AMOS 2:10 - ALLAH NIHYET MEM TUNGWATU NYA

¹⁰ Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam.

AMOS 2:10 ပူးပေါင်းရင်းမြစ်များ

NEHEMIA 9:21

Ayai mun di isuar nya hagom biyok ei iggum ndigsi kikau mem ari bingwam ningot bitai. Ide sinsun rik bingwig leu yok ba, imig jou dwoi bidut cem bi.

MAZMUR 95:10

Dikou sut yok mem ari bingwam ningot bitai bidikan “Yo dima ingon mang ba, ingkek ndok tut Side nicuk yokti nya.

NEHEI LEUSI 12:51

Ei njap dima ne tuhan buwak mben Israel yahagom bingwes ngun leu minu Mesir.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEHEZKIEL 20:10

Leu api dibuwak yok biyehei leu minu Mesir bimbut bei iggum ndigsi.

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

AMOS 9:7

tuhan pai “Je di mben Israel e, dehek tut mben Sudan noyam kin gi dehek tut jeni. Dibuwak mben Filistin kwei leu Mios Kreta lene midibuwak mben Siria kwei leu minu Kir noyam kin gi dibuwak je kwei leu minu Mesir.

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

MBEN ISRAEL IMBUT-MBUT NYEN 13:32

Lene nibou dini yok itri ighyet nitrowai tut minu po yuug yok itta kep pima bipai “Minu dima ne nikinei-kinausi ba, nggruk bibor mem timiei nya cem. Bikwop timiei nya di niyok nitta kep nya yahagom intig bou jei bibor.

MBEN ISRAEL IMBUT-MBUT NYEN 21:25

Lene mben Israel ipos mben Amori ide minu ndig nya hagom ba, igyati. Bitut minu ndig Hesybon kin minu mien di jo ttai nya hagom ba, ibong timiei eisi.

MBEN ISRAEL IMBUT-MBUT NYEN 32:13

tuhan gga mben Israel apino sindui sut yok ba, imbut-mbut wai ei iggum ndigsi kikau mem nijam ari bingwam ningot bitai bibou nimpung di indig sur yam ei nijam dima di ikiek imig jou tut tuhan pima imai bingwig leu ug e.

KISAH 13:18

Noni om ningon tut yok drek dip igyai munti nya kikau mem ari bingwam ningot bitai ei iggum ndigsi.

KISAH 7:42

Gima rino Allah ba ningha biyok bisindui sut yok leu api ikuk yok bak ham nya ei mpia-bbed him. Gima hagom bit leu nok nabi nya ipai ei srat nyati tu bipia, ‘He je di mben Israel e, jikuk je biDa tirigi jibon midut nibui mindhe tut ninggromti mem ari bingwam ningot bitai ei iggum ndigsi pima e? E bi!

NINDAT KEP TUHAN NICUKTI NYA 1:39

Mpe dima ne tuhan pai bak nyeni yahagom ‘Midiyai minu dima bak jimunggwom bat di imien bibor di dem mem gima ibisrip tut gi kei leu gi kinei bigyo po jikan bigya jide siceu nya mipos yok leu je bit leu jihyet nghwak him pima ba, yoni mikieng kep minu dima bigyati.

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

YOSUA 24:8

Lene dibuwak jeni kwei ei mben Amori ide minu di jo ei Minyei Yordan nite dima ug bei mpia nipriti. Yoni ihwen je noro dibindei ba, yahagom icut bije tu. Tirigi jiyai ide minu bijiyati lene dihwen yok bingwig ei joho bei sindam leu binhyepo jidigek kep ide minu.