AMOS 5:21 - ALLAH NIHYET MEM TUNGWATU NYA

²¹ tuhan pai “Dingon mpo tut jide njap ndig nya lewo midut di jibon bou diyai him bindei ba, dingon him wei!

AMOS 5:21 ပူးပေါင်းရင်းမြစ်များ

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 21:27

tuhan ningon mpo tut midut di yo di isibut nya ibon bak Noni lo, ningon mpo bibor tut yok gino iba ingon kanti di kinei bibon midut dima.

NIPINGOK NINGONTI 28:9

Gino abit Allah nicukti bi ne ningon him wei sut nadi di tibim ei ahui him.

YESAYA 66:3

Noro mben dima ibon mun bit leu yonti ingon kanti. Ingat Njap Nigwam Kep Ninghuisi tug hon nisinati di bindei ba, diyai ttin. Mem yoni ne midut di ibon nya hagom noyam. Ibon midut nindig sapi nikre noyam kin midut nindig tungwatu ba, ibon midut nindig domba pmot noyam kin ibon midut nidahat nsien nikimam ba, ibon midut nindig gandum ngan noyam kin midut nindig na ninggrom ba, ibon midut nindig biei nggrai di ui-gwang kei noyam kin ibon midut nikuk no bak kwar nya. Midut dima yok ter leu yam bou igyai him bi.

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEREMIA 6:20

Ide biei nggrai di igyai kwei leu minu Syeba kin biei ngat di ui-gwang kei di igyai kwei leu minu nindigsi nya cem bon ninyeng mem Da bi. Dijoi sut ide midut nya kin ide mindhe di indig ei nimbar hum dokti bi.

YEHEZKIEL 23:18

Gima leu api noni yai bram sop krar niyai munti brei bibindo ningat nguti nyen brei bou tungwatu nya igyai him. Tirigi dingat noni lene dingon him wei sut noyam kin gi po dingon him wei sut nikindig cem.

HOSEA 2:11

Midibindei ba, nide njap ndig nya hagom kes hon hak ug. Bitut pesta di noni bon bikwop ari bingwam kin bed kin Njap Nigwam Kep Ninghuisi nya di ijem ninyeng bipia njap nibon midutti nya.

HOSEA 5:6

Yoni iba ide domba nya kin sapi nya di indig ei nimbar hum dokti binggok tuhan noro hagom dem mem bi. Lewo Noni kes yok ei su. Bit bon igya um Noni kan bi.

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

IMAM NYA IDE MIDYAI 26:31

binggek jide minu ndig nya bitimek bingwig ba, midinggek jide mpia di jikuk je kikep bak mun di mipror yon eisi nya ba, midirok jide mindhe-ndhe di jibui bijindig kep hum mem nibon midutti nya cem.

AMOS 4:4

tuhan Di Ninyeng Jei Bibor pai “Je di mben Israel e, nnaba jimbut ug ei gumihyep di jikuk je biDa eisi ei minu ndig Betel hak ug leu api ma jibon kep jide sisar ei sirima! Nnaba juug ei hanjop Gilgal bijibrim jingkek mem sisar ei mpia dima cem hak ug! Nnaba jijem mindhe-ndhe kwei mem jide midut nya bikwop njap tekti lene ma jipwoi mun di jikwas tut Da gom leu ningot gom lene nok mbigom mem njap nitindur ningai hak ug.

AMOS 4:5

Nnaba jikwas roti nok mun di jibikuk je biDa tirigi jipai sigyo hanyen tut Da hak ug. Nnaba jinsi bbet tut gi jipai mijikum ei mun di jibikuk je biDati hak ug. Jo nibreisi bipia jingon llei sut jide midyai dima!

AMOS 6:8

tuhan Di Sindem Bibor ba, Ninyeng Jei Bibor cem sok kep je ngkiem “Dingon mpo tut mben Israel ide ningon jei biborti ba, dingon buhun tut ide ig di kei bibor kei nya. Gima rino midikes ide minu ndig pmem bitut timiei minu dima yahagom ei ide siceu nya indati.”

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.