AMOS 4:13 - ALLAH NIHYET MEM TUNGWATU NYA

¹³ tuhan Nonti rino pai tes nungug kin houa. Noni ndo ningon kanti nya bak tungwatu nya. Noni pai tes mpia njap kin bed mmun cem ba, Noni mbut nyen ei mbigdip di jei bibor nya. Ninyeng rino tuhan Di Sindem Bibor.

AMOS 4:13 ပူးပေါင်းရင်းမြစ်များ

AYUB 9:7

Allah sindem mem gima ggai ser mpia njap ba, pri mem nijam njap tekti bi. Noni cuon ser ham mpia-bbed him nya ba, hi dima jimjit mem mmun bi cem.

MAZMUR 135:7

Noni bindei ba bumbuhui kwei leu dihyei nohon keti bibindei ba, kigyei ninjeng srei mem bed di biang biget leu api cuk hou behei leu mpia di kes kep yam eisi.

MAZMUR 139:2

Akan bidem tut diyai munti nya hagom. Mbro nok gino angat rin ei minu ting bibor leu da lo, akan bidem tut dingon kanti nya.

MAZMUR 147:18

Noni ba nicukti bibindei ba, biget es jet hanyen. Noni bindei ba, hou nimig kui leu api minyei pmot nya cem biam bram.

MAZMUR 65:6

Angig atingou mem nyeni nihyet tirigi abindei ba, nihwen nyende siceu nya bingwig. Aba mindur mang bibor biteu nye leu nikineisi. Ngkiai nya yahagom kin yo di ibong ei muk ngeisi nite dima ug iba ingon com Na.

NEHEI LEUSI 10:22

Gima rino Musa su ninda kui mpia-bbed him leu api nidinditi di dindi-kai nggai kep minu Mesir nisurti-nipekti kikau mem mmun-njap ningai.

NEHEI LEUSI 14:20

Cou bumbuhui dima jo hacan ei mben Mesir kin mben Israel ikieti bibindei ba, nidinditi nggai kep mben Mesir lo, nipigati piga digai mben Israel. Gima rino bit bon idideu yam mem mmun dima kikau binjap kep kan bi.

YESAYA 40:12

Tou risindem mem gima tau muk ngei ei ninda bia bei ba, nai nibuhunti i? Tou risindem mem gima ba ninda ninyanti bibinai mpia-bbed him nijeisi i? Tou risindem mem gima ba mok bitau dihyei ndung titut yam i? Tou risindem mem gima kon nungug him kin nungug tou nya ei kiloti bibinai nibuhunti i?

YESAYA 45:7

Dipai tes nipigati kin nidinditi. Dibindei ba, mun di kei pek kep mem tungwatu nya ba, mun di buhun cem cut igkep yok. Da di tuhan diyai midyai dini hagom.

YESAYA 47:4

Allah Israel di kwes-kwau dima kwek nye biningwes ngun ba, ninyeng rino tuhan Di Sindem Bibor.

YESAYA 48:2

Mbro nok gima lo, jiba ningon di llei bipai bipia jeni ne timiei minu ndig di kwes rin ba, jirok kui Da di Allah Israel di dinyeng rino tuhan Di Ninyeng Jei Bibor.

YESAYA 5:30

Yo di ibong bidem minu Israel nisurti-nipekti mimiap tentara ighyet sra tut pran nibimbiti di nindig bibor bidem kep muk di tti-tti nyen nibimbiti. Jingat i! Minu Israel dindi bimpung-piet tut ningon buhun biborti ba, nipigati wer dindi-kai tut.

YEREMIA 10:13

Noni ba nicukti he bibindei ba, minyei nibimbi bong ei niban di bikwas minyei leu yam ei mpia-bbed him. Noni bindei hei bumbuhui bikiju kwei leu dihyei nohon keti. Noni bindei hei kigyei cem ba, ninjeng srei bigetti leu api bipinak hou cem kwei leu nijo bou dip.

YEREMIA 10:16

Yakub de Allah noyam kin kwar di ikuk yok bak dima yok bi. Noni ne no di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa.

YEREMIA 13:16

Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.

YEREMIA 46:18

Dani ne Allah di niyaijo. Dani ne nibou ndig ba, tuhan Di Sindem Bibor ri. No di mikwei hwen na nide nisindemti dem kep Nungug Tabor di jo anai ei nungug nya ikieti ba, dem kep Nungug Karmel di jo anai leu muk ngwa dip.

