AMOS 5:18 - ALLAH NIHYET MEM TUNGWATU NYA

¹⁸ Ningat ne buhun bibor mem je di jiyok jingon mem tuhan de njap nitausi! Njap dima mibiang mun di kei hi kwei mem je bi. Njap dima mitau kep je noyam kin nidinditi di dindi-kai di nipigati srigsi bi.

AMOS 5:18 ပူးပေါင်းရင်းမြစ်များ

YOEL 1:15

Tto bou di tuhan preu ei mem je dideu su. Njap dima mibindei ba, jahagom jidigit tut lewo tuhan Di Sindem Bibor mibindei ba, jitimek bijingwig.

YOEL 2:31

Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

YESAYA 9:19

Tungwatu nya bidem minu dima hagom ibrim-nggok njita di igyem bigyem-yem wai. Noro igikan niyem mun di ndei inggumti bi. Gima rino ibiyem yonti imunggwom bat nya inghui cem!

YESAYA 5:30

Yo di ibong bidem minu Israel nisurti-nipekti mimiap tentara ighyet sra tut pran nibimbiti di nindig bibor bidem kep muk di tti-tti nyen nibimbiti. Jingat i! Minu Israel dindi bimpung-piet tut ningon buhun biborti ba, nipigati wer dindi-kai tut.

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

YOEL 2:10

Tirigi hai ceng dima yok injei kwei lene ibindei ba, dihyei ugwa-kwei. Mpia-bbed him bingmai ba, mpia njap kin bed mmun dindi-kai lene ham nya cem jimjit bu bi.

PETRUS GI NICAN 3:4

tirigi ihig ser je “Tuhan preu ei sut nikwei hanyenti tu e? No hantou i? Idigup bat-idigai bat nya imai bingwig leu su noro mun nyeng hagom jo nijoti habiei ei nimbie him tirigi Allah pai tes dihyeisi kikau kwei bipek ammani kep!”

YEHEZKIEL 12:27

“Na di tungwatu di ayaijo kikau bi e, mben Israel ikan bipia mimbrek-mimbrek ei nidipti bu dima kwei ne ade ningat-hi-ngat kin ade nimbot kepti nya dima mipek kep ri.

YEHEZKIEL 12:22

“Na di tungwatu di ayaijo kikau bi e, nggon rino mben Israel ijoi sut indat kep nihyet nibiti nindati dini nyen-nyen i? Ipai ‘Nijam luei nijam sindam noro mun di itri tut bipia mipek kep ei nidipti bu dima pek kep bi.’

PETRUS GI NICAN 3:10

Noro Tuhan De Njap di nikwei hanyenti dima mittau kep nye kros dem kep nok ninggimang kep mun cig nitausi tirigi tungwatu nya itin ei mem bi. Njap dima ne nibimbi di nok hum di sror mitibim mpe dino mpia-bbed him sar hak bingwig ba, hum miyem ham kin mun nindigsi nya bidem mpia-bbed him hagom bitimek bingwig ba, dihyeisi dini bitut mun di joti nya cem hagom mipror hak.

YEREMIA 17:15

Ditde limwa nya ipai bida “tuhan ningon kanti di bihwen bit nye pima ritou i? Nnaba Noni bindei mbut ningon kanti di bihwen bit nye dima nogindini hak ug!”

NINDAT KEP TUHAN NICUKTI NYA 32:24

Yoni mitug ndei nimai tug hon ninggum di hwen yok kin ingkek di dut kin nsuwer mbrei di hwen yok. Midisindui sut mindhe di niten-pos nya kin wou piet nya biyaham yahagom bingwig.

YESAYA 8:22

dihyeisi dini lo, yoni mingat mun di bindei di ingon buhun bibor kin nidinditi he ba, yuug dor ei nidinditi di dindi-kai dima.

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YEREMIA 13:16

Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.

YOEL 2:11

tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

OBAJA 1:15

“Njap di Da di tuhan digwam nok nikei bidimbus ngkiai nya yahagom ingonti dideu su. Midibuhup mun di mben Edom ibon bak yonti hanyen. Ingkek kan bipia mun di ibon micut igkep yok hanyen.

YESAYA 24:18

Yo di inang leu mun di biyai ningon di ttin biyok misrei ei juiti lene yo di ingwes ngun leu jui misrei ei bonti ba, bon misrou yok. Biget di but mbras mibut kwei leu mpia-bbed him ba, cou nipmem di bahati tut dihyei nikiou nya ugwa-kwei.

YESAYA 58:2

Ikuk yok biDa bikwop njap ba, ingon bisau sut dingon kanti nya tereu nok igyai mun di igbit ba, ingon gom tut dicuk yokti nya cem. Ipai ei yuhui him bipia illei sut gi ikuk yok biDa ba, ijoi sut gi ditri tut dicukti nya biyok.”