatu nya ingat lene ibipuk bigyem.

YEREMIA 40:10

Jibong hak ei jitimieisi nya bit leu jingon kanti. Lene ma jipian ba anggur ningat ba, jinju keyam kin biei ngat nya kin mini zaitun ba, jinju keyam. Dibong ei Mizpa ba, diya hacan mem limwa nya mpe di tentara Babel nya ikwei ei minu dini.”

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

NIBWOS-BWOS NYENTI 4:18

Gimbun nehei binimbut kak simpak kan bi. Leu gino nehei leu lene siceu inyohou tou kep nye kikau o! Nyende njap ningwig honti dideu kwei su ba, nyende njap mingwig leu nye ug rin o!

YEHEZKIEL 12:23

Nogindini ma atri tut biyok bipia Da di tuhan Di Dinyeng Jei Bibor dibuhup: Mididip tut nihyet nibiti nindati dima. Apino indat kep gima ei Israel bu bi. Ma apai biyok bipia nihyet di biluei nihyet dima bu pai biyok bipia nijam tau ba, nimbot kepti nya sindi pek kep tu.

YEHEZKIEL 29:8

Gima rino Da di tuhan Di Dinyeng Jei Bibor dipai bina bipia midipinak tentara di iba singau simeda bihwen na ba, ibiyai nimai bak timiei nya bitut mindhe-ndhe ade nya cem.

YEHEZKIEL 3:10

Allah binut bu bipai “Na di tungwatu di ayaijo kikau bi e, ma angig atingou mem dihyet ba, akan kep mun di disok ei na dip hagom.

YEHEZKIEL 3:7

Noro mben Israel ikou sut gi imiap kep ahyet lewo jo nibreisi bipia inghek Da bingkek ndok bisrep tut Da cem igkei.

YEHEZKIEL 7:6

Nogindini mun di hagom ngwig hon tu. Gini ne ayaijo ningwig honti ri. Nituti mem gima angwes ngun hi jo bu bi.

YEHEZKIEL 8:12

Allah pai bida “Na di tungwatu di ayaijo kikau bi e, angat mun di nibou minu Israel nya ibon ku dima yok e? Ikuk yok ei ninsi di mpung tut kwar nya lewo ikan bigya dikes minu dini ei su bidingat ide nibon munti dima bi.”

YEHEZKIEL 8:17

Lene tuhan pai bida, “Na di tungwatu di ayaijo kikau bi e, angat gima tu e? Timiei Yehuda dini ingon cut hon gi ibon mun di bindei di igyai ttin ningat dima he bi. Ba, ibon mun di kinei bibor di bit bon tungwatu ibonti bi pimo bidem minu dini nisurti-nipekti hagom he bi noro igyai ibou tut ei mpia dini ei Ditde Ig. Igyai munti dima bindei ba, digga bibor bidor njiriek bu. Angat i! Ibibon dinyeng kinei tug hon igyai munti di kinei bibor dini!

YEHEZKIEL 8:6

Allah pai bida “Na di tungwatu di ayaijo kikau bi e, angat mindei di pek kep dima i? Angig ayai kep nibon munti di kinei bibor di bindei ba, diyai ttin di mben Israel igyai kep nya. Mun di igyai dima boom Da ei minu ting leu Ditde Ig tu. Noro akwei ba, midindo mun di kinei bibor bu hi kin bu bina.”

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

AMOS 7:8

bihig ser da “Amos e, angat mindei i?” Dibuhup “Dingat kuk di ibinai nipijumti.” Lene Noni pai bida “Diba kuk dini biki Ditde limwa nya ingon lewo inoyam kin dring di pijum kei dini bi. Midiluei dingonti tut hukum di dikes ei yok dip bu bi.

AMOS 8:1

tuhan Di Ninyeng Jei Bibor bindei ba, dingat ningat-hi-ngat gom kin bu. Dingat bansi gom bitut biei ngat di nggwop kei joti.

MIKHA 7:1

Buhun bibor mem da! Dinok no di nggum di nggok biei ngat di ntun biei him nya kin ba anggur ngat di ntun ba anggur him niabiati nijam njiriek tu lo, ningat hi jo him bi. Tungwatu nya ipuk ba anggur ningat kin biei ara ningat hagom bingwig leu su.

ZAKHARIA 5:2

Malaikati dima hig ser da tut mun di dingig diyai kep. Dibuhup “Dingat srat kijum ningat gom di dimba-mba nyen ei mpia-bbed him. Nijeisi dem meter muhwindatai lene ninyanti dem meter bitai biniken.”