AMOS 3:2 - ALLAH NIHYET MEM TUNGWATU NYA

² “Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

AMOS 3:2 ပူးပေါင်းရင်းမြစ်များ

NITRITI 10:32

Yo dini yahagom ne Nuh de nintun him yamti di bram yam bit leu nok ide keret hi gom hi gom tug hon idigup bat-idigai bat nya hi gom hi gom ri. Yo dini inok pung di mben dihyeisi dini hagom intun him ba, ikieng kep minu dima hagom niabiati minyei po su pima pingge leu dihyei ninjek dip tu.

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

MAZMUR 147:19

Noni tri tut Nide nisok kep yokti bak Nide limwa nya bisok tut nimbrap tutti kin niggai serti nya bak Nide limwa di dimig yok ei su nya.

NEHEI LEUSI 32:34

Suar aug ba, abuwak mben Israel ug ei minu po dipreu ei mem yok tu. Ditde malaikati mibie tut je. Noro ei nidipti bu lene tto bou midem mem gima dikes hukum ei mben Israel dip drek dip ide sisar.”

YESAYA 63:19

Abibon nye tereu nok anyeng tak kep nye bininok Ade limwa nya bi sren.

YEREMIA 1:15

Midipinak ngkiai nya di ibong ei nite bei mpia nijjai nya yahagom kwei leu api inyeng mitak kep minu ndig Yerusalem. Yoni minggek ngug tig kin dimbou pmem nya ei minu ndig dini kin minu ndig nindigsi ei minu Yehuda hagom cem bingwig.

YEREMIA 10:25

Ma asiber Ade nigga biborti ei ngkiai nya di ikon Nani nok ide Allah ba, ikuk yok biNa bi dip hak ug. Lewo ihwen Ade limwa nya bisar bibor ba, ihwen nyende minu cem bitimek tu.

YEREMIA 11:22

Gima rino tuhan Di Sindem Bibor pai “Midikes hukum ei yok dip! Pinai pilei di ide nya mimai ei nikon pranti. Lene munggwom di ide nya mimai inggum.

YEREMIA 13:21

Gino yo di jihig jisut bit yok pima ibindei timek je ba, inyeng tak kep je lene mijipai mindei sut yoni i? Ningat ne mijiyai niwei noyam kin sop di sindi ninghim dut tut nimunggwom nisrekti.

YEREMIA 14:10

tuhan pai sut mben dini “Diwok yok lewo inang leu Da ba, yoom kep ingon kan bi. Midingon prion ser ide mun di igyai tunggwei nya bi. Dikes hukum ei yok dip drek dip ide sisar.”

YEREMIA 9:25

tuhan pai “Nijam dem ne midikes hukum ei mben Mesir kin Yehuda kin Edom kin Amon kin Moab kin timiei iggum ndigsi di ikos ibou nta bicun dip. Yo dini kin mben Israel yahagom igyai nibon midut sunat tu noro yahagom igyai munti nya noyam kin yo di igyai nibon midut sunat nya igyai munti nya bi. Lewo igibit gi preu di nibon midut sunat tak buk kep bi.”

YEHEZKIEL 5:9

Midikes hukum di buhun bibor ei ade timiei nya dip ba, gima ne dibon bak hiter bigyo kwei bipek ammani kep lene midibon nok gima bu bi sren. Diyai nok gima drek dip ayai munti di dingon mpo tut.

YEHEZKIEL 9:6

Ma jiyai nimai bak pinai nya kin sop nya kin ndigpoi nya kin pilei nya kin andig-ndau nya kin munggwom nya yahagom. Noro tut yo di bindo pima jo ingwak ne ma jingget yo dima au. Ma jikinyon eisi ei mpia di Ditde Ig joti dini.” Leu api ikinyon ei ide midyai dimati bigyai nimai bak nibou minu Israel di ingat rin ei tuhan De Ig dima bibie sindam.

DANIEL 9:12

Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

HOSEA 2:13

Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

HOSEA 5:3

Na di Israel e, dikan tut mun di jo ei angon bei hagom. Bit bon aku mun nyeng gom bijo nding leu diyai him kan bi. Lewo akuk na bak kwar nya lene angon gom tut Da bu bi cem. Gima rino ade limwa nya idem mem gima ikuk yok biDa bi.”

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

HOSEA 9:9

Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.

AMOS 2:4

tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir.

AMOS 3:3

Ibou can di itin ei mem ittei yam ne isimbot kep biyam tut mpia di yuum yam eisi nipou tirigi imbut bigyo bi e?

AMOS 6:1

Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

MIKHA 2:3

Gima rino tuhan pai “Dikos dat bipia midibindei ba, mun di buhun bibor micut igkep je leu api bit bon jingwes ngun kan bi. Ei nijam dima ne mijiba jingon di jei biya-ya nyen bu bi.

NAHUM 3:4

tuhan no kes hukum kep minu Niniwe di nikrar jut dinok sop sundal dip yo. Minu Niniwe ba nuubbuti kin ninda dutti bibrim ngkiai nya imang ingon lene ba nihyet di mmau bihwen ingon cem.

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.

ROMA 2:9

Noni mikes niwei kin nidut ei yo di yuhuk bram mun di kinei yahagom dip. Hukum dini mem mben Yahudi nipou leu api mem ngkiai nya cem.

KORINTUS GI NIGOM 8:3

Noro Allah kan bidem tut no di ningon ngakei Noni jit-jit.

NINDAT KEP TUHAN NICUKTI NYA 10:15

Noro ningon ngakei jidigup bat-jidigai bat nya nindig bibor ba, dimig je leu mben nindigsi nya hagom ba, jinok Nide limwa nya kikau kwei bipek ammani kep.

NINDAT KEP TUHAN NICUKTI NYA 26:18

Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.

NINDAT KEP TUHAN NICUKTI NYA 32:9

Noro Noni dimig Yakub de nintun him yamti di bram yam nya ba, inok Nide limwa nya.

NINDAT KEP TUHAN NICUKTI NYA 4:32

Ma jiba jingon bisrip huk nijam gi nipou nya kin nijam tirigi jipmem bat nya isrek tut je bigyo kin nimbie him tirigi po Allah pai tes tungwatu nya ei dihyeisi dini ba, jiput ser dihyeisi dini ninjek dip hagom. Dihig ser je bipia mun di mindur nok gini hi pek kep mem tungwatu nya nipou su e? Tungwatu nya imiap tut mun di mindur nok gini ninghapti tu e?

NINDAT KEP TUHAN NICUKTI NYA 7:6

Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?