NIBOHON MBEN ISRAEL GI NIGOM 9:25 - ALLAH NIHYET MEM TUNGWATU NYA

²⁵ Ide bat di ibong bidem minu mien nya iluei-luei yam tut midyai niya ser dimbou pmem mbigom mem nijam ari nitindur gom lene nok.

NIBOHON MBEN ISRAEL GI NIGOM 9:25 ပူးပေါင်းရင်းမြစ်များ

NIBOU NDIG NYA GI NICAN 11:5

bicuk yok “Mpe di jibindei mbut midyai mem Njap Nigwam Kep Ninghuisi bu lene ma jikwas yam ei nimpung ningai ba, nimpung gom ya ser nibou ndig de ig,

NIBOU NDIG NYA GI NICAN 11:7

Ma nimpung can di ikes inda tut midyai ei Njap Nigwam Kep Ninghuisi ikrau ide simeda bijo indati leu api ibiya ser Tuhan De Ig leu binhyepo ibicuon ser Yoas niyaisi. Suar jiya ser Yoas igbit nimbutti nya lene suar jiyai nimai bak bikwop yo di ibisinggre di idideu jeni hak ug.”

NIBOHON MBEN ISRAEL GI NIGOM 24:19

Ipas kep yo dima inyeng ba, ibibit leu nituti di tungwagom-gom yai kep nide midyai ei tuhan De Ig. Igyai kep midyai nibon midut nya bit leu nok Harun di ide pung di intun him ndo biyok di bibit leu mben Israel ide tuhan Allah nicuk yokti nya.

NIBOHON MBEN ISRAEL GI NIGOM 9:24

Gumihyep dima bon dimbou pmem ningat bitai. Nigom jo nite bei mpia nijjai lene nican jo nite bei mpia nibiho lene niningai jo nite bei mpia nipriti lene nibitai jo nite bei mpia nicutti. Keret Lewi gom-gom rinok nibou mem yo di igya ser bikwop dimbou pmem nya dima.

NIBOHON MBEN ISRAEL GI NIGOM 9:26

Noro nibou nya ibou bitai di intun keret Lewi him di inok nibou mem gima ikos tut yo di igya ser pima ne ibuhup tut ide midyai dima kin tuhan De Ig ninsi nya kin ndigban di jo ninsi nya cem hagom kikau.

NIBOHON MBEN ISRAEL GI NICAN 23:4

Gima rino suar jiyai igbit dingon kanti dini. Tirigi imam nya kin Lewi nya igyai midyai ei Njap Nigwam Kep Ninghuisi bidem leu su lene ma imbut au. Noro ma ikwas yam ei nimpung ningai ba, nimpung gi nigom igya ser dimbou pmem nya ei tuhan De Ig bingkiem ba,

NIBOHON MBEN ISRAEL GI NICAN 23:8

Lene Lewi nya kin timiei Yehuda nya iba ibou coi mem Imam Yoyada nicuk yokti dima hak. Yo di ikes inda tut midyai di igyai ei Njap Nigwam Kep Ninghuisi dima cem igimbut leu tuhan De Ig bi. Gima rino nibou tentara nya induk yo di sindi ikes inda tut midyai di igyai nya kin yo di sindi ikwei mem igyai midyai nya kwei ba, iba yahagom bicom yam.