AMOS 1:2 - ALLAH NIHYET MEM TUNGWATU NYA

² Amos pai “tuhan yau-yau nyen kwei leu Nide Mbigdip di Sion. Nihyet di tibim kwei leu minu ndig Yerusalem noyam kin kru di nisu bong di bindei ba, abris nghousi kin minta ei Mbigdip Karmel hagom mui bingwig.”

AMOS 1:2 ပူးပေါင်းရင်းမြစ်များ

MAZMUR 29:4

tuhan nihyet tibim sindem bibor kwei ba, nihyet dima biyai nyeni ingon di mai leu.

MAZMUR 46:6

No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.

NIPINGOK NINGONTI 20:2

Nibou ndig di ningon sibui dem kep nok mindhe singa di nggiling. No di bindei ba, nibou ndig ningon mbuk tut noni noyam kin no di ya um nimaisi.

YESAYA 33:9

Minu dima hagom nok iggum ndigsi kin ha ngunti. Baham tindurti ei Libanon hagom ngoi-nga tu. Tini bu ne mbang briep Saron di bon ninnumti nipou su rinok iggum ndigsi. Biei nya ei minu Basan kin Nungug Karmel hagom nimeng llet bingwig.

YESAYA 35:2

Iggum ndigsi miba ningon di llei bibor bipai doia bimbos-hi-mbos lewo mpia dima miluei nitta binok nikei-kau-keisi noyam kin Nungug Libanon ba, mibon ninnumti noyam kin ngoi dumti nya ei Nungug Karmel kin mbang briep Saron. Tungwatu nya yahagom mingat tuhan nikei-kau-keisi kin ninyeng jeisi kin Nide nisindemti bou igyai him.

YESAYA 42:13

Mimbri kui tuhan ningkek dem kep nok nikon kep pran cig di tindei ser Nide siceu nya. Noni kon nihyet kep yok bindo Nide nisindemti biyok.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 14:2

“Minu Yehuda ningon ngguk bibor lewo nide minu ndig nya nahanok ma mai. Timiei Yehuda nya ibong ei dihyei njek dip lewo ingon buhun bibor. Minu ndig Yerusalem hara bak no di mikwei mpu no.

YEREMIA 25:30

Yeremia e, ma atri tut mun nyeng hagom di dipai bina. Apai biyok, ‘tuhan nihyet tibim kwei leu gwamti dem kep kru di cut a. Noni kes nihyet di dem kep kru di nugwei bong kwei leu gumihyep di kwes di gwam niti bibihwen Nide limwa nya. Noni ba nihyet di nindig bibor bimbrua ba, timiei minu dini yahagom imiap nihyet di dem kep no di kimut-kimut nyen ba anggur ngei ei mun di ikimut ningei kikep eisi nihyet.

YEREMIA 28:8

Nabi di igyaijo nipou tirigi nijam di nyeni igyaijo eisi dini bigyo itri tut bipia pran kin mun di buhun bibor kin nsuwer ajar micut igkep mben imang bibor kin ninyeng tak kepti di sindem bibor nya cem.

YEREMIA 50:19

Midingkwei mben Israel hanyen kwei ei itimieisi. Yoni igyem ningat di ntun Nungug Karmel kin Basan him. Yoni igyem ningat di ntun hanjop nsi Efraim kin Gilead him cem.

HOSEA 11:10

tuhan binut bu bipai “Gino diyau noyam kin singa niyausi ne dibindei ba, ide siceu nya idigit leu api Ditde limwa nya mibit Da. Ditde limwa nya mibrim imig kwei haninyai leu nite bei mpia nicutti kwei mem gima ikuk yok biDa.

HOSEA 13:8

Midittem je noyam kin beruang niwek di nimien nya sindi ipror leu noni leu api dibriug-briug nyen je. Midaham je bijingwig ei jiyati dem kep nok singa di ham mun di yem ba, noyam kin mindhe bigbehei di ttem-ttem nyen je ba, jibitun-ta.

YOEL 1:19

tuhan e, dahara Na. Ma akwei mpu nye lewo abris nghousi kin biei nghousi nya ngoi-nga noyam kin hum sror biyem hagom bingwig leu su.

YOEL 2:11

tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

AMOS 9:3

Mbro nok gino iku yo nyahan ei Nungug Karmel nimbigdip anai bibor lo, midinggok ser yok bidikat yok. Mbro nok gino iku yo nyahan ei muk jou lo, midicuk naga di bong muk ngeisi ba, ham yok.

NAHUM 1:4

Noni pai bak muk ngei bibindei ba, ningei pingge leu api minyei nya hagom ningei ngwig leu. Nungug Karmel kin ngoi dumti nya ei minu Basan ngak cai ba, mitou ei minu Libanon nya hagom nimeng mbris.

SAMUEL GI NIGOM 25:2

Mpe dima lene Nabal di pinai gom leu Kaleb ninsi de ningat rin ei minu ndig Maon. Nabal de dihyei di hyen kep mindhe-ndhe nya eisi no jo dideu minu ndig Karmel. Noni nyeng bibor ba, hyen domba ningut sribu ningai kin kambir ningut sribu gom. Nabal nitnem Abigail ningon ki ba, sop ubbu cem. Noro Nabal ne mbuk bibor ba, ningon prinder. Mpe di gom lene Nabal ya kep domba nide nya bikos inta leu ei Karmel.