AMOS 6:8 - ALLAH NIHYET MEM TUNGWATU NYA

⁸ tuhan Di Sindem Bibor ba, Ninyeng Jei Bibor cem sok kep je ngkiem “Dingon mpo tut mben Israel ide ningon jei biborti ba, dingon buhun tut ide ig di kei bibor kei nya. Gima rino midikes ide minu ndig pmem bitut timiei minu dima yahagom ei ide siceu nya indati.”

AMOS 6:8 ပူးပေါင်းရင်းမြစ်များ

NITRITI 22:16

“Dani ne tuhan rin ba, deheng bitug hon Danti dinyeng. Ayai mun dini ba, angon tak kep apmot gom ngat dima leu Da bi.

MAZMUR 106:40

Gima rino tuhan niggati cig-cai kep yok ba, ningon him wei sut Nide limwa di ninyeng tak kep yok nya.

MAZMUR 47:4

Noni bindei ba, nyeni yoom kep ngkiai nya. Noni ta nye ba, inyeng tak kep yo dima ide keret nya hagom.

MAZMUR 50:12

Gino dinggum lene midahara jeni tut njita bi sren. Lewo dihyeisi dini hagom bitut mun di jo niti nya ne Ditde ri.

MAZMUR 78:59

Ngat igyaisi dima rino Noni gga yok leu api rok yok bihigom.

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

YESAYA 28:1

Mun di buhun bibor micut igkep timiei minu Israel di pes pu yok di inggei-nggwang tut ide minu ndig! Ide nikei-kau-keisi pimber hanyen dem kep nok topi di iba mitou binghau bikes ei ibou nggram him lo, mui su. Mun di buhun bibor micut igkep minu ndig di bon ninyeng jei ei mbang briep di nnum kei. Yo di pes pu yok bibor inggei sut minu ndig dima.

YEREMIA 12:8

Lewo yaham imbuk kep Da noyam kin singa ei baham tindurti di yau-yau nyen binggok Da. Gima rino dingon mpo tut yok.

YEREMIA 22:14

Buhun bibor mem no di pai “Misingot ig nibou ndig bitut nghim nsi di bres di sitap ei ig nidip di jo ninten di anai nya.” Gima rino noni tu kendera mihyeti eisi lene ba buom Libanon bibon kendera mihyet ninghim leu api ba cet ningwoi bihwen.

YEREMIA 22:5

Noro gino jibit Ditde nicukti nya bi ne diba neheng bipai bipia ig nibou ndig de dini mitti binok ig kum kroi bijo ei. Da di tuhan disimbot dat tu.

YEREMIA 44:26

Noro je di mben Israel di jingat rin ei minu Mesir e, nogindini ma jingig jitingou mem mun di dipai bije. Da di tuhan deheng bitug hon Danti dinyeng di jei bipia midisindui sut ba, bit bon hi dima meheng bitug hon Da dinyeng bu kan bi.

YEREMIA 49:13

Deheng bitug hon Danti dinyeng bipia minu ndig Bozra nok mpia di tungwatu igyai ttin ba, nok iggum ndigsi cem. Tungwatu nya mipa tut ba, iba ninyeng bisigion yam cem. Minu mien ngot di jo ttai nya mitti sinsiou bihigom bijo ninno bijo kikau. Da di tuhan disimbot dat tu.”

YEREMIA 51:14

tuhan Di Sindem Bibor heng bitug hon Nonti njem bipia Noni mipinak tungwatu imangti bidem hai nimangti mem gima injei bihwen minu Babel. Yoni mimbos-hi-mbos bigyai nillei tut gi yoom kep yok.

NIBWOS-BWOS NYENTI 2:5

tuhan bon Nonti nok siceu bibui minu Israel kikau bitti o! Noni ya kep tentara nibousi di igya coi nibicuon niyaisi nya bitut ig nibou ndig cem ba, hagom timek ningwig lene biyai ningon ngguk biborti bijo ninno bak timiei minu Yehuda nya o!

YEHEZKIEL 24:21

bidipai sut nisokti dini bije: Jinggei sut tuhan De Ig nisindemti. Jijoi sut jimian huk nggilun ba, jibicem kep cem. Noro tuhan mibindei bimap kui Nide Ig. Leu api Noni miyai nimai bak jide nimpung ig bei nsi di ipilei yo ndi igyaijo nya di ibong ei minu ndig Yerusalem ei pranti.

HOSEA 11:6

Ide siceu nya mikon pran bit yok ei itimieisi binggek dimbou pmem nya hagom leu binhyepo ihwen Ditde limwa nya bibindei ba, itimek bingwig. Mun dini yok hagom micut igkep yok drek dip igyai munti nya hagom di bit leu yonti ingon kanti ba,

IMAM NYA IDE MIDYAI 26:11

Midibong ser Ditde Prak Meng di ningat rin ei jikieti. Lene midiba dingha bak jeni bihigom bi.

IMAM NYA IDE MIDYAI 26:30

Lene midicok tut mpia di jikuk je kikep bak mun di mipror yon eisi nya di jo bidem mbigdip nya ba, midinggek jide nimbar di jindig kep biei nggrai di ui-gwang kei kikep eisi ba, midicom jide nimai ngut nya ei jide kwar di tti tu pima yok dip cem. Midiba ningon him wei,

AMOS 3:10

tuhan pai “Timiei minu ndig Samaria iba mun di igyai tunggwei sut yam bipos ndigban nindig bibor leu tungwatu nya binju hagom ei ig nibou ndig nya ide. Bit bon iba ingon gom biyai mun nyeng gom kan bi.

AMOS 3:11

Gima rino ide siceu nya migyon ttai ide minu binggek tentara nibousi di igya coi nya lene ibipos ndigban hagom bingwig leu ide nibou ndig nya ide ig.

AMOS 4:2

Da di tuhan Di Dinyeng Jei ne tuhan kwes-kwau rin ba, dipreu ei mem je tu bipia ‘Jei bi ne jide siceu nya miba ngkimom koisi kin simper bikri bibikwop jahagom ug ei jingkiaisi.

AMOS 5:21

tuhan pai “Dingon mpo tut jide njap ndig nya lewo midut di jibon bou diyai him bindei ba, dingon him wei!

AMOS 8:3

Nipou ne tungwatu nya ipai doia ei nibou ndig de ig di kei bibor kei noro tirigi tto bou dima dem ne yahagom ipim bibikiek nimai. Tungwatu nya yoom yo nyahan tut nimai ngut nya bicom-com wai ei nisai bikui sur mpia.”

AMOS 8:7

tuhan di mben Israel ide Allah pai tug hon neheng “Dingon prion ser igyai munti di mbuk bibor dima bi sren.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

NINDAT KEP TUHAN NICUKTI NYA 32:19

Tirigi tuhan ngat gini hagom tu lene ningon sibui sut yok leu api ba ningha bak imunggwom bat nya.