NIBOHON MBEN ISRAEL GI NIGOM 9:22 - ALLAH NIHYET MEM TUNGWATU NYA

²² Nipou yo lene Nibou Ndig Daud kin Nabi Samuel indo midyai niya ser dimbou pmem nyati dima bak yo dini idigup bat-idigai bat nya ba, igyai inyeng ibibit minu mien di ibongti nya. Yo di inyeng tak kep midyai dini imangti ibou sratus can ba, simnaibrimigcan.

NIBOHON MBEN ISRAEL GI NIGOM 9:22 ပူးပေါင်းရင်းမြစ်များ

NIBOHON MBEN ISRAEL GI NIGOM 28:13

Noni kes ningon kanti di tin ei bikan-kan nyen tut di bitut nimpung imam nya kin keret Lewi nya cem di bitut midyai dima suar igyai nok ide midyai dima igyai kikep ei tuhan De Ig cem tut ninyohou nimbumbati nibon midut nya cem bak noni.

NIBOHON MBEN ISRAEL GI NIGOM 28:21

Imam nya kin yo di intun Lewi him ikwas midyai di igyai ei tuhan De Ig tut yam tu. Yo di ingon ki tut ide midyai di igyai kep igkei nya miba ingon di nggan bimpu na. Nok gima cem nibou nya kin limwa nya mibit acuk yokti nya.”

NIBOHON MBEN ISRAEL GI NIGOM 29:29

Nipas kepti tut Nibou Ndig Daud niyai munti nya leu nimbie him kikau ug bipek ningwigsi kep hagom jo ei srat nya di Nabi Samuel kin Nabi Natan kin Nabi Gad ipas ei su.

NIBOHON MBEN ISRAEL GI NIGOM 9:23

Ide nintun him di bram yam dini inyeng tak kep midyai niya ser dimbou pmem di ibicoi ug ei tuhan De Ig habiei kwei bipek ammani kep.

NIBOHON MBEN ISRAEL GI NIGOM 9:31

Matica di keret Lewi gom rino hati tut midyai nikang roti di dile mem nibon midut nya. Noni ne Salum nipmot mighumbou rin ba, ntun Korah ninsi de him.

NIBOHON MBEN ISRAEL GI NICAN 23:19

Yoyada kes tentara di igya ser dimbou pmem ei tuhan De Ig bigya ser leu binhyepo bit bon yo di map kui yokti nya icoi ug eisi bi.

NIBOHON MBEN ISRAEL GI NICAN 31:15

Lene Lewi nya hi kin bu impu Kore tut nide midyai pima ei minu ndig di imam nya ibong ser nindigsi nya. Yo di impu Kore dima yok inyeng rino Eden kin Minyamin kin Yesua kin Semaya kin Amarya kin Sekhanya. Ikwas njita dima sur yam tut imam andigpoi ug bipek pilei nya di intun keret Lewi him bit leu ide midyai di igyai nya lene bit leu insi de nya bi.

NIBOHON MBEN ISRAEL GI NICAN 31:18

Ipas kep yo dini inyeng bitut imunggwom bat-itnem bat nya inyeng cem. Ipas kep nimpung di ibong bit yok ei ide ig gom-gom nindigsi nya dima inyeng cem. Lewo suar imam nya kin Lewi nya itin ei mem igyai kep ide midyai di igyai pijum nya mem tuhan bikwop mmun-njap.

NEHEMIA 11:36

Nibou nya icuk Lewi nya ibou poi di nipou yo ibong ei hanjop Yehuda ba, yuug bong bit limwa Benyamin nya bu.

NEHEMIA 12:44

Mpe dima lene indo ibou poi mem gima igya ser ninsi di inju munkwas ngug-ngau ngot di mem tuhan De Ig ba, igyok eisi. Gima ne bitut munkwas di ikwas gom leu ningot gom lene nok kin ningat ei miaisi gi ngat nimbie him ngat di ikwas bikwop ari bingwam cem. Suar yo di igya ser dima imbus munkwas dima yok leu miai di igyai sir minu ndig kin minu mien nya hagom keyam leu api ittei hagom bikes bak imam nya kin Lewi nya dem igbit Musa nicuk yoti. Apino limwa Yehuda nya iba ingon com imam nya kin Lewi nya dima yok,

SAMUEL GI NIGOM 9:9

Ei nijam dima ne tungwatu nya ijem no di nabi ninyeng hi no di kan huk mindur kan cem. Gino tungwagom hig ser Allah tut mun nyeng hi lene noni mipai “Jikwei ba, yuug cem kep no di kan huk mindur kan.”)