AMOS 1:14 - ALLAH NIHYET MEM TUNGWATU NYA

¹⁴ Gima rino midipinak hum di cig-cai ug ei ngug tig di bikrop ttai minu ndig Raba leu api hum dima miyem ide tentara nibousi di igya coi nya cem. Mpe di tentara nya ighyet sra tut pran ne pran dima dem kep nok sigau di cut a.

AMOS 1:14 ပူးပေါင်းရင်းမြစ်များ

SAMUEL GI NICAN 11:1

Nibou ndig nya ikinyon ei nikon pranti bit ide siceu nya ngan-ngan ei bed di biang hou ningwigsi. Ari bingwam dima lene Daud cuk Yoab kin yo di igya kui noni kin nide tentara nya yahagom biyuug kon pran bit mben Amon. Tirigi tentara Amon icut bak yoni tu lene Yoab nya yuug ei minu ndig Raba bigyon ttai minu dima. Noro Daud gwam ei minu ndig Yerusalem.

SAMUEL GI NICAN 12:26

Mpe dima lene Yoab kon pran bit timiei minu ndig Raba di nok nibousi mem mben Amon titut yam pima biput bigyo lo, jei bi lene mibindei timek yok leu biyai minu ndig dima biyati ri.

SAMUEL GI NICAN 12:31

Ter leu gima lene Daud ubon timiei minu ndig dima leu binhyepo ittei ide sigigi kin pacul di iba ngkimom nitu bibon mem ibikkin dihyei kin oi di iba ngkimom nitu bibon cem. Lene ba yok biyai midyai ei mpia di iwir igtuyap eisi cem. Daud yai nok gima tut yo di ibong ser minu ndig di jo bidem hanjop Amon nisurti-nipekti hagom. Gima leu su lene Daud ya tut tentara nide nya yahagom ba, ingkwei hanyen ug ei minu ndig Yerusalem.

NIBOHON MBEN ISRAEL GI NIGOM 20:1

Nijam gi gwam nijam hou gi nidipti bu tirigi nibou ndig nya injei siceu bikon kep pran bit ide nitok joti nya lene Yoab njei sut nide tentara nya ba, coi hanjop Amon bihwen yok leu api igyai minu ndig Amon bigyati. Mpe dima lene Nibou Ndig Daud gwam kikau ei minu ndig Yerusalem leu ba, bit Yoab nya bi. Yoab ya tut nide tentara nya ba, igyon siceu ttai minu ndig Raba. Leu api Yoab de tentara nya ihwen timiei nya bibindei ba, minu ndig dima timek hak cem.

AYUB 39:25

Tirigi pun mbrei tibim lene yahara leu mbro nok gino ikinyon ei nikon pranti bigyo lo, pran ninghap tibim ei ihwap nsi cem imiap nibou tentara di nihyet sra tut pran cem.

MAZMUR 83:15

noyam kin hum di yem baham titut di ninjeng sror biyem nungug titut nya bijjem.

YESAYA 29:6

tuhan Di Ninyeng Jei Bibor miba hou sigau di nimig ten bibor kin ngkit di sindem bibor biteu minu ndig dima biyai ningwes ngun bak. Noni mikes hou sigau di nimig ten bibor kin hum di cig-cai kwei.

YESAYA 30:30

tuhan mikes nihyet di nindig bibor lene bikwop tungwagom-gom ninghuisi mimpig sut Nide nisindemti di mipbor ngat. Niggati bindei hei hum di yem mpia di ngkiong kin biget di but mbras kin biget di mbras nok tig njep kin sigau cem.

YESAYA 9:5

Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.

YEREMIA 23:19

tuhan nigga biborti noyam kin hou di nimig ten bibor di micut igkep yo di imbuk bibor binjei yok.

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YEHEZKIEL 21:20

Puig gi nigom bie ug ei mben Amon ide minu ndig nibousi Raba lene puig gi can bie ug ei minu ndig Yerusalem di bon tentara nibousi di igya coi nya.

YEHEZKIEL 21:22

Leu api jo nibreisi bipia tibor di ba ninda com bikit bindo tut minu ndig Yerusalem! Gima ne mun di bindo bipia suar noni njei siceu ndam minu ndig dima bihwen. Noni cuk nide limwa nya mem gima imbos-hi-mbos ba, ighyet sra tut pran bicuk nide tentara nya mem gima idimig biei tou ndig di ipindur hammi Yerusalem de dimbou pmem mem gima ibinggek. Lene itig dihyei binjei keyam bikui sur ngug tig niya ndingti mem ibiyon ttai minu ndig ba, ibitig got di bikrop ttai cem.

YEHEZKIEL 21:25

Lene Da di tuhan dipai bak nibou ndig Israel “Nani ne nibou ndig di asibut rin ba, anjiriek dihyet! Tto bou mem ade hukum nipekti dideu su.

YEHEZKIEL 25:5

Midibindei ba, minu ndig Raba minok mpia di igya ser unta nya eisi. Minu Amon titut yam minok mpia di igya ser domba nya eisi. Leu api ikan tut bipia Dani ne tuhan ri.’ ”

YEHEZKIEL 25:7

Gima rino midikes je ei mben hiter imang bibor inda nsi. Yo dima mipos ndigban jide nya ba, ibiyai hagom ningwig leu je. Midibindei sar je bibor leu ba, mijiwer je mben gom bi ba, mijima minu hi bou je nok jide cem bi. Leu api jingon hukti tut bipia Dani ne tuhan ri.”

DANIEL 11:40

Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

AMOS 2:2

Gima rino midipinak hum di cig-cai ug ei minu Moab leu api hum dima miyem timiei minu ndig Keriot ide tentara nibousi di igya coi nya. Mben Moab mitug ndei nimai ei tentara nya di imiep pun mbrei bighyet sra tut pran nya ikieti tirigi ikon pran bit yam.

ZAKHARIA 7:14

Dicok tut yok noyam kin sigau di nimig ten di cok tut yok apino bitig dino ibong ei ingkiaisi nya ug a. Leu api dihyei di nipou nnum kei dini wer mpia di ngoi-nga ba, ha he bong cem drek dip hi di bong ser dihyei dima bi.”

NINDAT KEP TUHAN NICUKTI NYA 3:11

Mben Refaim ningwigsi rino Nibou Ndig Og nongkom. Iba tig di nijeisi meter bitai ba, ninyanti meter gom biniken bibon nide brua nimai bit leu nai di ice tut yam tut tu. Brua dima ningat rin ei mben Amon ide minu ndig Raba kikau kwei bipek ammani kep.)