AMOS 4:1 - ALLAH NIHYET MEM TUNGWATU NYA

¹ Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 4:1 ပူးပေါင်းရင်းမြစ်များ

NIBOU NDIG NYA GI NIGOM 16:24

Noro niabiati bu lene ba mitiei perak nitig sribu muhwindagom bipek nungug tou gom leu tungwagom di Semer leu api win minu ndig gom ei nungug tou dima dip bijem ninyeng Samaria. Noni ba Semer ninyeng bijem nungug tou dima ninyeng lewo Semer ninda rom nipou su.

AYUB 20:19

Lewo noni co kep yo di inyeng tut mun nyeng hi bi nya ba, ningkek ndok tut yok bipos yo di hiter ide ig nya cem leu yok.

AYUB 24:4

Ibigen ser ba, nuhwap mbum nya itug ndei mun di suar itug ndei nya bi. Igyai munti dima bindei ba, nuhui mbum nya inang biku yok.

MAZMUR 12:5

“Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”

MAZMUR 140:12

Abindei ba, mun di buhun bibor cut igkep yo di iris mun ei nindigsi nya dip hak ug. Asindui sut ba, no di bibon hiter ninyeng kinei niyaijo ei dihyeisi dini au.”

MAZMUR 22:12

Ma ambres Na ei minu ting leu da au. Lewo ditde siceu nya imbris nyahan bikwei dideu su noro hi mpu da bi.

NIPINGOK NINGONTI 22:7

No di nyeng tut ndigban ninyeng tak kep no di nuhui mbum. Gino hiter dahat ningwam leu nani ne anyeng tak kep noni.

NIBA NINGON SRIP HUKTI 4:1

Leu api diba dingon bisrip huk yo di isindem ei dihyeisi dini nya ide nimbuk tut yo di isindem bi nyati. Yo di isindem nya ico kep yok bibindei ba, ipim lo, hi di mpu yok bi. Tungwahi cem gimpu yok bi. Lewo yo di isindem nya ide nisindemti di nindig om kep yok.

NIBA NINGON SRIP HUKTI 5:8

Limwa nya ikwas ningat di ikos kui ig gudan tut yam bibon nibou ndig di ya srak ko hagau ide miai nya.

YESAYA 28:1

Mun di buhun bibor micut igkep timiei minu Israel di pes pu yok di inggei-nggwang tut ide minu ndig! Ide nikei-kau-keisi pimber hanyen dem kep nok topi di iba mitou binghau bikes ei ibou nggram him lo, mui su. Mun di buhun bibor micut igkep minu ndig di bon ninyeng jei ei mbang briep di nnum kei. Yo di pes pu yok bibor inggei sut minu ndig dima.

YESAYA 5:8

Buhun bibor mem je di jipek ig nya bijiyai miai di hiter nide leu binhyepo jibikum jide mun di jinyeng tut nya bu! Jei bi ne minu dima bon nibresti mem nindigsi nya bi. Leu ba, je dima he mijibong ser.

YESAYA 56:12

Nibou ngwak sibui sut pes cig dima yok ipai ‘Jikwei bidut ba anggur ngei bindei nye kei ug e! Mun di igyai mem njap di hyep mikei dor njiriek mun di igyai mem njap di ammani!’ ”

YESAYA 58:6

Noro niyem njita bi mem nituti poi di dingon llei sut rinok gini. Ma jico kep tungwatu nya ba, jipai kep yok ei nikei noho bei bu au. Lewo gima dem kep nok lante di biteu ikimam kin mun di buhun tak yok. Ma jikes yo di isima hukum mikuisi nya ba, imbut hak.

YEREMIA 50:11

tuhan pai “Mben Babel e, jicut igkep Ditde limwa nya bijipos ndigban leu yok. Apino jinggei-hi-nggei bijipri-pri nyen ba, jidem kep kuda di bon nihyet kin sapi di yem kep minta pimo.

