AMOS 6:1 - ALLAH NIHYET MEM TUNGWATU NYA

¹ Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

AMOS 6:1 ပူးပေါင်းရင်းမြစ်များ

NIBOU NDIG NYA GI NIGOM 16:24

Noro niabiati bu lene ba mitiei perak nitig sribu muhwindagom bipek nungug tou gom leu tungwagom di Semer leu api win minu ndig gom ei nungug tou dima dip bijem ninyeng Samaria. Noni ba Semer ninyeng bijem nungug tou dima ninyeng lewo Semer ninda rom nipou su.

MAZMUR 123:4

Yo di inyeng nya iba ighyet bicig nye bijo ba, yo di ingon jei nya ighyet wer mpiahi tut nye cem.

NIPINGOK NINGONTI 1:32

Yo di ingkek ndok nya mitug ndei nimai drek dip gi ikou sut da. Yo di ingon mbum cem mitug ndei nimai drek dip gi ingig itingou mem dihyet bi.

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YEREMIA 2:3

Je di mben Israel e, dinyeng tut je mem Dangkom. Jinok dingon him ngat bidingon mbris tut je cem. Dikes hukum ei yo di ihwen bit je nya yahagom dip. Da di tuhan disimbot dat tu.”

YEREMIA 48:11

tuhan pai “Minu Moab bong kei gwam kei habiei nipou su. Siceu nya icom noni ug ei ningkiaisi bigyo. Noni dem kep ba anggur ngei di isindui sut bijo ei aigmui mindhe ngkekti di isiber di srig ba anggur ngei hiterti bi. Anggur ngei dima no nui tun ba, nyop kei yo.

YEREMIA 49:31

‘Jikwei ba, yuug bihwen yo di ikan bipia ibong nyahan igwam nyahan dima! Minu ndig di ide jo bas hak lewo bon dimbou pmem kin ngkimom nitu nibikibi dimbou pmemti cem hi bi.’ ”

YEREMIA 5:5

Nna ba duug ngat pinjoi ndig nya bidimbrap bit yok. Lewo ningat ne yoni ikan tut tuhan Allah ningon kanti kin Nide niyok ningon mem yoti.” Diyai nok gima tu noro ningat ne yahagom ikou sut tuhan ninyeng tak kep yokti ba, ikou sut gima ibit nihyet.

YEREMIA 7:4

Ma jiba jingon com yo di iris igkei nya di ipai bije bipia jibong kei jigwam kei drek dip tuhan De Ig di jiwin ei mpia dini au. Lewo ipai bipia Igbit ri! Ig dini ne tuhan De Ig ri!’

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

AMOS 3:9

Ma jitri tut nihyet di disok ei jeni dip bak yo di ibong ser ig nibou ndig nya ide ei minu Mesir kin minu ndig Asdod bijipai biyok “Ma jinduk yam kwei ei nungug tou nya di jo ttai minu ndig Samaria leu binhyepo jicap timiei minu ndig dima ide nimbuk tut yamti kin mun di ibon tunggwei sut yamti bou jiyai him.”

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 5:27

tirigi dicom je ug ei minu ting ei minu ndig Damsyik nite dima kwei. Da di tuhan di dinyeng rino Allah Di Sindem Bibor disimbot dat tu.”

AMOS 8:14

Yo di yeheng bitug hon mben Samaria ide kwar nya bipai ‘Deheng bitug hon keret Dan ide kwar’ e he ipai ‘Deheng bitug hon mben Bersyeba ide kwar’ e yahagom micut bihigom bikiju hanyen bi sren.”

AMOS 9:10

Ditde limwa nya di ibon kep sisar ipai biyam ‘Allah misindui sut ba, mun di buhun bibor micut igkep nye bi.’ Noro ningat ne yoni mitug ndei nimai ei pranti.”

MIKHA 3:1

Je di nibou mben Israel e, ma jimiap kep dihyet! Suar ma jikan bidem tut nikos tutti di sren kei nya,

ZEFANYA 1:12

Mpe dima lene miditin mini ba, dibiput ser minu ndig Yerusalem. Midikes hukum ei limwa di ingon hou ser yam kin yo di ijoi sut yonti njem kin yo di ikan bipia Da di tuhan dibindei mun di mpu yok kin mun di cut igkep yok bi nya yahagom dip.

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

YAKOBUS 5:5

Jibong kei jigwam kei ei dihyeisi dini ba, jiba joho rok mun di jingat jingwes eisi. Gima tereu nok jibindei mmau jenti bijimmau ndok ei mem njap dino ibui je dem kep nok ibui mikwau.

PETRUS GI NIGOM 5:7

Ma jikes mun di jingon bos-bos nyen tut hagom ei Allah ninghat dip lewo Noni nyohou je.

NIJAM NIKEI NYA 18:7

Gima leu lene ibou muhwi dima ikiju bimbut ug ei minu ndig Lais. Lene ingig igyai kep timiei di ibong ei minu ndig dima ba, jo nibreisi mem yok bipia timiei Lais igyai kepti noyam kin mben Sidon igyai kepti. Mbro nok gino mben Lais iba ibou coi mem tungwatu nya ba, mun nyeng hi bindin yok bi ba, ibong kei igwam kei cem lo, tungwatu di imbuk tut yok hi bi. Ibongti kin imati kin igyemti dem mem yok ba, mun nyeng hi di nggruk mem yok bi.