AMOS 1:3 - ALLAH NIHYET MEM TUNGWATU NYA

³ tuhan pai “Timiei minu ndig Damsyik ibon sisar ninyen leu api ide sisar dima bindei ba, midikes hukum ei yok dip. Lewo iba imbuk bibor bibon mben Gilead.

AMOS 1:3 ပူးပေါင်းရင်းမြစ်များ

NIBOU NDIG NYA GI NIGOM 19:17

Tungwa tou rino ningwes ngun leu Hazael de simeda mitug midut tug hon Yehu de simeda. Lene tungwa tou rino ningwes ngun leu Yehu de simeda mitug midut tug hon Elisa de simeda.

NIBOU NDIG NYA GI NICAN 13:3

Gima rino tuhan gga mben Israel bisindui sut Hazael di nok nibou ndig mem mben Siria kin nipmot Benhadad di ingkwei-ngkwei nyen bigya kep mben Israel bibindei timek yok bijo kikau.

NIBOU NDIG NYA GI NICAN 13:7

Mben Siria ide Nibou Ndig hwen tentara Israel yahagom bingwig su. Nibou Ndig Yoahas de tentara di iba kuda bikon pran kan nya ibou ningot muhwi kin kroba pran simnai kin tentara nitu nya ibou sribu simnai he rino igyaijo a.

NIBOU NDIG NYA GI NICAN 16:9

Lene Nibou Ndig Tiglat-Pileser ce tut Ahas nahara noti leu api njei siceu ba, hwen minu ndig Damsyik leu lene yai ba, yati. Lene kat timiei minu ndig dima yahagom bikri yok ug ei Kir ba, isima lo, yai nimai bak ide Nibou Ndig Rezin.

NIBOU NDIG NYA GI NICAN 8:12

Hazael hig ser “Andigpoi e, nggon rino apim i?” Lene Elisa buhup “Dipim lewo dikan tut gi mporo ayai mun kinei bibor tut mben Israel. Mporo aya kep ide minu ndig di bon ngug tig jo ser nya ba, andig bingwig ba, ayai nimai bak ide pinai pilei di ubbu nya cem aom ku ide munggwom ngwoi nya ikimam ba, asrat ide sop di itta buhun nya inghop tut munggwom biyem mpia ei dihyeisi cem.”

AYUB 19:3

Jihyet di tigut kikep dani kin jihyet di wer mpiahi tut da bindo bipia jimmai sut jenti bi.

AYUB 5:19

Gino mun di buhun bibor om kep na lene Noni miteu kep na leu ba, angwes ngun.

NIPINGOK NINGONTI 6:16

Mun nyeng muhwindacan dini bindei ba, tuhan ningon sibui gima rino Noni miba niyai ngat gima kan bi.

NIBA NINGON SRIP HUKTI 11:2

Ma jippiet jimati dima bak ibou muhwindacan e, he ibou muhwindaningai e ba, jibitin ei nipou tirigi mun di buhun hi cut igkep je bigyo.

YESAYA 28:27

Noni ba lat di sapi nya ikri ba, billet gandum ngan leu bi lene bico kep jintan ninjep nimmun bi lene ba kroba nimig bico kep jintan ninjep nitiei cem bi. Noro mem gima ne ba tom di nggan bibui.

YESAYA 41:15

Jitou kep midibindei bijinok lat di sapi nya ikri di bon paku kin ninggwen nijep mang bibor ei nijou leu api midiba lat dima binging nungug nya kin nungug tou nya cem ba, dibidime kep hagom bisur yam cem.

YESAYA 7:16

Noro nipou tirigi tto bou dima dem bigyo ne nibou ndig cin di attin tut pima ide minu hagom minok mpia di ha he bong.

YESAYA 7:8

lewo mben Siria ibon ide minu ndig nibousi ei Damsyik ba, Nibou Ndig Rezin ninyeng tak kep minu ndig Damsyik sri bibou mben Israel icut bak ide siceu nya di mihwen yok bitimek bingwig ei nijam ari bingwam ningot muhwindagom ba, muhwi ngwig ug e.

YESAYA 8:4

Lewo nipou tirigi noni hara ‘Arig e, amei e,’ kan bigyo lene nibou ndig Asyur mikwei kon pran bit mben Damsyik kin mben Samaria bipos ide ndigban kin mitiei hagom bingwig leu yok.”

AMOS 1:11

tuhan pai “Timiei minu Edom ibon sisar ninyen. Ide sisar dima bindei ba, dikes hukum ei yok dip. Lewo ingondut ide bat mben Israel bi noro iba ingon di sibui birop biyok tug hon pran di ikon bit yok kikau.

AMOS 1:13

tuhan pai “Timiei minu Amon ibon sisar ninyen. Ide sisar bindei ba, dikes hukum ei yok dip. Lewo tirigi ikon pran bit timiei minu Gilead ba, ibipos ide dihyei hanjop nsi hi kin bu leu yok lene israt sop mben Gilead di inghop tu nya ba, inghop tigwau bimai ug.

AMOS 1:6

tuhan pai “Timiei minu ndig Gaza ibon sisar ninyen. Ide sisar bindei ba, dikes hukum ei yok dip. Lewo ikat timiei minu mien ngot nya bikri yok ug ei ingkiaisi leu api itri yok nok awak bak mben Edom.

AMOS 1:9

tuhan pai “Timiei minu ndig Tirus ibon sisar ninyen. Ide sisar bindei ba, dikes hukum ei yok dip. Lewo itunggwei sut nipreu di ipreu kep timiei minu mien nya tut ningon kwes kin yamti bikri yok ug ei ingkiaisi ei Edom.

AMOS 2:1

tuhan pai “Timiei minu Moab ibon sisar ninyen. Ide sisar bindei ba, dikes hukum ei yok dip. Lewo ibon mun kinei sut Nibou Ndig Edom di mai su tirigi inggek nijui bigyai ninjum nya lene indig kep hum ba, wer atriem ndung.

AMOS 2:4

tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir.

AMOS 2:6

tuhan pai “Timiei minu Israel ibon sisar ninyen. Ide sisar bindei ba, dikes hukum ei yok dip. Lewo yo di inyeng nya itri no di ningon gom di bit bon kum ningwam di dahat kan bi nok awak kin no di nuhui mbum di bit bon kum ningwam di dahat di nimangti dem sandal can nibok kan bi cem.

ZAKHARIA 9:1

Gini ne tuhan nihyet di sok ri. Noni kos tut mem gima kes hukum ei minu Hadrakh kin minu ndig Damsyik dip. tuhan ninyeng tak kep keret Israel nya he noro bitut minu ndig pmem di Siria cem.

ZAKHARIA 9:2

Ninyeng tak kep minu Hamat di bikkin minu Hadrakh cem. Mbro nok gino timiei minu ndig Tirus kin Sidon nya ingon ki lo, tuhan ninyeng mitak kep yok cem.