AMOS 5:11 - ALLAH NIHYET MEM TUNGWATU NYA

¹¹ Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

AMOS 5:11 ပူးပေါင်းရင်းမြစ်များ

AYUB 20:19

Lewo noni co kep yo di inyeng tut mun nyeng hi bi nya ba, ningkek ndok tut yok bipos yo di hiter ide ig nya cem leu yok.

YESAYA 16:10

Hi dima ningon nggei-hi-nggei ei miaisi di nnum kei dima bi. Hi dima mbos-hi-mbos ba, pai doia cem ei miai ba anggur nghousi dima bi. Hi dima pot ba anggur ngat mem gima bibon ba anggur ngei bi. Ide nimbos-hi-mbosti kin ide ningon di nggei-hi-nggeisi ntus tu.

YEHEZKIEL 26:12

Ade nitok dima yok mipos mun di anyeng tut nya kin ade ndigban nitri-nipek nya bingwig leu na. Yoni minggek ade ngug tig nya kin ade ig di kei-kau-kei nya cem bitti ningwig ba, ikon ig kum kroi di nok tig kin biei sra kin dihyei pima ba, icom hagom ug ei muk ngeisi.

YEHEZKIEL 34:21

Jiba jibou nggai bidat yok ba, jirok gi hi di inghuisi jet nya ei jitta bigya ting leu domba nindigsi nya.

HOSEA 9:2

Noro jei bi ne jide gandum kin mini zaitun midem mem je bi. Ba anggur ngei cem mingwig leu je.

IMAM NYA IDE MIDYAI 26:16

lene midikes hukum ei jeni dip. Midibindei ba, mun di buhun micut igkep je. Nok nsuwer kin ningkek dut di nindig bibor di bit bon pren hanyen leu jeni kan bi. Apino gima bindei ba, jiyai tu ba, jimbriong kikau cem. Mbro nok gino jiyai miai lo, mijiyem ningat di ntun him dima bi lewo jide siceu nya mikwei bindei timek jeni bigya kep ningat di ntun him nya bingwig leu je.

AMOS 2:6

tuhan pai “Timiei minu Israel ibon sisar ninyen. Ide sisar bindei ba, dikes hukum ei yok dip. Lewo yo di inyeng nya itri no di ningon gom di bit bon kum ningwam di dahat kan bi nok awak kin no di nuhui mbum di bit bon kum ningwam di dahat di nimangti dem sandal can nibok kan bi cem.

AMOS 2:7

Ico kep yo di inghuisi jet kin yo di isindem bi birok yo di yuhui mbum ei itta. Nicig-nipmot yahacem ibimangkrei dinyeng di dia-diau kei tug hon gi igyem njita tut ide sop awak gom.

AMOS 3:15

Midibindei ig di ibong ser mem bed di biang hou kin ig di ibong ser mem bed di biang mpia wam timek bingwig. Ig dino iba gajah nikwai bimau mitti bingwig. Ig nindig nya hagom mitimek bingwig.

AMOS 3:9

Ma jitri tut nihyet di disok ei jeni dip bak yo di ibong ser ig nibou ndig nya ide ei minu Mesir kin minu ndig Asdod bijipai biyok “Ma jinduk yam kwei ei nungug tou nya di jo ttai minu ndig Samaria leu binhyepo jicap timiei minu ndig dima ide nimbuk tut yamti kin mun di ibon tunggwei sut yamti bou jiyai him.”

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 6:11

Tirigi tuhan kes nicukti ei yok dip ne ig mien kin ig ndig hagom mitimek bingwig.

AMOS 6:12

Bon kuda nya idor sindem ei bor ngug dip e? Bon no di yai miai ba sapi kin ngkimom nitu biwim muk ngwa dip noyam kin dihyei ninjek dip e? Noro jikiek nikei nikos tutti di sren kei nya binoyam kin krisieu di ten ba, jikiek mun di nijit binoyam kin mun di nitrowai.

AMOS 8:4

Je dino jico kep yo di yuhui mbum bijibindei ba, imai bingwig ei minu dini e, ma jingig jitingou mem dihyet!

AMOS 9:14

Midipindi Ditde limwa nya ba, ibong kei igwam kei hanyen. Yoni miwin ide minu di tti tu nya bibong ser ide ig cem. Ita ba anggur nghousi bidut ningei lene igyai miai leu api ipuk ningat bigyem kep inggum hanyen bu.

MIKHA 1:6

Gima rino tuhan pai “Midibindei ba, minu ndig Samaria timek bingwig leu api nigkumti minok ha ngunti leu api tungwatu nya mita ba anggur ei mpia dima. Midinjei tig di jo-jo yam dip ei minu dima hagom ug ei mbang briepti bidinggek nikiou nya.

MIKHA 2:2

Gino ingon pri kep tungwagom de beisi lene ipos beisi dima leu noni hak ug. Tirigi iba yoho rok hiter de ig ne ijji ig ceu leu lene ibong ser ig dima binok ide bu. Bit bon tungwatu nya ingon jo nyahan tut mun di inyeng tut nya kin ide bat nya cem kan bi.

MIKHA 6:15

Mbro nok gino jiyai miai lo, mijipuk ningat hanyen bi sren. Mbro nok gino jikinding mini zaitun lo, jiba mini dima bikwen njita bi sren. Mbro nok gino jikimut ba anggur ngat bijiyai ningei lo, mijidut anggur ngei dima bi sren.

ZEFANYA 1:13

Siceu nya mipos ndigban di ide nya bigya kep ig di ide nya cem bitimek. Timiei minu ndig dima ingot ig noro igibong kep ig dima bi ba, inyohou miai ba anggur nghousi lo, igidut ba anggur ningat ningei bi.”

HAGAI 1:6

Jindim ningan mang ei miaisi lo, ningat di jiyai poi mien he. Jide njita no rinaha lo, dem mem gima ndei jinggumti bi. Jide ba anggur ngei no rinaha lo, dem mem gima bicut jinggobiausi bi. Jide sinsun no rinaha bijijuk ser jingkek lo, dem mem gima jijuk ser hou di kui jeti bi. Yo di igyai midyai ba, ibiyai imuhup itug ndei imuhup di dem mem gima ibinyohou ide niyaijoti nut bu bi.

MALEAKHI 1:4

Gino yo di intun Esau him icuk yam bipai “Ide minu dini timek bingwig su noro jikwei ba, iwin hanyen bu.” Leu api tuhan buhup “Nnaba iwin ide minu hanyen hak ug leu api dibindei ba, hagom timek bingwig hanyen bu. Tungwatu nya mijem minu dima ‘Minu Di Kinei’ kin ‘Mben di itug ndei tuhan ningon sibui sut yokti bijo ninno bijo kikau.’ ”

NINDAT KEP TUHAN NICUKTI NYA 28:30

Gino jibit jide tuhan Allah nihyet bi lene mun nyeng dini yok micut igkep jeni. Mijiyok wab kep sop hi noro hiter miwak noni nok nitnem. Mijiwin ig noro mijibong ei ig dimati bi. Mijita ba anggur kioi ei jide miai anggur nghousi noro mijipuk ningat di ntun him bijiyem bi.

YAKOBUS 2:6

Noro jeni rino jico kep nuhwap mbum nya lo, yo di inyeng nya ico kep je bikri je ug ei nikei noho bei cem!