Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 4:10 - ALLAH NIHYET MEM TUNGWATU NYA

10 Dibindei ba, nsuwer ajar di buhun bibor noyam kin gi hi di dipinak ug ei minu Mesir pima hwen je. Dibindei ba, jide pinai pilei nya itug ndei nimai ei pranti leu api jide siceu nya ipos jide kuda pran bingwig leu je. Dibindei ba, jide prak meng yati nya mpung tut nimai ngut di mpiei bibor ei jihwap nsi. Mbro nok gima lo, jigingkwei hanyen ndam Da bi.

အခန်းကိုကြည့်ပါ။ ကော်ပီ




AMOS 4:10
42 ပူးပေါင်းရင်းမြစ်များ  

Mpe dima lene tuhan bindei kom minu Israel. Hazael di nok nibou ndig mem mben Siria kwei hwen tentara Israel ba, bindei timek yok. Nide tentara nya ikieng kep hanjop dima,


Gima rino tuhan gga mben Israel bisindui sut Hazael di nok nibou ndig mem mben Siria kin nipmot Benhadad di ingkwei-ngkwei nyen bigya kep mben Israel bibindei timek yok bijo kikau.


Mben Siria ide Nibou Ndig hwen tentara Israel yahagom bingwig su. Nibou Ndig Yoahas de tentara di iba kuda bikon pran kan nya ibou ningot muhwi kin kroba pran simnai kin tentara nitu nya ibou sribu simnai he rino igyaijo a.


Hazael hig ser “Andigpoi e, nggon rino apim i?” Lene Elisa buhup “Dipim lewo dikan tut gi mporo ayai mun kinei bibor tut mben Israel. Mporo aya kep ide minu ndig di bon ngug tig jo ser nya ba, andig bingwig ba, ayai nimai bak ide pinai pilei di ubbu nya cem aom ku ide munggwom ngwoi nya ikimam ba, asrat ide sop di itta buhun nya inghop tut munggwom biyem mpia ei dihyeisi cem.”


Lene tuhan bindei ba, Firaun ningkek ndok tut mben Israel bu ba, sindui sut yok bimbut bi.


Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.


Mpe dima lene midibindei ba, Firaun ningkek ndok bibor bu leu api noni muhuk bram je. Noro midindo Ditde nisindemti brei binoni kin nide tentara tirigi dibindei timek yok. Leu binhyepo yoni mikan tut bipia Dani ne tuhan ri.” Lene mben Israel igyai hagom bit leu nok tuhan nicuk yoti.


Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”


Apino yo di nung kui yok pima isimbot dat bak Firaun bipai “Allah bibon mindur dini!” Noro Firaun ningkek ndok tut Musa kin Harun ighyet pima hanyen bibit bi bit leu nok tuhan nipaisi.


Noro tuhan bindei Firaun ningkek ndok leu api noni bit Musa kin Harun ighyet bi bit leu nok nipaisi pima.


Mbro nok gima lo, ningon jei bijo ninno apino noni mikou sut gima kes Ditde limwa nya bimbut.


Hi mitig yok bi noro misindui sut yok bijo hak bikroi ei ba, impiei hak ei ijoti. Inggrom di siber mibindei nungug nya bingwoi lewo inggrom misilip kwei leu mbigdip nya.


Je di jaham jimbuk kep nindigsi nya e, jingon kanti di jitin ei su mibindei sar jenti hanyen. tuhan Nonti ribindei di mun dima cut igkep je ba, mijitug ndei ninghuisi wei di buhun bibor.


Mbro nok gino tuhan Di Sindem Bibor kes hukum ei yok dip tu lo, iginso yonti tut gima ba, igittin ser ide sisar bingkwei hanyen ndam Noni bigyo.


Gima rino tuhan kes hukum ei nibou mben Israel bitut ide limwa nya yahagom dip mem njap gom ngat he. Noni kwam minu Israel bicom nibou kin nipu ei.


Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.


Gima rino tuhan Di Sindem Bibor pai “Midikes hukum ei yok dip! Pinai pilei di ide nya mimai ei nikon pranti. Lene munggwom di ide nya mimai inggum.


Da di tuhan dikos tut bipia hukum ninyeng bitai micut igkep yok. Yoni mikrop tug hon pran leu api nsien nya mikri ingut ba, ha nya mipuk ingut lene mindhe di iten-pos nya migya kep ingut bingwig.