YEREMIA 50:27

Ma jiyai nimai bak ide tentara nya yahagom hak ug! Jiyai nimai biyok ug! Buhun bibor mem mben Babel lewo tto bou dem mem gima itug ndei hukum tu!” (

YEREMIA 51:34

Nibou ndig minu Babel ya kep minu ndig Yerusalem bitimek lene biyem hagom bingwig. Noni bindei minu ndig dima bingwak dem kep nok tungwatu ibindei ngwak ampou a. Minu Babel dem kep mindhe di nindig bibor di pinde minu ndig Yerusalem titut yam lene pos ndigban nyeng di kei hagom biduhwen bicom niken.

YEREMIA 6:6

tuhan Di Sindem Bibor cuk yo di inyeng jei pima yok leu binhyepo iwim biei nya ba, iroi dihyei keyam bikui sur ngug tig nidip ttai minu ndig Yerusalem. Noni pai “Midikes hukum ei minu ndig dini dip lewo timiei nya ibon kep nico kep tungwatu nyati bijo ninno ei ninsi tu.

YEREMIA 7:6

Ma jico kep ngkiai nya kin moibihi nya kin sop kibom nya yahagom bu au. Ma jiyai nimai bak no di ningon ngun ei jide minu dini au. Ma jikes hon ba, jikuk je bak nung nya bu au lewo jiyai munti dima mibindei ba, jisar bijingwig.

YEHEZKIEL 18:12

ris ei yo di yuhui mbum nyati cem nggimang ndiyok igkei cem tug mun di bindo hanyen bak no di dahat mun nyeng hi leu noni bi cem ba, ug cem kep mpia di yo di ingon tindur nya ipigig ser mem ide kwar di mpiei bibor nya bikuk no bak,

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 22:29

Yo di inyeng tut ndigban nya iris mun ba, ipos mun cem. Iba ide nisibutti biyai yo di yuhui mbum nya bipos mun di kei leu ngkiai nya mem yonti.

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

YEHEZKIEL 39:18

Suar igyem tentara di mimbri kui ingkek di ibrim ingkek nya ingut lene ibidut nibou di inyeng tak kep nya inggrom cem. Yo dima itug ndei nimai noyam kin kambir nikre kin kambir nipmot bat kin sapi nikre di pap-nap kei di ibui nok mikwau.

YOEL 3:3

Iko bibinggok tut yo di ikat yok nya leu binhyepo ikwas yok tut yam bit leu nok gi iko tut pima. Itri munggwom pinai nya kin munggwom sop nya di ikat yok nok awak bibipek mitiei mem gima ibigo gau sop di ibou sibui nya kin ba anggur ngei.

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

AMOS 3:3

Ibou can di itin ei mem ittei yam ne isimbot kep biyam tut mpia di yuum yam eisi nipou tirigi imbut bigyo bi e?

AMOS 5:11

Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

AMOS 6:1

Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

AMOS 6:6

Jidut ba anggur ngei ei mok nindig di ut bipias hagauti lene jiba mini ibou di nibok kak bibor bidip je noro jingon gi ngguk tut minu Israel nitimek bingwigsi di mikwei yo bi.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MBEN ISRAEL IMBUT-MBUT NYEN 21:33

Gima leu su lene mben Israel ikriek ba, igya kak puig di ug ndam Basan. Leu api Nibou Ndig Og leu Minu Basan njei sut nide siceu nya mem gima ihwen mben Israel ei minu ndig Edrei.

NINDAT KEP TUHAN NICUKTI NYA 24:14

Ma jiris mun bak jide awak mben Israel di nuhui mbum ba, ndwau kin ngkiai di ibong ei jide minu ttou nsi gom cem au.

NINDAT KEP TUHAN NICUKTI NYA 28:33

Ngkiai nya mikwei mbrai jide njita ngat di jicom jahanggwap tut bibor nya lene jenti mijitug ndei mun nyeng hi bi. Gi jitug ndei rino nico kep je ninghig-niker kin niba nisibut biyai je cem.