AMOS 5:4 - ALLAH NIHYET MEM TUNGWATU NYA

⁴ tuhan pai bak mben Israel “Ma jingkwei hanyen ndam Da leu api mijiyai niyaijo.

AMOS 5:4 ပူးပေါင်းရင်းမြစ်များ

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 20:3

Lene Yosafat digit tut nihyet di miap dima bingat nadi bak tuhan leu binhyepo ndo ningon kanti bak. Leu api cuk limwa nya yahagom ba, igyem njita bi mem nituti poi.

NIBOHON MBEN ISRAEL GI NICAN 20:4

Tungwatu nya di ijo leu minu ndig gom-gom ei minu Yehuda di yuug ei minu ndig Yerusalem yahara tuhan bimpu yok.

NIBOHON MBEN ISRAEL GI NICAN 34:3

Tirigi Yosia kui bigwam nok nibou ndig ei mpe di pilei ngat yo dima bininyeng tak kep mem nijam ari bingwam muhwindaningai leu su lene noni kinyon ei nikuk no bak Allah di nidigai Daud kuk no bak nipou su. Ari bingwam bitai gi nidipti bu ne noni bindei nggek mpia di tungwatu nya ikuk yo bak kwar Sop Asyera ngot kin kwar nindigsi nya hagom eisi nya binnir wap hak.

MAZMUR 14:2

tuhan cap kwei leu gwamti bingig niyai kep tungwatu nya. Noni nggok ser yo di ingon ki di ikuk yok biNoni.

MAZMUR 22:26

Midinggei sut Na di Allah ei Ade limwa nya yahagom yoho bei tut Ade midyai nya hagom. Midibon midut nindig mindhe kep humti ei yo di ikuk yok biNa yoho bei bit leu nok dipreu ei mem Nani tu.

MAZMUR 27:8

Tirigi ahig da hwou mem gima dikuk da biNa lene dibuhup “tuhan e, dibipbur bidihwou kuk da biNa,

MAZMUR 69:32

tuhan mijoi sut diyaisi dima nindig bibor dor njiriek midut nindig mindhe kep humti kin midut nindig sapi nikre di mahan ei nimbar hum dokti.

MAZMUR 69:33

Tirigi yo di igyai nihwen titip yokti ingat lene ingon millei nindig bibor. Ba, yo di ikuk yok bak Allah migyai nibiwin kep yam ngonti.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

YEREMIA 38:20

Lene dibuhup “Nok gima bi. Tentara dima mikes na ei yo dima indati bi. Dibidip huk na di Andigpoi leu binhyepo abit tuhan nicuk nati hak ug. Gino ayai nok gima lene hagom mimbut kin gi kei bibor lewo isindui sut na ba, angwes ngun.

YEHEZKIEL 18:9

No dima bit dicuk noti nya biyok ngon kep diggai serti nya ba, nongkom he rino ningon sren binyohou nonti niyaisi cem. Da di tuhan Di Dinyeng Jei Bibor disimbot dat tu.

HOSEA 10:12

Dipai ‘Mben Israel e, ma jiyai miai nijep mem jenti lene ma jindim ningan ningon srenti eisi. Ma jipuk ningat di kei di ntun him jide ningon di ngakei Dati di nijit a. Lewo njap dem mem gima jingkwei hanyen ndam Da di jide tuhan tu. Leu api midikwei bidinjei Ditde mun di kei bije.’

AMOS 5:6

Ma jingkwei hanyen ndam tuhan leu binhyepo jiyai niyaijo. Gino jingkwei hanyen ndam Noni bi ne Noni mijuk kwei noyam kin hum di cig-cai biyem mben Israel bingwig. Bit bon timiei minu ndig Betel nya imu hum dima kan bi.

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

MATIUS 7:8

Lewo no di hara miyai ba, no di nggok ser hak mingat ba, no di puk dimbou hak lene dimbou mikau leu noni.

NINDAT KEP TUHAN NICUKTI NYA 32:46

noni pai biyok “Suar jibit dicuk jeti di ditri tut bije njap di ammani hagom. Ma jingginau jimunggwom bat nya tut tuhan nicuk jeti nya hagom leu binhyepo iba ingon gom bibit nihyet.

NINDAT KEP TUHAN NICUKTI NYA 32:47

Nicuk jeti nya dima nok nihyet bu tan bi. Noro hagom mibindei ba, jiyaijo. Gino jibit hagom lene mijiyaijo jei bibor ei minu di sindi mijicoi ba, jiyai bijiyati ei Minyei Yordan nite dima ug.”

NINDAT KEP TUHAN NICUKTI NYA 4:29

Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.