AMOS 8:13 - ALLAH NIHYET MEM TUNGWATU NYA

¹³ Mpe dima lene pinai pilei kin sop gwam nitta pilei di inghuisi kwes nya mimbris tut inggobiau.

AMOS 8:13 ပူးပေါင်းရင်းမြစ်များ

MAZMUR 63:1

Doia Daud mpe di noni ningat rin ei iggum ndigsi Yehuda.

YESAYA 40:30

Pinjoi pilei nya inghuisi wei ba, inghuisi jet cem lene munggwom ndig nya ikinoi-kinoi nyen.

YESAYA 9:17

Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.

YEREMIA 48:18

Je di timiei minu ndig Dibon e, ma joom je leu jide mpia di yai ninyeng jei ba, jigwam ei dihyeisi kin atriemti. Lewo no di nggek ade minu Moab kwei krau su ba, noni mibindei timek jide tentara nibousi nya hagom ri.

NIBWOS-BWOS NYENTI 1:18

Noro tuhan ningon sren-srau! Dani rino ditunggwei sut Nide nicukti nya tu o! Je di ngkiai nya e, jimiap dihyet ba, jingat bipia dingat rin ei ninghuisi wei diniti o! Siceu nya ikat pinai pilei tde nya kin sop gwam nitta pilei tde nya bibindei ba, isima ei ingkiaisi tu o!

NIBWOS-BWOS NYENTI 2:10

Ndigpoi ndig nya igwam bbwe ei dihyeiti ba, ikam dihyei ndung bikes ei ibou nggram himti lene ijuk sinsun kron di bindo tut ingon di ngguk o! Sop gwam nitta pilei ningat nya cem igwam biyuhuk bou lene iba ingwak bikik dihyei o!

NIBWOS-BWOS NYENTI 2:21

Ndigpoi nya kin munggwom pilei nya imai sinsiou ba, pinai pilei nya kin sop gwam nitta pilei nya imai tug hon singau simeda o! Njap dima ne ayai nimai biyok drek dip Ade nigga biborti rin o!

HOSEA 2:3

Gino noni nikrar jut kikau lene midijuk nide sinsun bingwig leu noni leu binhyepo ningat ngu noyam kin njap di nipmem srek tut noni. Midibindei ba, noni noyam kin iggum ndigsi di ningat ntun him bi leu api mai ninggobiau.

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

NINDAT KEP TUHAN NICUKTI NYA 32:25

Ide siceu nya mihwen yok bingwig kak simpak ba, mun di buhun bibor micut igkep yok ei ide ig ba, ide pinjoi pilei nya kin sop pilei nya imai bingwig lene munggwom ngwoi nya kin andig-ndau nya cem misar bingwig.