AMOS 5:5 - ALLAH NIHYET MEM TUNGWATU NYA

⁵ Ma juug ei hanjop Bersyeba mem gima jikuk je biDani ei sirima au. Ma jinggok Da ei minu ndig Betel au. Lewo minu ndig dima misar bingwig. Ma juug ei hanjop Gilgal cem au. Lewo siceu nya mikat timiei minu dima ug ei ingkiaisi.”

AMOS 5:5 ပူးပေါင်းရင်းမြစ်များ

HOSEA 4:15

Mbro nok gino je di mben Israel jingon gom tut Da bi lo, diyok dingon mem gima mben Yehuda ibon sisar di noyam ba, ingon mui bi. Ma jikuk je biDa ei minu ndig Gilgal kin Betel au. Ma jeheng bitug hon Da di tuhan di niyaijo dinyeng ei minu ndig dima yok au.

AMOS 8:14

Yo di yeheng bitug hon mben Samaria ide kwar nya bipai ‘Deheng bitug hon keret Dan ide kwar’ e he ipai ‘Deheng bitug hon mben Bersyeba ide kwar’ e yahagom micut bihigom bikiju hanyen bi sren.”

AMOS 4:4

tuhan Di Ninyeng Jei Bibor pai “Je di mben Israel e, nnaba jimbut ug ei gumihyep di jikuk je biDa eisi ei minu ndig Betel hak ug leu api ma jibon kep jide sisar ei sirima! Nnaba juug ei hanjop Gilgal bijibrim jingkek mem sisar ei mpia dima cem hak ug! Nnaba jijem mindhe-ndhe kwei mem jide midut nya bikwop njap tekti lene ma jipwoi mun di jikwas tut Da gom leu ningot gom lene nok mbigom mem njap nitindur ningai hak ug.

NITRITI 21:33

Lene Abraham ta biei tamariska nikioi gom ei Bersyeba. Hon kep njap dima kui lene noni kuk no bak tuhan dino Allah Di Niyaijo Kikau ei sirima.

NINGAT-HI-NGAT NYA 18:17

Noro ndigban di nindig bibor di noni nyeng tut dima hagom sar mem jam gom ngat he!” Kiten kibar nya kin yo di ibri kibar nya kin timiei kibar nsi nya kin yo di iba kibar biyai midyai ei minyei ngwa dip nya yahagom igya igyati ei minu ting.

KORINTUS GI NIGOM 2:6

Mbro nok gima lo, dingginau yo di imahan ei Kristusti tut ningon di ki di nijit. Noro ningon di ki di nijit-jau dini kwei leu ningon di ki di ntun dihyeisi dini him kin nisindemti nya di inyeng tak kep dihyeisi mem nijam dini cem bi. Lewo nisindemti nya dima mipror yon.

KORINTUS GI NIGOM 1:28

Allah dimig mun di tungwatu dihyeisi dini ico kep cem ingwes pri gau cem ikan bipia bon ninyeng bi cem leu binhyepo Noni binggek tut mun di tungwatu dihyeisi dini ikan bipia bon ninyeng a.

AMOS 7:17

Gima rino tuhan pai bina di Amazia atnem minok sop di nibou buwei di hwou-hwou nyen bidem simpak ei minu dini. Amunggwom bat nya mitug ndei nimai ei pranti ba, ade siceu nya mikwas ade minu dini tut yam. Mporo nanti ayaijoti ug hon nohonti ei angkiaisi. Leu api siceu nya mikat mben Israel bikri yok ug ei ingkiaisi ei ting bibor leu itimieisi.”

HOSEA 12:11

Dimbrap bit nabi nya ba, diyai ningat-hi-ngat mang bibor biyok. Ditri tut dingon kanti di ditin ei mem je di jinok Ditde limwa nya tug hon nabi dima yok.

HOSEA 10:8

Siceu nya migya kep ig ngot di ingot ei mbigdip Betel di nok mpia di mem ide kwar di mben Israel ikuk yok bak eisi bingwig. Ndia nggwen kin mintu-minta mehei ei nimbar hum dok di ideti. Leu api limwa nya yahara bak nungug nya “Ma jiprioi kep nye o!” Lene yahara bak mbigdip nya “Ma jitti hwen nye o!”

HOSEA 9:15

tuhan pai “Ikinyon ei ide nibon mun di kinei biborti ei minu ndig Gilgal. Dingon mpo tut yok ei sirigima drek dip ide nibon munti di kinei bibor ba, midijji yok leu Ditde minu dini bidingondut yok bu bi. Nibou di ide nya yahagom ihwen bit Da.

YESAYA 29:20

Gima ne ningwig honti mem yo di ico kep nindigsi nya ba, ighyet kinei sut Allah cem ri. Allah mibindei sar yo di ibon sisar nya yahagom,

YESAYA 8:10

Ma jinyohou kos dat jingon kanti nya! Noro jingon kanti dima mipek kep mem je bi sren. Nna ba jisimbot kep biyam ninno noro gima yok mikui-kausi he. Lewo Allah Ningat rin kin nye.

MAZMUR 33:10

tuhan tte tut keret dihyeisi dini ingon kanti nya bibindei ba, hagom cut hacan. Noni bigen ser yok leu binhyepo igyai kep ingon kanti nya kan bi.