YEREMIA 51:16

Noni ba nicukti he bibindei ba, minyei nibimbi bong ei niban di bikwas minyei leu yam ei mpia-bbed him nidip. Noni bindei hei bumbuhui bikiju kwei leu dihyei nohon keti. Noni bindei hei kigyei cem ba, ninjeng srei bigetti leu api bipinak hou cem kwei leu nijo habieisi.

YEREMIA 51:19

Yakub de Allah noyam kin kwar di ikuk yok bak dima yok bi. Noni ne No di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa nya.

DANIEL 2:28

Noro Allah ei gwamti sindem mem gima mbot kep mimun hagom. Noni mbot kep tut mun di micut igkep na di Andigpoi ei nidipti bu bina tu. Nogindini dimbot kep tut ade mumpriem kin ningat-hi-ngat di angat mpe di abong mai pima bina.

DANIEL 2:30

Noni ndo igbit nimbot kepti dima bida drek dip gi dintin kimbo dor njiriek tungwatu nindigsi nya bi. Noro leu binhyepo na di Andigpoi angon dorti tut ade mumpriem bitut mumpriem ningat ba, angon dorti tut angon kanti nya cem.

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

AMOS 3:13

tuhan Di Sindem Bibor biNinyeng Jei Bibor cem pai “Nogindini ma jiyok ngon kep dihyet lene ma jisok kep yo di intun Yakub him.

AMOS 5:27

tirigi dicom je ug ei minu ting ei minu ndig Damsyik nite dima kwei. Da di tuhan di dinyeng rino Allah Di Sindem Bibor disimbot dat tu.”

AMOS 5:8

tuhan Nonti rino pai tes ham Kartika kin Belantik ei mpia-bbed him. Noni bindei ba, nidinditi luei nitta binok nipigati hanyen leu api ninjapti luei nitta binok mmun hanyen bu. Noni tau muk ngei bisiber ug ei mam bei. Ninyeng rino tuhan.

AMOS 6:8

tuhan Di Sindem Bibor ba, Ninyeng Jei Bibor cem sok kep je ngkiem “Dingon mpo tut mben Israel ide ningon jei biborti ba, dingon buhun tut ide ig di kei bibor kei nya. Gima rino midikes ide minu ndig pmem bitut timiei minu dima yahagom ei ide siceu nya indati.”

AMOS 8:9

Jei bi ne tto bou dem mem dibindei ba, mpia njap kimbas ei mpia nuhuk pijumti rin ba, mmun ken nggai dihyeisi dini mem mpia njap yo ug ri. Da di tuhan Di Dinyeng Jei Bibor disimbot dat tu.

AMOS 9:6

tuhan ngot Nide ig anai bibor ei mpia-bbed him. Noni pek mpia-bbed him ei anai leu dihyeisi dini noyam kin niban lene siber muk ngei ug ei mam bei. No di yai midyai dini hagom ninyeng rino tuhan!

MIKHA 1:3

Noni juk kwei leu nigwam kepti di kwes kei leu api mbut-mbut nyen ei nungug dip nya ei dihyeisi dini.

HABAKUK 3:19

Na di tuhan Di Anyeng Jei Bibor asindem tut da. Abindei ba, dimig dilleu bi. Dinoyam kin rusa mpe dino diba dingon di jo nyahan bidor-dor nyen ei nungug him.

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

MATIUS 9:4

Noro Yesus kan tut ingon kanti leu api hig singgre yok “Jikan-kan nyen mun di mbuk ei jingonti leu binggon i?

YOHANES 2:25

Noni suar tungwa hi bipai sut tungwatu nya ingonti biNoni bi lewo Nonti kan bidem tut mun di jo ei yahagom ingonti.

YOHANES 3:8

Bit leu nok hou di kui nyeti leu nima kwei-nima kwei ba, amiap nibimbi noro akan tut nikwei leusi kin nuug eisi bi. Nok gima cem tut yo di Allah Ninnei srek tut yok nya.”

NINDAT KEP TUHAN NICUKTI NYA 32:13

Noni sindui sut yoni inyeng tak kep nungug him nya ba, igyem njita di hei bidem susti leu api idut ahwei lon ningei di igyai leu hak mihyeti nya ba, ide biei zaitun ngat ningat nindig bibor ei tig bou-bousi.

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”