AMOS 3:9 - ALLAH NIHYET MEM TUNGWATU NYA

⁹ Ma jitri tut nihyet di disok ei jeni dip bak yo di ibong ser ig nibou ndig nya ide ei minu Mesir kin minu ndig Asdod bijipai biyok “Ma jinduk yam kwei ei nungug tou nya di jo ttai minu ndig Samaria leu binhyepo jicap timiei minu ndig dima ide nimbuk tut yamti kin mun di ibon tunggwei sut yamti bou jiyai him.”

AMOS 3:9 ပူးပေါင်းရင်းမြစ်များ

SAMUEL GI NICAN 1:20

Ma jitri tut nihyet dini bak mben Gat ba, jahap jiji tut kak simpak nya ei Askelon au. Ma jibindei sop Filistin nya ingon llei bibor ba, sindig di intun yo di igwam Allah ninghim nya him imbos-hi-mbos au.

NIPINGOK NINGONTI 1:13

Akwei ba, ipos nide ndigban hagom bingwig leu noni binju hagom ei ide ig bimpung kei!

NIPINGOK NINGONTI 11:16

Tungwatu nya mikon sop di isingat kei nya inyeng. Noro suar ndigpoi nya icom yahanggwap leu binhyepo itug ndei ide mun di imati.

NIBA NINGON SRIP HUKTI 4:1

Leu api diba dingon bisrip huk yo di isindem ei dihyeisi dini nya ide nimbuk tut yo di isindem bi nyati. Yo di isindem nya ico kep yok bibindei ba, ipim lo, hi di mpu yok bi. Tungwahi cem gimpu yok bi. Lewo yo di isindem nya ide nisindemti di nindig om kep yok.

YEREMIA 31:5

Mpe dima lene jiyai miai ba anggur ngat ei nungug him minu Samaria leu api je di jiyai miai dima mijipuk ningat bijiyem nok gi nipou.

YEREMIA 46:14

“Yeremia e, apai bidem mben Mesir ide minu ndig nya bitut Memfis kin Migdol kin Tahpanhes hagom ‘Jitin ei mem gima jikon pran gau jenti. Lewo siceu nya mibindei sar mun di jinyeng tut nya hagom ei pranti!

YEREMIA 50:2

“Abon mun di bindo lene abipai bidem ngkiai nya yahagom bipia minu Babel cut tu! Ma aku mimun tut nicutti au! Siceu nya ibindei minu Babel de kwar di ninyeng Merodakh bindung-ndiem tu. Kwar di mben Babel nya ide dima di bindei di tungwatu icut ei mun di kinei nyati dima ki kukiau bikinei-kinau tu.

YEHEZKIEL 36:8

Noro nungug Israel jen e, dipai bije bipia jide biei nya nuug mitug ninda-nda nya bingat ningat hanyen bu mem je di Ditde mben Israel. Jei bi ne mijingkwei hanyen ri.

YEHEZKIEL 37:22

Midibindei ba, ibicom yam. Ninyeng di tak kep yontiti gom ngat he ei itimieisi bidem nungug him ei minu Israel hagom. Ide nibou ndig gom ngat ninyeng mitak kep yok. Yoni mikwas yonti ter leu yam binok canti bi lene inyeng tak kep yonti canti bu bi.

HOSEA 7:1

tuhan pai bu “Bikwop nituti di ditin ei mem dibindei ba, Ditde limwa Israel ingon kwes hanyen bidiyai nibong kei nigwam keisi hanyen biyok cem lene dingat ide mun di kinei bibor kin ide sisar di ibon nya he. Iris yam bipos ndigban leu tungwatu ei ide ig kin yo di igya-ya nyen kak simpak mem gima ipos ndiyok cem.

AMOS 1:8

Midibindei timek limwa nya kin nibou ndig ei minu ndig Asdod kin Askelon nya bidicug inyeng di jei leu yok. Midikes hukum ei minu ndig Ekron dip leu api mben Filistin nindigsi nya yahagom imai bingwig.”

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 5:11

Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

AMOS 6:1

Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

AMOS 6:3

Jingkek ndok bijikan bipia njap di buhun bibor no ting yo. Noro jiyai munti nya bindei ba, njap dima dideu su!

AMOS 8:6

Misitri gandum di muhum sui kin nibok di kak bibor. Singgok no di nuhui mbum kin no di nuhwap mbum di bit bon ikum ningwam di idahat di nimangti dem sandal can nibok kan bi leu api misiba mitiei biwim yok nok awaga.”

MIKHA 6:10

Yo di imbuk nya iku ndigban kin mitiei di iris leu tungwatu nya tug hon nisinati di igbit bi ei ide ig bei. Yo dima iba ide kilo nitrowai biris ndigban leu yok. Dingon mpo tut igyai munti dima nindig bibor. Midikes hukum ei yo dima dip drek dip igyai munti dima yok.

SAMUEL GI NIGOM 5:1

Niabiati tirigi mben Filistin igyai Brua Gi Preu leu yok tu lene ijo leu Eben-Haezer bimbut tut ug ei minu ndig Asdod.