AMOS 7:17 - ALLAH NIHYET MEM TUNGWATU NYA

¹⁷ Gima rino tuhan pai bina di Amazia atnem minok sop di nibou buwei di hwou-hwou nyen bidem simpak ei minu dini. Amunggwom bat nya mitug ndei nimai ei pranti ba, ade siceu nya mikwas ade minu dini tut yam. Mporo nanti ayaijoti ug hon nohonti ei angkiaisi. Leu api siceu nya mikat mben Israel bikri yok ug ei ingkiaisi ei ting bibor leu itimieisi.”

AMOS 7:17 ပူးပေါင်းရင်းမြစ်များ

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

MAZMUR 78:55

Noni jji timiei nya di ibong ser minu dima leu itimieisi sindam ei Nide limwa nya yoho bei. Leu api kwas minu dima tut keret mben Israel nya apino ibong ser prak meng di siceu ide di imai leu nya.

YESAYA 13:16

Yoni mingat siceu nya di ibui ide munggwom ngwoi nya binem-nnai cem di icoi ug ei ig di ide bicat ndigban di ide nya cem lene ikat itnem bat nya bicut tut yok bou igyai him cem.”

YESAYA 22:18

Midikijum-kijum nyen na leu api dicom na noyam kin no di com bar ug ei minu di nindig. Atug ndei nimai ei sirima simin ade kroba pran di anggei sut nya nitta. Abindei ade andigpoi de ig bei nsi nya inyeng kinei tu.

YEREMIA 14:16

Nabi pima yok di itri tut nihyet biyok cem mitug ndei nimai tug hon nisinati dima. Ide siceu nya micom ingut sinsiou bidem simpak bou ei minu ndig Yerusalem noro yo di ingwes ngun hi di mitig yo dima ingut bi. Mun di buhun bibor dini micut igkep yahagom bitut itnem bat nya kin imunggwom bat nya cem. Midibindei ba, ibiang ide sisar di kinei bibor dima nibuhunti.”

YEREMIA 20:6

Pasyhur e, siceu nya mikat nani kin ade bat nya cem jahagom ug ei minu Babel. Nani kin asut bat nya di aris kep mun biyok ninno tu jahagom mijiyaijo ngwig hon leu api mitig je ei jingkiaisi.’ ”

YEREMIA 28:12

Mun dima pek kep mem da leu api njap poi ser lene tuhan cuk da ba,

YEREMIA 28:16

Gima rino tuhan Nonti pai bipia Noni micok tut nani leu dihyei ninjek dip leu api ma amai ei ari bingwam dini drek dip gi acuk mben dini yok ba, yaham imbuk kep tuhan.”

YEREMIA 29:21

tuhan Di Sindem Bibor di Allah Israel tri tut Ahab di Kolaya nipmot kin Zedekia di Maaseya nipmot di itri tut mun nyeng di nijit bi nya bije tug hon tuhan ninyeng. tuhan pai bipia mikes yoni ei Nebukadnezar di nok nibou ndig mem minu Babel ninda nsi ba, noni miyai nimai biyok bou jiyai him.

YEREMIA 29:25

tuhan Di Sindem Bibor di Allah Israel pai Semaya pinak srat gau nonti ninyeng bak timiei minu ndig Yerusalem nya yahagom kin imam Zefanya di Maaseya nipmot kin imam nindigsi nya kwei su. Noni pas ei srat dimati bak Zefanya,

NIBWOS-BWOS NYENTI 5:11

Siceu nya ikat sop nya binggek yok ei Mbigdip Sion ba, inggek sop gwam nitta pilei nya bidem minu mien ngot ei minu Yehuda hagom bibindei ba, inyeng kinei o!

YEHEZKIEL 4:13

tuhan pai “Mpe dino dicom mben Israel ug ei ingkiaisi lene yoni migyem njita di Musa de nicukti ggai ser pima nok gima ug ri.”

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

AMOS 6:7

Gima rino midibindei ba, jide siceu nya ikat je ug ei jingkiaisi bibie leu mben hiter nya. Mijibindei mbut pesta kin midut nya bu bi ba, nohonti ndia ri.

AMOS 7:11

Noni pai bipia na di Andigpoi mporo akon pran bit ade siceu nya leu api atug ndei nimai apino siceu dima yok mikat mben Israel bikri yok ug ei ingkiaisi.”

AMOS 8:1

tuhan Di Ninyeng Jei Bibor bindei ba, dingat ningat-hi-ngat gom kin bu. Dingat bansi gom bitut biei ngat di nggwop kei joti.

AMOS 9:1

Dingat lo, tuhan ya kui nimbar hum dok bipai “Ma abui Ditde Ig nidihim ninggrupti nya tignam bibor ba, abindei nikiou ugwa-kwei. Abindei ba, nidihim nya ttek bicut ug ei dihyeisi mu bitot tungwatu nya ibou nggram him. Midibindei ba, tungwatu nindigsi di imai bi nya itug ndei nimai tug hon pran di cut igkep yok. Bit bon hi nang leu biningwes ngun kan bi.

AMOS 9:8

Da di tuhan Di Dinyeng Jei Bibor diyok diyai kep je di mben Israel di jibon sisar leu api midibindei ba, jitimek bijingwig leu dihyei njek dip. Noro dibindei ba, yo di intun Yakub him yahagom imai bingwig bi. Da di tuhan disimbot dat tu.

MIKHA 1:16

Je di mben Yehuda e, ma jikos jibou nta nok mun di bindo bipia jingon ngguk tut jimunggwom bat di jingon ngakei yok nya. Ma jikak jibou nta bidia kei noyam kin ha di nindig krop di yem kep mun di mai nya lewo jide siceu nya mikat jimunggwom bat nya ug ei ingkiaisi.

ZAKHARIA 14:2

tuhan minduk mben nya yahagom bibicom yam ba, mikwei mem gima injei bihwen minu ndig Yerusalem. Igyai minu ndig dima bigyati lene icoi bidem ig hagom bipos ndigban di joti nya. Mben dima yok ipos sop nya bikat timiei minu ndig Yerusalem nite hi bicom yok ug ei ingkiaisi. Noro igikat tungwatu nindigsi di ibong ei minu ndig Yerusalem bi.