AMOS 2:9 - ALLAH NIHYET MEM TUNGWATU NYA

⁹ Ditde limwa jen, mbro nok gima lo, dihwen mben Amori di intig bou jei tereu nok buom bisindem kei kin biei terpentin bitimek bingwig ei joho bei.

AMOS 2:9 ပူးပေါင်းရင်းမြစ်များ

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

NIBOHON MBEN ISRAEL GI NIGOM 1:14

Kanaan ne pung di mben Yebusi kin mben Amori kin mben Girgasi, kin mben Hewi kin mben Arki kin mben Sini, kin mben Arwadi kin mben Semari kin mben Hamati nya intun him ri.

AYUB 18:16

Nigau nya hagom ningei dek leu ba, njui-juau. Ninda nya hagom mui bingwig kikau ug bipek ninggrupti.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 34:11

Suar jibit niggai serti di diyai bije njap di ammani. Midijji mben Amori kin mben Kanaan kin mben Het kin mben Feris kin mben Hewi kin mben Yebus yahagom bingwig leu je sindam tirigi jicoi ug ei minu dima.

YESAYA 10:33

tuhan Di Ninyeng Jei Bibor mibindei timek yoni bidem kep biei di ikui ba, iti ninda leu ninjem pimo. Gi hi di ingon jei bibor kin gi inyeng jei bibor ei ikieti miti yok binjei yok hak.

YESAYA 5:24

Jirok tuhan Di Sindem Bibor Nide ningginausi ei ba, jingwes om kep Allah Israel Di Kwes Nide nicuk jeti nya cem tu. Gima rino jide nigau nya mikroi cem jide mitou nya mui ba, hagom mibit hou bingwig noyam kin pas ntam kin minta mui di hum yem di ngwig ei humti.

YEHEZKIEL 17:9

Leu api Da di tuhan Di Dinyeng Jei Bibor dihig ser bipia ba anggur dima hei bingun-ngau cem binindig nut ug e? Ha krubri gi nigom pima mohom tut nigau nya cem mikikam ningat cem midahat ninda nya lene misindui sut biei anggur dima bimbriong bi e? Ningat ne isuar tungwatu imang bibor bitut ide nisindemti kin mben di mimbri kui ingkek mem gima yohom ba anggur dima tut nigau nya bi.

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MBEN ISRAEL IMBUT-MBUT NYEN 32:13

tuhan gga mben Israel apino sindui sut yok ba, imbut-mbut wai ei iggum ndigsi kikau mem nijam ari bingwam ningot bitai bibou nimpung di indig sur yam ei nijam dima di ikiek imig jou tut tuhan pima imai bingwig leu ug e.

NINDAT KEP TUHAN NICUKTI NYA 1:28

Gima rino ma nyeni yuug ei sirima mem mindei i? Yo di igyok itta kep minu dima ibindei ba, nyeni nittin tut drek dip gi ipai binye bipia mben dima intig bou jei ba, inghuisi sindem bibor dor njiriek nye. Nok gima cem ibong ei minu ndig ngat di bon ngug tig kui sur mpia-bbed him a. Lene ingat yo di intig bou njan ndig ngat ei sirima bou igyai him!’

NINDAT KEP TUHAN NICUKTI NYA 3:11

Mben Refaim ningwigsi rino Nibou Ndig Og nongkom. Iba tig di nijeisi meter bitai ba, ninyanti meter gom biniken bibon nide brua nimai bit leu nai di ice tut yam tut tu. Brua dima ningat rin ei mben Amon ide minu ndig Raba kikau kwei bipek ammani kep.)

YOSUA 10:12

Gima rino tuhan bindei ba, tentara Israel ihwen tentara Amori bingwig mem njap dima. Lewo Yosua kiju biya ei tentara Israel yahagom yoho bei lene ngat nadi bak tuhan bipai, “Mpia njap e, ma ahuk pijum anai Gibeon lene ma acut au. Bed mmun e, ma acom ndei Ayalon nyai lene ma acutti au e.”

YOSUA 3:10

Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,