AMOS 3:6 - ALLAH NIHYET MEM TUNGWATU NYA

⁶ Gino pun mbrei di sok kep timiei minu hi tut pran nitausi tibim ne gima bindei ba, tungwatu nya idigit tut bi e? Gino tuhan kes mun di buhun ei minu ndig gom dip bi lene mun di buhun dima micut igkep yok e?

AMOS 3:6 ပူးပေါင်းရင်းမြစ်များ

NITRITI 50:20

Mbro nok gino jiyok jingon gom mem gima jimbuk tut da pima lo, Allah bindei jide mun di mbuk dima bie ug ei mun di kei biborti. Leu binhyepo Noni binyohou tungwatu nya imang bibor bimai bi tug hon mun di cut igkep da.

NIBOU NDIG NYA GI NICAN 6:33

Nipou tirigi Elisa kes nihyet bigyo lene nibou ndig dima kwei krau bipai “tuhan bindei ba, mun di buhun bibor dini cut igkep nye! Nggon rino dibet dingon mem gima Noni yai nibou bingondut nye i?”

YESAYA 45:7

Dipai tes nipigati kin nidinditi. Dibindei ba, mun di kei pek kep mem tungwatu nya ba, mun di buhun cem cut igkep yok. Da di tuhan diyai midyai dini hagom.

YEREMIA 10:7

Tou rino kuk no bak Na di anok nibou ndig mem ngkiai nya yahagom i? Ningat ne adem mem gima ikuk yok biNani nok gi igbit a. tuhan e, yo di ingon ki nya di isrig ngkiai nyati bitut nibou ndig di ide nya cem hi dem mem ibinai kin Nani bi sren.

YEREMIA 4:19

Dingon buhun bibor! Dingon ngkiem tut niwei bu bi! Dem mem gima doom kep danti bidigwam nyahan bi! Dingon pri ndei dingget ninsi. Lewo dimiap pun mbrei nugwei bong ba, siceu nya ighyet sra tut pran tu.

YEREMIA 4:5

Ma jimiep pun mbrei bidem minu dini! Ma jiba nihyet di tibim kin nihyet di nindig bijem ug! Ma jicuk timiei minu Yehuda kin minu ndig Yerusalem inang bicoi ug ei minu ndig di bon tentara nibousi di igya coi nya.

YEREMIA 5:22

Dani ne tuhan ri. Nggon rino jittin tut Da bi i? Suar jidigit tut Da! Dani rino dipai tes muk nintig dip di bikkin ser muk ngei di dwoi njiriek bi bijo ninno bijo kikau. Muk dwoi nindig biroi lo, njiriek hanjop niya kwas yamti dima bi.

YEREMIA 6:1

Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.

YEHEZKIEL 33:3

Gino no dima ngat lo, siceu nya imbris nyahan ba, idideu kwei su lene bui brem-brem bitto nide limwa nya tut mun di micut igkep yok leu binhyepo yahagom itindei ser ide siceu nya.

HOSEA 5:8

Ma jimiep pun mbrei ei minu ndig Gibea! Ma jibui brem-brem ei minu ndig Rama ba, jibijem nikon pran cig nya kwei! Ma jihyet sra tut pran ei minu ndig Betel! Je di tentara Benyamin e, ma jinjei siceu a!

AMOS 3:5

Apo ha biam bon gino hi ndin bon nipou ei bigyo e? Apo kau biam mindhe hi gino mindhe hi biam kau bi e?

ZEFANYA 1:16

Njap jei dima ne pun mbrei nibimbiti tibim kin tentara ngot di ighyet sra tut pran binjei ndam minu ndig di bon ngug tig kin tentara nibousi di igya coi nya di ihwen ri.

ZAKHARIA 8:10

Nipou tirigi nijam dima dem bigyo ne hi di sindem mem gima ba mitiei bingot kep tungwatu kin mindhe-ndhe bi lene hi di bong nyahan bi drek dip ide nitok joti di iwaisi yok nya. Dani dibindei ba, Ditde limwa nya yonti iba nitok biyam tu.

KISAH 2:23

Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib.

KISAH 4:28

Idem yam leu binhyepo igyai mun di hagom bit leu nok akos tutti nipou su tut mun di micut igkep Noni. Ba, akos tut mun di mipek kep nya hagom tug hon Ade nisindemti kin angon kanti.

KORINTUS GI NICAN 5:11

Nyeni ningon dorti tut nittin tut Tuhanti. Gima rino nibrim ningkek kep tungwatu nya leu binhyepo ikan tut bipia ningon gom. Allah kan tut mun di jo ei nyeni ningon bei. Lene diyok dingon mem gima jeni cem jikan tut da bit leu Allah nikan tut dati.