AMOS 8:11 - ALLAH NIHYET MEM TUNGWATU NYA

¹¹ tuhan Di Ninyeng Jei Bibor pai “Jei bi ne tto bou dem mem diba ninggum di buhun bibor bihwen yok. Tungwatu nya minggum noro inggum tut njita bi. Inggobiau noro inggobiau sut minyei bi. Yoni inggum ba, inggobiau cem tut nihyet di tibim ei duhui him.

AMOS 8:11 ပူးပေါင်းရင်းမြစ်များ

NIBOHON MBEN ISRAEL GI NICAN 15:3

Mben Israel yoom yonti ba, ikuk yonti bak Allah di nijit dima bi mimbrek ngan tu. Ba, Nide niggai ser yokti jo nibreisi mem yok ba, imam nya di ingginau kep yok nya ingat rin cem bi.

MAZMUR 74:9

Ningat nabi nya kin mindur nya ei niyai him bu bi. Lene hi di kan tut mun di cut igkep nye dini nohonti bi.

NIPINGOK NINGONTI 29:18

Gino timiei minu hi ikou sut tuhan nibie tut yokti lene yahagom igyok nisinsiou ei yamti. Noro yo di ibit tuhan nikos tutti nya ingon nggei-hi-nggei.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YEHEZKIEL 7:26

Mun di buhun kin nibimbiti di tibim tut nihyet di kinei mingkwei-ngkwei nyen kep je. Jahara bak nabi nya leu binhyepo itri tut ide ningat-hi-ngat di ingat nya bije lo, igipai mun bije kan bi. Imam nya cem ingginau limwa nya kan bi ba, nipingokti cem ngwig leu nibou nya tu.

HOSEA 2:3

Gino noni nikrar jut kikau lene midijuk nide sinsun bingwig leu noni leu binhyepo ningat ngu noyam kin njap di nipmem srek tut noni. Midibindei ba, noni noyam kin iggum ndigsi di ningat ntun him bi leu api mai ninggobiau.

MIKHA 3:6

“Je di nabi nya e, nituti mem jiyai midyai dima bingwig dideu su. Nituti di jiyai midyai kimbas leu je ug ri. Jingat ningat-hi-ngat bijitri tut Ditde nikos tutti bu bi.”

MATIUS 9:36

Noni mian ser tungwatu di inggreu bibor nya bingondut yok nindig bibor lewo inok domba nya di ibou ngwak sibui ba, inghuisi jet cem lewo ibon ide gembala bi.

SAMUEL GI NIGOM 28:15

Lo bi lene Samuel hig ser Saul “Nggon rino abindin da i? Nggon rino abindei bidikwei hanyen i?” Lene Saul buhup “Mun di buhun bibor cut igkep da tu! Mben Filistin mikon pran bit da bigyai nimai bida noro dikan tut bipia Allah kes da ei su. Noni buhup dihyet tug hon nabi nya ighyet kin mumpriem nya cem bu bi. Gima rino dihig na kwei leu binhyepo apingok dingonti tut mun di midiyai.”

SAMUEL GI NIGOM 28:6

Gima rino noni hara tuhan mem gima ndo bindo binoni. Noro tuhan buhup nihyet tug hon mumpriem nya kin Urim kin Tumim kin nabi nya ighyet bi.

SAMUEL GI NIGOM 3:1

Ei nijam di Samuel mahan haigtu bigyo di ya kui Eli biyai midyai mem tuhan dima lene tuhan mbot kep tut ningon kanti bak Nide limwa nya bi lene ndo ningat-hi-ngat gom-gom he bak yoni.