AMOS 3:8 - ALLAH NIHYET MEM TUNGWATU NYA

⁸ Gino singa yau-yau nyen ne tou rima ningwes mba bi i? Gino tuhan Di Ninyeng Jei Bibor mbrap ne tou rima ba nibou coi bitri tut nihyet dima hanyen bi i?

AMOS 3:8 ပူးပေါင်းရင်းမြစ်များ

YESAYA 21:10

Ditde mben Israel e, siceu nya ico-co nyen je dip ba, ico kep je nyen tereu nok ico-co nyen kep gandum ninjep. Noro tini bu ne ditri tut nihyet di kei di dimiap leu tuhan Di Ninyeng Jei Bibor di Allah Israel bije.

YESAYA 31:4

Lene tuhan pai bida “Mbro nok gino gembala nya yahara bimbrua kep singa lo, bit bon ijji noni leu domba di ttem tu kan bi. Nok gima cem bit bon hi hara bimbrua kep Da di tuhan Di Disindem Bibor ei mpe dino diya srak ko hagau minu ndig Yerusalem kan bi.

YEREMIA 20:9

Ne gino dikan “Nna ba misingon prion ser tuhan hak ug ba, sitri tut nihyet tug hon Nonti ninyeng bu bi.” Noro ahyet noyam kin hum mbom di drit ei dingon bei. Dibingon mem gima diku ahyet ei dingonti noro dindei bi.

YEREMIA 26:12

Lene dipai biyok “tuhan ricuk da di ditri tut Nide nicukti di wer mpiahi tut tuhan De Ig dini kin minu ndig dini di jimiap tu.

YEHEZKIEL 29:21

Tirigi mun dima pek kep mem yok lene midibindei Israel nok mben di isindem bibor. Ba, gima mibon nituti mem na di Yehezkiel ba, atri tut nihyet bak limwa nya apino yahagom mimiap kep ahyet a. Leu api yoni mikan tut bipia Dani ne tuhan ri.”

AMOS 1:2

Amos pai “tuhan yau-yau nyen kwei leu Nide Mbigdip di Sion. Nihyet di tibim kwei leu minu ndig Yerusalem noyam kin kru di nisu bong di bindei ba, abris nghousi kin minta ei Mbigdip Karmel hagom mui bingwig.”

AMOS 2:12

Noro jibidip huk nimpung Nazir bijibindei ba, idut ba anggur ngei bitunggwei sut gi preu di dipreu ei bit yok. Jicuon ser nabi nya leu binhyepo itri tut dihyet bi.

AMOS 3:4

Singa yau-yau nyen ei bigbehei nipou tirigi noni ham mun di yem bigyo e? Singa nehen pap yau-yau nyen ei nahamti nipou tirigi noni ham mun di yem bigyo e?

KISAH 4:20

Lewo bit bon nikimut nuhui leu mun di ningat bou niyai him binimiap ei nitingou nsi cem kan bi.”

KISAH 5:20

“Ma juug coi ei Tuhan De Ig hanyen bijitri tut puig di bie ndam niyaijo nijep bak tungwatu nya di ingat rin ei mpia dima.”

KISAH 5:29

Petrus kin yo di igya kui Yesus nindigsi nya ibuhup “Suar nibit Allah nihyet leu gima nibit tungwatu ighyet.

KORINTUS GI NIGOM 9:16

Tut gi ditri tut Nihyet Di Kei lene gi mbun dingon jei sut bi lewo Tuhan sok nihyet ei da dip mem gima ditri tut bak tungwatu nya. Aye! Notou mem da gino dikes hon biditri tut Nihyet Di Kei bi i?

NINGAT-HI-NGAT NYA 5:5

Noro nibou pima yok igom pai ser da “Apim au. Angat i! Singa ningut gom di ntun keret Yehuda him di ninyeng jei di ntun Daud him bindei cut sisar nisindemti cem sindem mem gima cug biei nggrai muhwindacan dima leu srat bikwek.”