Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 5:12 - ALLAH NIHYET MEM TUNGWATU NYA

12 Dikan tut jiyai munti di mbuk bibor kin jide sisar di kinei bibor nya. Jihwen bit yo di ingon kwes kei ba, jisindui sut tungwatu nya iba mitiei bingot kep je bijibibon yo di yuhui mbum nya kinei-kinau cem ei nikei noho bei.

အခန်းကိုကြည့်ပါ။ ကော်ပီ




AMOS 5:12
39 ပူးပေါင်းရင်းမြစ်များ  

Lewo noni co kep yo di inyeng tut mun nyeng hi bi nya ba, ningkek ndok tut yok bipos yo di hiter ide ig nya cem leu yok.


Gino diyok dingon gom tut moibihi leu binhyepo noni micut ei nikei noho bei lewo dikan tut bipia nibou nya itti kin da lene,


No di krau tibor di nok gima mang bibor ningon nggei-hi-nggei ei mpe di noni um nide siceu nya ei nikei noho bei lewo noni micut biyok bi sren.


Mbro nok gino no di ya ei nikei noho bei nuhui mbum lo, ma je di nindigsi jibibon noni ter leu tungwatu nindigsi nya au.


Ma jiba jingon di sren bibon no di nuhui mbum di ya ei nikei noho bei bimbot kep tut yo di iba mbrap bit noni.


Bihi ikan bipia mitiei nibingot kep hiterti bindei ba, mindur pek kep ba, ikan bipia mitiei nibingot kep tungwatu nyati dima sindem mem biyai mun nyeng hagom.


Ma ayem nuhui mbum nya imuhup tut gi iwer yok nikinei-kinau ba, asrep huk nuhwap mbum di imbrap gau yonti nya ighyet nghwak him tirigi igya ei nikei noho bei au.


Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.


Tug hon nisinati dima lene jibigen ser yo di yuhui mbum nya leu ba, igitug ndei mun di idem mem gima itug ndei nya kin nikei nikos tutti di sren kei nya mem yonti cem bi. Jibipos kibom nya kin moibihi nya ide mun di inyeng tut leu yok cem.


bitut niris mun ei hiterti cig nya kin yo di ibigen ser hukum di suar ma cut ei yo di ibon mun di kinei nya dip kin yo di itri tut niris mun ba, ibicom nikei ningon leu binhyepo noni kos tut yo di ingon sren nya ide munhyet igbit bi.


Noro bon jingwes ngun gino jitri tut mun di nijit ba, jiyai munti nya hagom igbit. Ma jiris mitiei leu yo di yuhui mbum nya au. Ma jice tut hiter ngot kep je au. Ma jiyok jingon gom bit nihwen kep mun cig nya kin yo di ibon mun di sibut nya au.


Noro mun nyeng can dini micut igkep nani ba, hacem mibit yam mbigom ngat mem njap gom ngat. Mbro nok gino asindui sut nung di nihyet dut kui na lo, nimai maham ajjep kin amunggwom bat nya kindok.


Noro jiba gima biyai mitiei nibingot kep jeti leu binhyepo jibikes yo di ibon mun tunggwei bingwes ngun lo, jibikkin ser yo di ibon mun di igbit nya leu binhyepo itug ndei nikei nikos tutti di sren kei bi.


Dikan tut ide nikan-kan nyenti kin ide nibon munti nya. Midikwei bidinduk tungwatu nya leu ngkiai nya di ibong bidem dihyeisi dini hagom ba, ibicom yam. Tirigi idem yam ei su ne yoni mingat Ditde nisindemti bou igyai him,


tuhan bindei ba, mun di suwok bibor dima cut igkep yok drek dip ide sisar di nindig bibor di ibon ei minu Israel tu. Yoni icut tut hi nitnem lene iba tuhan ninyeng bitri tut mun di igbit bi nya cem. Ba, gima yok hagom srep tut tuhan ningon kanti. Noni kan tut sisar di ibon nya ba, mikiju nok no di tri tut igyai munti di Noni ngat bou niyai him bipai kep yok. Da di tuhan disimbot dat tu.”


Tirigi siceu nya ibindei ba, nyeni ingon buhun ei isimati cem,


Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.


Na di Israel e, dikan tut mun di jo ei angon bei hagom. Bit bon aku mun nyeng gom bijo nding leu diyai him kan bi. Lewo akuk na bak kwar nya lene angon gom tut Da bu bi cem. Gima rino ade limwa nya idem mem gima ikuk yok biDa bi.”


Tirigi njap dima dem ne tentara nikon pran cig mikes nide minggwen nya hagom ei binang bihigom leu. Da di tuhan disimbot dat tu.”


Midibindei ba, nibou ndig minu Moab kin yo di igya kui noni ei minu dima yahagom itug ndei nimai.”


Je di mben Israel jingon mpo tut yo di ibigen ser nikei nikos tutti di kinei bibor nya kin yo di ipai mun di nijit ei nikei noho bei.


Buhun bibor mem je lewo jikiek nikei nikos tutti di sren kei nya bit leu jingon kanti lene jiris yo di hiter ide mun di inyeng tut nya bingwig leu yok!


Je dino jico kep yo di yuhui mbum bijibindei ba, imai bingwig ei minu dini e, ma jingig jitingou mem dihyet!


Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”


Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.


tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”


Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.


“Suar jita nikei nya kin nibou di igyai midyai hiter nya bikwop minu ndig di jide tuhan Allah yai bije nya leu binhyepo iba ingon di gom bitri tut nikos tutti ei limwa ikieti.


Apino mun di buhun mang bibor micut igkep yok. Noro yoni mipai doia bibikiek mun di bindo tut igyai munti nya. Jit! Nogindini nipou tirigi dibie tut yok ug ei minu po dipreu ei mem yok tu pima bigyo ne dikan tut ingon kanti nya.”


Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.


Jijem nimai gau yo di ingon ngun nya bijihwen yok lo, igyai mun tunggwei bihwen bit je bi.


Lene Boas ug ei dimbou hui di itu ei ngug tig di bikrop ttai minu dima bigwam nyahan. Mpia dima ne gumihyep di timiei Betlehem nya isimbot kep tut munhyet eisi ri. Mpe dima lene Elimelekh nide bat po ninyeng jo bibie leu Boas ninyeng pima kwei krau. Leu api Boas hig noni “Disut na e, akwei gwam bit da.” Gima rino no dima kwei gwam bit Boas.


Noro igyai bram icig niyai kepti nya bi lewo ita ibou ei gi inggok tut mitiei nindig biborti. Gima rino tungwatu iba mitiei bingot kep yok leu apino yoni iba ingon di sren bi bimbus tungwatu nya ingonti cem.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