Ninggwen di buhun bibor mihwen yok bimai ba, imai nimbiam ei pranti cem imai ninggum cem. Tungwa hi dima pim tut yok ba, tig yok cem bi. Ingut jo sinsiou ei dihyei ninjek dip bidem kep mun di kroi di hwen dihyei ba, inok mun di ha nya kin mindhe di niten-pos nya igyem.


Noro tuhan e, nogindini ma asindui sut yok ba, imunggwom bat nya imai inggum cem itug midut tug hon pran cem pinai nya imai leu itnem bat nya cem munggwom nya imai leu ipmem bat nya cem nsuwer ajar hwen andigpoi nya cem pinai pilei nya ikon pran apino igyai nimai cem hak ug.


Lewo siceu nya ibindei sar minu Moab kin minu ndig nide nya bigyai nimai bak nide tentara di mimbri ngat nya tu. Dani disimbot dat tu. Dani ne nibou ndig ba, tuhan Di Sindem Bibor ri.


Njap dima ne minu ndig Damsyik de pilei nya mimai kak puig di mbut ei minu ndig dima hagom. Lene siceu nya mibindei timek nide tentara nya hagom cem.


Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.


tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.


Nimai ngut jo sinsiou dem kep nok mumpiang di kui sur mpia kin gandum nintam di ikos di ikes ei beisi noro hi kam bi. Gini ne tuhan nicuk dati rin ba, suar ditri tut bak tungwatu nya.”


Noro mben Israel ikou sut gima ingkwei hanyen ndam Da. Gima rino suar ingkwei hanyen ug ei minu Mesir ba, mben Asyur inyeng tak kep yok.


Midijji hai ceng nya di inok tentara nya di ikwei leu bei mpia nijjai leu api bihi minang ug ei iggum ndigsi. Midijji gi hi di bie ug ei Igpong Nsimti leu api midijji gi hi di ya abia ug ei Muk Hacanti. Hai di imai nya impiei dem kep nok mindhe nggruau nimpieisi. Midibindei ba, itimek bingwig drek dip gi ihwen bit je.


lene midikes hukum ei jeni dip. Midibindei ba, mun di buhun micut igkep je. Nok nsuwer kin ningkek dut di nindig bibor di bit bon pren hanyen leu jeni kan bi. Apino gima bindei ba, jiyai tu ba, jimbriong kikau cem. Mbro nok gino jiyai miai lo, mijiyem ningat di ntun him dima bi lewo jide siceu nya mikwei bindei timek jeni bigya kep ningat di ntun him nya bingwig leu je.


Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.


Dani rino dibindei di ninggum nindig bibor hwen bidem jide minu ndig nya hagom. Noro ninggum dima bindei ba, jigingkwei hanyen ndam Da bi.


Nipou ne tungwatu nya ipai doia ei nibou ndig de ig di kei bibor kei noro tirigi tto bou dima dem ne yahagom ipim bibikiek nimai. Tungwatu nya yoom yo nyahan tut nimai ngut nya bicom-com wai ei nisai bikui sur mpia.”


Dibindei juk hou di dut kin biget di mbras nok tig njep di bindei ningat jide ei miaisi nya hagom sar. Mbro nok gima lo, jittin ser jide sisar bijingkwei hanyen ndam Da bi.


Ninggwenti nya ninyeng hi gom hi gom micut igkep jeni kikau apino bit bon tungwa hi bong ei minu di jikieng kep dima kan bi.


tuhan mibindei ba, ninggwenti di kieng kep tungwatu nya yahagom micut igkep jeni ba, jidwoi-dwoi nyen ba, jingkek dut bibor cem. Noni mibindei ba, ngei ndung cut bihwen mun di hagom bi ngak-cai cem hou di bindei ngkiong mun nyeng hagom mihwen jide gandum di ningat ntun him tu hagom bikinei bingwig. Mun di buhun bibor dima yok micut igkep je kikau ba, jibisar kep.


Ninggwenti di buhun bibor nya di jingat bou jiyai him ei minu Mesir pima micut igkep je lene mijikei hanyen kan bi sren.


tuhan minyohou je leu binhyema ninggwenti ninyeng hagom kin nsuwer ajar nya po cut igkep je ei minu Mesir pima mihwen je bi. Noro Noni minjei ninggwenti dima yok hagom ei jide siceu nya dip.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