AMOS 2:7 - ALLAH NIHYET MEM TUNGWATU NYA

⁷ Ico kep yo di inghuisi jet kin yo di isindem bi birok yo di yuhui mbum ei itta. Nicig-nipmot yahacem ibimangkrei dinyeng di dia-diau kei tug hon gi igyem njita tut ide sop awak gom.

AMOS 2:7 ပူးပေါင်းရင်းမြစ်များ

SAMUEL GI NICAN 12:14

Noro apmot ningwoi-ngwoi dima miyai nimai drek dip gi po angwes pri gau tuhan tug hon ade niyai munti di kinei bibor dima.”

NIBOU NDIG NYA GI NIGOM 21:4

Lene Ahab ngkwei hanyen ug ei nide ig kin ningon buhun ba, ningon sibui sut Nabot cem. Lene noni ug bong nibongti bikiek noho ter leu lene kou sut niyem njita cem.

NIPINGOK NINGONTI 28:21

Gino hi mbus nggok tungwatu ne gima kei mem bi. Noro nikei nya ibou poi isindui sut hi ba mitiei bingot kep yok bibindei ba, ikos tutti nya sren kei bi.

YESAYA 10:1

Buhun bibor mem je di jitri tut niggai serti di igbit bi nya mem gima jibico kep Ditde limwa nya.

YESAYA 10:2

Tug hon nisinati dima lene jibigen ser yo di yuhui mbum nya leu ba, igitug ndei mun di idem mem gima itug ndei nya kin nikei nikos tutti di sren kei nya mem yonti cem bi. Jibipos kibom nya kin moibihi nya ide mun di inyeng tut leu yok cem.

YESAYA 3:14

Noni kiju binok nikei di yai nibou tut nibou nya di ibie tut Nide limwa nya. Noni pai kep yok “Jeni rino jipos ba anggur ningat leu miai ba anggur nghousi nya ba, jide ig mpung tut ndigban di jipos leu yo di yuhui mbum nya.

YESAYA 3:15

Nggon rino jico kep Ditde limwa nya bijiyem yo di yuhui mbum nya imuhup i? Da di tuhan Di Dinyeng Jei di Sindem Bibor cem disimbot dat tu.”

YEHEZKIEL 22:11

igyem njita tut hi nitnem kin ignyot bat nya kin ikinjoi di bon nipmem ter cem.

YEHEZKIEL 36:20

Ibindei ba, map kui dinyeng di kwes-kwau bidem imbutti kin igwamti bijo kikau tug hon tungwatu nya di ipai kep inghapti ‘Mben dini ne Allah de limwa nya rin lo, suar ikes ide minu di Allah yai biyok bijo ei.’

HOSEA 4:14

Noro midikes hukum ei yok dip drek dip igyai munti nya dima bi lewo jeni cem jihig jisut bit sop di nibou buwei di igyai kep midyai dini ei ig nung nibousi nya. Leu api jindig mindhe-ndhe bak kwar nya ei nimbar hum dokti bit yok. ‘Mben di ingon hukti tut Allah bi misar bingwig.’ Nihyet nibiti ninda dini igbit ri.

IMAM NYA IDE MIDYAI 18:15

Harin dima ayem njita tut agnyot a. Lewo noni ne apmot nitnem ri.

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.

IMAM NYA IDE MIDYAI 18:8

Harin dima aba niyem njita tut acig nitnem bat nya bihi biyai nimmai bak acig a.

IMAM NYA IDE MIDYAI 20:3

No di bui nimunggwom bindig kep hum bikuk no bak Molokh dima bindei ba, map kui Ditde Prak Mengti. Ba, no dima binim kep dinyeng di dia-diau kei cem. Midikes hukum ei noni dip ba, midibibon noni nok no di nggre kin Ditde limwa nya bu bi.

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 5:11

Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

AMOS 5:12

Dikan tut jiyai munti di mbuk bibor kin jide sisar di kinei bibor nya. Jihwen bit yo di ingon kwes kei ba, jisindui sut tungwatu nya iba mitiei bingot kep je bijibibon yo di yuhui mbum nya kinei-kinau cem ei nikei noho bei.

AMOS 8:4

Je dino jico kep yo di yuhui mbum bijibindei ba, imai bingwig ei minu dini e, ma jingig jitingou mem dihyet!

MIKHA 2:2

Gino ingon pri kep tungwagom de beisi lene ipos beisi dima leu noni hak ug. Tirigi iba yoho rok hiter de ig ne ijji ig ceu leu lene ibong ser ig dima binok ide bu. Bit bon tungwatu nya ingon jo nyahan tut mun di inyeng tut nya kin ide bat nya cem kan bi.

MIKHA 2:9

Jijji Ditde limwa di sop nya leu ide ig bei di ingon ngakei nya lene jipos mun di kei di dinjei bak imunggwom bat nya leu yok gingga.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

ROMA 2:24

Lewo Allah Nihyet pai “Ngkiai nya ighyet wer mpiahi tut Allah ninyeng drek dip je di mben Yahudi.”

KORINTUS GI NIGOM 5:1

Jinghapti tibim kwei brei bida tut sisar nicut tut yamti di kinei bibor di srou je di mbusyamei nya. Ningat ne tungwagom cut tut nicig nitnem mien. Mei! Yo di ingon tindur nya ibon sisar di kinei bibor dima bi!