AMOS 5:22 - ALLAH NIHYET MEM TUNGWATU NYA

²² Tirigi jibon midut nindig mindhe kep hum kin midut nibipai sigyo biDa lene midirok je tut. Midirok jide mindhe-ndhe di pap-nap kei di jibet ei mem jibikuk je biDa cem ei ditta.

AMOS 5:22 ပူးပေါင်းရင်းမြစ်များ

MAZMUR 116:17

Midibon midut nipai sigyo ba, dingat nadi bak Nani cem.

MAZMUR 40:6

tuhan e, abon mindur nya mang bibor mem nye tu. Nyende tuhan Allah e, hiter inyeng jei sur anyeng kan bi! Atin ei angon kanti di mindur mang bibor mem nye tu. Bit bon dikwop mun di mindur dima yok nimangti kan bi.

MAZMUR 50:23

Yo di ibon midut nibipai sigyo biDa yongkom ibikon dinyenga. Midindo Ditde puig di bie ndam niteu leu biningwes ngunti bak yo di ibit dihyet.”

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 21:27

tuhan ningon mpo tut midut di yo di isibut nya ibon bak Noni lo, ningon mpo bibor tut yok gino iba ingon kanti di kinei bibon midut dima.

YESAYA 1:11

Lewo Noni pai “Jikan bipia dijoi sut midut di jibon biDani ei nimbar hum dokti ninno tu nya e? Noro domba di jindig kep hum ei nimbar hum dokti nya kin ninggwo di jidigo leu sapi mien nya hagom nos Da. Jide sapi nikre kin domba kin kambir nya inggrom cem nos Da.

YESAYA 66:3

Noro mben dima ibon mun bit leu yonti ingon kanti. Ingat Njap Nigwam Kep Ninghuisi tug hon nisinati di bindei ba, diyai ttin. Mem yoni ne midut di ibon nya hagom noyam. Ibon midut nindig sapi nikre noyam kin midut nindig tungwatu ba, ibon midut nindig domba pmot noyam kin ibon midut nidahat nsien nikimam ba, ibon midut nindig gandum ngan noyam kin midut nindig na ninggrom ba, ibon midut nindig biei nggrai di ui-gwang kei noyam kin ibon midut nikuk no bak kwar nya. Midut dima yok ter leu yam bou igyai him bi.

YEREMIA 14:10

tuhan pai sut mben dini “Diwok yok lewo inang leu Da ba, yoom kep ingon kan bi. Midingon prion ser ide mun di igyai tunggwei nya bi. Dikes hukum ei yok dip drek dip ide sisar.”

YEREMIA 6:20

Ide biei nggrai di igyai kwei leu minu Syeba kin biei ngat di ui-gwang kei di igyai kwei leu minu nindigsi nya cem bon ninyeng mem Da bi. Dijoi sut ide midut nya kin ide mindhe di indig ei nimbar hum dokti bi.

YEREMIA 7:21

tuhan pai “Je di Ditde limwa nya e, jikan tut bipia suar jindig mindhe-ndhe di jindig kep hum ei nimbar hum dokti ma jindig bingwig hak ug. Disindui sut ba, jiyem mikwau hiter di jindig ei nimbar hum dokti ndrim hi. Noro Da di tuhan dipai bije bipia nna ba, jiyem mikwau hagom bingwig ug!

IMAM NYA IDE MIDYAI 7:11

Gini ne nicukti tut nibon midut nibiyai ningon kwes kin Allahti di imam nya igyai bak tuhan.

AMOS 5:23

Ma jikes hon doia jide di sra nggai nya. Dikou sut gima jide nggong mbrei nya nigwei tibim ei ditingou nsi.

MALEAKHI 1:9

Je di imam nya e, nogindini ma jahara Allah leu binhyepo ngondut nye. Noni mibuhup jide nadi bi. Suar jibiang jide nitunggwei sut Noni nibuhunti.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.