AMOS 6:4 - ALLAH NIHYET MEM TUNGWATU NYA

⁴ Buhun bibor mem je dino jibong kei jigwam kei ei jibongti di kei bibor kei bijiyem sapi kin domba nimien ninghui nindig bibor!

AMOS 6:4 ပူးပေါင်းရင်းမြစ်များ

NITRITI 37:25

Tirigi igwam nyahan bigyem njita lene ingat lo, yo di intun Ismael him ibou poi itau kwei leu Gilead biyuug ei minu Mesir ba, ijem ide unta nya di ittei biei ngat nya di ninghap ui-gwang kei kin biei ngat kismis.

ESTER 1:6

Nide awak nya igyai minghas mbrawin di iba minghas linen bibon di bon nisieng nidri kin nitiei ba, ibimau mpia di jo bas hak di iba ngug tig bikrop ttai ei ig him di nibou ndig de. Leu api iba nikuk minghas linen di bon nisieng nghei nta bingot ba, ibisrou srak di iba perak bibon di ipek kin cou di iba tig marmer bibon nya. Leu api iba mas kin perak bibon bilen di nggriu-nggrop kei nijei nya ba, ikon bikes ei minghas mbrawin pima nibehei ei igjou dip di iba tig marmer nitiei kin tig hablur ningwoi kin tig permata gewang di jimjit kei kin tig pirus nidri bimau dima hagom dip.

MAZMUR 73:7

Imbukti biam kwei leu ingon bei ba, ibou sibui sut gi igyok ingon gom mem tungwatu nya.

YESAYA 22:13

Noro jigiyai gima bi. Mpe dima lene jingon llei-lau ba, jibon pesta bit yam. Jibui sapi kin domba nok mikwau bijiyem bijidut ba anggur ningei cem. Jibijem biyam “Jikwei bigyem njita bidut ndia ngei cem lewo njap ne imai ug rin o!

YESAYA 28:1

Mun di buhun bibor micut igkep timiei minu Israel di pes pu yok di inggei-nggwang tut ide minu ndig! Ide nikei-kau-keisi pimber hanyen dem kep nok topi di iba mitou binghau bikes ei ibou nggram him lo, mui su. Mun di buhun bibor micut igkep minu ndig di bon ninyeng jei ei mbang briep di nnum kei. Yo di pes pu yok bibor inggei sut minu ndig dima.

YEREMIA 16:8

Ma acoi ug ei yo di ibon pesta ide ig au. Ma ayem njita ba, adut ndia ngei bit yok au.

YEHEZKIEL 16:49

Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.

YEHEZKIEL 23:41

Leu api igwam ei bilen nibongti di kei-kau. Meja di mpung tut njita di itin ei su nya jo yoho bei a. Njita dima yok bitut biei nggrai di ui-gwang kei kin mini zaitun di diyai biyok tu nya cem ri.

AMOS 3:12

Bit leu nok gembala di yai domba di singa ham nikien cin kin nitingou meng gom he ba, gima bindo tut mben Israel di ibong kei-kau ei ibongti di nggriu-nggrop kei ei Samaria ba, ibou poi he mingwes ngun.”

AMOS 8:3

Nipou ne tungwatu nya ipai doia ei nibou ndig de ig di kei bibor kei noro tirigi tto bou dima dem ne yahagom ipim bibikiek nimai. Tungwatu nya yoom yo nyahan tut nimai ngut nya bicom-com wai ei nisai bikui sur mpia.”

MIKHA 6:12

Timiei di inyeng bibor nya ei jide minu ndig ico kep yo di yuhui mbum nya. Jahagom jinok niris mun cig nya.

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

YAKOBUS 5:5

Jibong kei jigwam kei ei dihyeisi dini ba, jiba joho rok mun di jingat jingwes eisi. Gima tereu nok jibindei mmau jenti bijimmau ndok ei mem njap dino ibui je dem kep nok ibui mikwau.