AMOS 2:4 - ALLAH NIHYET MEM TUNGWATU NYA

⁴ tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir.

AMOS 2:4 ပူးပေါင်းရင်းမြစ်များ

NIBOU NDIG NYA GI NICAN 17:19

Timiei Yehuda nya cem igibit ide tuhan Allah niggai serti nya bi. Noro igyai bram mben Israel igyai kepti nya.

NIBOHON MBEN ISRAEL GI NICAN 25:14

Tirigi Amazia bindei timek mben Edom leu lene ttei kwar ngot di mben Edom ide nya bingkwei hanyen tut. Noni tas kwar ngot dima yok ei minu Yehuda. Leu api ndig biei nggrai di ui-gwang kei bak bibikuk no bak.

NIBOHON MBEN ISRAEL GI NICAN 30:7

Ma jinok jidigup bat-jidigai bat nya kin mben Israel nindigsi nya di iba ingon di gom bibit ide tuhan Allah bi pima au. Jo nibreisi mem je tu bipia Noni kes hukum ei yok dip tu.

NEHEMIA 1:7

Naham nimbuk kep Na di tuhan binibit ahyet bi cem. Nibit niggai serti di ayai binye tug hon Ade awak Musa pima bi.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

YESAYA 28:15

Jingon jei sut jenti drek dip gi jikwam minggwen bit nimai ba, jeni kin minu nimai nya ide jipreu kep yam tu e? Jiba jingon com bipia tirigi mun di buhun kwei lene mikriau je lewo jikan bipia jide niris ei tungwatu nyati rinok mpia di jinang coi e?

YESAYA 44:20

Niyai munti dima dem kep nok no di yem kep atriem ndung. Ningon kanti di mbum bibor dima ris noni apino bit bon hi mpu noni kan bi. Ningkek ndok ser leu ba, ningon gi dorti tut bipia kwar di noni krau ei nindati dima ne kwar rin bi noro mun di biris noni ug ei nikineisi.

YEREMIA 16:11

Lene ma apai biyok bipia Da di tuhan disimbot dat ‘Jidigup bat-jidigai bat nya iba inghim biDa. Leu api ikuk yok bak ngkiai nya ide nung nya cem. Iba ikou yai Dani ba, igibit Ditde nidimig sutti nya cem bi.

YEREMIA 16:12

Noro tut jeni ne jibon munti kinei bibor bidor njiriek yok. Jingkek ndok ba, jibit jingon kanti di kinei bibor. Jigibit dihyet bi.

YEREMIA 17:27

Mun dima yok hagom mimbut bipek kep mem je gino jibit dihyet ba, jidimig Njap Nigwam Kep Ninghuisi pijum ei mem Da. Ma jikon ndigban nyeng gom mem njap dima ba, jibicoi kak dimbou pmem kwei ei minu ndig Yerusalem au. Gino jitunggwei Ditde nicukti dima yok ne midindig dimbou pmem minu ndig Yerusalem nya kin ig nibou ndig nya hagom bitimek bingwig hak. Bit bon jimu hum dima kan bi.’ ”

YEREMIA 6:19

Dihyei ni e, ma ayok ngon kep! Ditde limwa nya ijoi sut Ditde nipingok yokti nya bibit dihyet bi. Gima rino midiyok nisinsiou ei yokti drek dip ide niyok nihyet mem yamti nya.

YEREMIA 8:2

Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

YEREMIA 8:9

Yo di ingon ki ei jikieti mitug ndei nimmai sut yonti. Ibou buwei ba, ibiam bon drek dip. Ikou sut Ditde nipingok ingonti apino ningon ki-kut mindei rino jo bit yok i?

YEREMIA 9:14

Ingkek ndok ba, ikuk yok bak Baal de kwar nya bit leu nok idigup bat-idigai bat nya ingginau yok tut.

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

YEHEZKIEL 20:13

Noro tirigi ingat rin ei iggum ndigsi ne yaham imbuk kep Da. Itunggwei Ditde nicukti nya birok Ditde niggai serti nya di bindei ba, yo di ice tut bibit nya igyaijo ba, ide njap jei. Ibindei ba, map kui Njap Nigwam Kep Ninghuisi bibor. Gima rino ditin ei mem gima dikes Ditde nigga biborti ei yok dip ba, dibindei sar yok cem ei iggum ndigsi.

