AMOS 5:24 - ALLAH NIHYET MEM TUNGWATU NYA

²⁴ Ma jibrim jingkek leu binhyepo nikei nikos tutti di sren kei biam nok minyei di biam sindem ba, ningon sren-srausi biam bidem kep minyei di pingge kan bi cem.

AMOS 5:24 ပူးပေါင်းရင်းမြစ်များ

NIPINGOK NINGONTI 21:3

Ayai munti nya di igbit ba, sren kei cem kei bibor ei tuhan niyai him dor njiriek midut di abon ei nimbar hum dokti bak Noni.

YESAYA 48:18

Mijiyok ngon kep Ditde nicuk jeti nya ug ma jide nibong kei nigwam keisi midem kep minyei di pingge bi. Ba, jide ninggei-hi-nggeisi midem kep muk ngei di roi ei ningeisi di kes hon bi sren cem.

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

YEHEZKIEL 45:9

tuhan Di Ninyeng Jei Bibor pai “Je di nibou ndig Israel e, jibon sisar bidem tu! Ma jikes hon jide nisibut biborti kin jide nico kep limwa nyati dima hak ug. Ma jibon mun di igbit kin mun di sren kei nya. Ma jijji Ditde limwa nya leu ide dihyei bu au. Da di tuhan Di Dinyeng Jei Bibor ditri tut dicukti dima bije.

HOSEA 6:6

Diyok dingon mem gima jingon jo kep Da kin gi jingon ngakei Da ba, mun nyeng can dini bon ninyeng nindig bibor dor njiriek nindig mindhe-ndhe ei nimbar hum dokti bak Dati.

AMOS 5:23

Ma jikes hon doia jide di sra nggai nya. Dikou sut gima jide nggong mbrei nya nigwei tibim ei ditingou nsi.

AMOS 5:7

Buhun bibor mem je lewo jikiek nikei nikos tutti di sren kei nya bit leu jingon kanti lene jiris yo di hiter ide mun di inyeng tut nya bingwig leu yok!

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.