AYUB 8:22

Lene Noni mibindei ba, yo di ingon koi kep nani mimmai sut yonti bicut hak. Noni minggek ig di yo di isibut nya ide bitimek bingwig hak.”

SAMUEL GI NIGOM 11:14

Lene Samuel pai biyok “Jikwei ba, yahagom ingkwei hanyen ug ei Gilgal leu binhyepo ita Saul nok nibou ndig mbigom kin bu.”

SAMUEL GI NIGOM 7:16

Noni mbut-mbut nyen ug ei minu ndig Betel kin Gilgal kin Mizpa bikwop ari bingwam hagom sindam bigwam nok nikei leu binhyepo mbus tungwatu nya di iba ighyet dahat yam ingonti.

NINDAT KEP TUHAN NICUKTI NYA 28:41

Mijibon jimunggwom pinai nya kin sop nya cem noro jide siceu nya mikat yok tirigi ikon mbrap bit je lene miyuubon yok nok awak ba, isar bihigom leu je.

NITRITI 21:31

Gima rino tungwatu ijem minyei bousi dima ninyeng Bersyeba lewo yo cin pima ipreu mun bit yam ei sirima.

SAMUEL GI NIGOM 8:2

Mighumbou ninyeng Yoel lene Yoel nikinjoi ninyeng Abia. Yahacem inok nikei ei Bersyeba.

NIBOU NDIG NYA GI NIGOM 12:28

Niabiati noni kan-kan nyen tut tu lene noni ba mas bibon nung di nok sapi nikre ningut can lene pai bak nide limwa nya “Je di mben Israel e, jingkwei-ngkwei nyen ug ei minu ndig Yerusalem mem gima jikuk je bak tuhan ei mpia dima wer ninno tu. Tini bu ne ma jikwei ngat jide nung di ibuwak je kwei leu minu Mesir pima rini.”

NIBOU NDIG NYA GI NIGOM 12:29

Lene noni ta sapi nikre di ba mas bibon ningut gom ei minu ndig Betel lene ningut gom bu ei Dan.

AMOS 3:14

Njap dino dikes hukum ei mben Israel dip drek dip ide sisar ne midinggek nimbar hum dok nya ei minu ndig Betel. Midibindei ba, nimbar hum ndok ninggai di tug bidem nimbar hum dok nuhuisi nya hagom micut ug ei dihyeisi.

AMOS 7:10

Amazia di nok imam ei minu ndig Betel sok nihyet bak Nibou Ndig Yerobeam di ninyeng tak kep mben Israel bipai “Amos kin ade limwa nya yuhum yam nsi mem na di Andigpoi. Noni ba nihyet di tri tut bikes ningon bak ade limwa nya leu api bindei ba, minu dini timek bingwig.

AMOS 7:13

Ma atri tut ahyet ei minu ndig Betel bu au. Lewo nibou ndig bet minu ndig dini ei mem nonti ba, gini ne nibousi mem noni kin nide limwa nya dima ikuk yok eisi ri.”

NITRITI 26:23

Mpe hi bu lene noni mbut buug ei Bersyeba.

NITRITI 26:33

Lene Ishak jem minyei bousi dima ninyeng “Nikwam Minggwen”. Gima ne nimbie him ngat di ijem minu ndig dima ninyeng Bersyeba.

YOSUA 5:9

Lene tuhan pai bak Yosua “Gi po jinok awak ei minu Mesir pima ne noyam kin map di kui je ri. Noro dicug map dima leu je njap di ammani tu.” Lene tungwatu ijem mpia ttou nsi dima ninyeng Gilgal kikau kwei bipek ammani kep.

NIBOU NDIG NYA GI NICAN 23:8

Noni cuk yo di igya kui noni ba, ikat imam nya kwei leu minu ndig hagom ei minu Yehuda bibindei ba, map kui nimbar hum dok di ibon midut eisi nya hagom. Lene noni bindei ba, tungwatu nya inggek nimbar hum dok nya di ipigig ser mem ninnei rom kambir di jo dideu dimbou pmem di Yosua tu ei ngug tig minu ndig Yerusalem. Mpe di pima ne Yosua ninyeng tak kep minu ndig Yerusalem. Dimbou pmem dima jo ei yo di icoi kak Dimbou Pmem Nitu inda prak.

YEREMIA 48:13

Mben Moab inso ide kwar Kamos ninghapti. Noyam kin mben Israel di inso ide kwar Betel di iba ingon com pima ninghapti.

AMOS 1:5

Midinggek dimbou pmem ei ngug tig di bikrop ttai minu ndig Damsyik nya bidicok tut timiei Mbang Briep Awen bingwig leu itimieisi leu api midikuk nibou ndig mben Bet-Eden bidicug ninyeng di jei leu noni. Midibindei ba, ide siceu nya ikat mben Siria bikri yok kikau ug ei minu Kir.”

AMOS 7:9

Midibindei sar gumihyep di Ishak de nintun him yamti di bram yam nya ingkwei-ngkwei nyen kep mem gima ibon midut eisi nya. Mben Israel ide gumihyep di kwes-kwau nya mitti bingwig. Midicok tut yo di intun nibou ndig Yerobeam him yahagom.”