YEHEZKIEL 20:16

Diba neheng dima bipai kep yok lewo iba ikou yai Ditde nicukti nya ba, itunggwei diggai serti nya bibindei ba, map kui Njap Nigwam Kep Ninghuisi cem. Iba yoho rok nikuk no bak ide kwar nya dor njiriek gi ikuk yok biDa.

YEHEZKIEL 20:18

Noro dipingok ei pilei di ingat rin ei ikieti nya ingonti bidipai ‘Ma jibit nidimigsi nya di jidigup bat-jidigai bat nya ibon ei su nya bijiyai bram igyai kepti nya cem au. Ma jibindei ba, map kui jeti tug hon gi jikuk je bak jidigup bat-jidigai bat nya ide kwar di ikuk yok bak nya au.

YEHEZKIEL 20:24

Lewo iba ikou yai Ditde nicukti nya ba, itunggwei diggai serti nya cem lene ibindei ba, map kui Njap Nigwam Kep Ninghuisi ba, ikuk yok bak kwar di idigup bat-idigai bat nya ikuk yok bak nya bijo kikau cem tu.

YEHEZKIEL 20:30

Gima rino ma atri tut mun di Da di tuhan Di Dinyeng Jei Bibor dipai biyok ‘Nggon rino jibon sisar noyam kin gi jidigup bat-jidigai bat nya ibon kep pima i? Nggon rino jikuk je bak kwar di bindei ba, tungwatu nya igyai ttin ningat pima noyam kin jidigup bat-jidigai bat nya pima i?

YEHEZKIEL 22:28

Nabi nya iku-ku nyen ide sisar dima yok ba, idem kep no di ba cet kapur bihwen ngug tig di nirom kuisi. Ide ningat-hi-ngat nya kin mun di itri tut nya hagom nitrowai he. Ipai ei yuhui him bipia nisokti di ipai sut nya ne nisokti di igyai leu tuhan Di Ninyeng Jei Bibor rin lo, Dani digimbrap bit yok bi sren.

YEHEZKIEL 22:8

Abindei ba, map kui mpia di ikuk yok biDa eisi nya lene agiya hon nicukti tut Njap Nigwam Kep Ninghuisi cem bi.

HOSEA 12:2

Mun nyeng hagom di mben Israel ibon leu mpia tekti kikau ug bipek mmun bon ninyeng bi ba, mun nyeng hagom di bon ninyeng bi dima niyai munti mibindei sar yok bidem kep hou mpia priti. Ide niris munti kin ide nisibutti kum eisi ei ikieti. Ipreu mun ei bit minu Asyur lene ipwoi mini biyuug sut ug ei minu Mesir leu binhyepo ibijem isut bit yam.”

HOSEA 12:3

tuhan pai kep mben Yehuda drek dip ide munhyet. Noni mikes hukum ei Israel dip drek dip igyai munti nya ba, buhup biyok bit leu ide nibon munti di ibon nya.

HOSEA 6:11

Je di mben Yehuda e, dikos tut njap gom tirigi dikes hukum ei jeni dip cem drek dip jibon munti nya.”

AMOS 1:3

tuhan pai “Timiei minu ndig Damsyik ibon sisar ninyen leu api ide sisar dima bindei ba, midikes hukum ei yok dip. Lewo iba imbuk bibor bibon mben Gilead.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

MIKHA 6:12

Timiei di inyeng bibor nya ei jide minu ndig ico kep yo di yuhui mbum nya. Jahagom jinok niris mun cig nya.

HABAKUK 2:18

Kwar di tungwatu nya ibon bou inda him dima kei mem mindei i? Kwar dima ris tungwatu nya ei nikineisi. No di bon kwar bou ninda him ba ningon com kwar dima mikuisi lewo bit bon kwar dima buhup nihyet kan bi!

ROMA 1:25

Ibindei ba, ikuk yok bak mun di nitrowai di ya luei Allah di nijit-jau nohoti. Ikuk yok bak mun di Allah pai tes he ba, yuubon yonti nok awak mem noro ikuk yok bak No di pai tes mun nyeng hagom ba, yuubon yonti nok awak mem Noni bi. Suar tungwatu nya inggei sut No di pai tes dima bijo ninno bijo kikau! Igbit ri.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

PETRUS GI NIGOM 1:18

Lewo jikan tut bipia Allah ba mitiei kin mas di mipror yon bipek je hanyen leu jiyai munti di kinei di jiyai leu jidigup bat-jidigai bat nya bi.

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.