NIBOHON MBEN ISRAEL GI NIGOM 9:1 - ALLAH NIHYET MEM TUNGWATU NYA

¹ Daptar limwa Israel yahagom inyeng jo ei srat Nibohon Nibou Ndig mben Israelti ibibit leu ide ig bei nsi gom-gom. Mben Babel ikat timiei Yehuda nya ba, icom yok ug ei ingkiaisi ba, isima ei sirima drek dip ide sisar di ibon nya.

NIBOHON MBEN ISRAEL GI NIGOM 9:1 ပူးပေါင်းရင်းမြစ်များ

NEHEMIA 7:5

Gima rino Allah pingok ei dingonti leu binhyepo dinduk limwa nya kin ide nibou nya kin yo di inyeng jei nya ba, dikwop imangti bit leu ide pung di intun him di daptar tibim tut. Mpe dima lene dittau kep daptar tut yo di ingkwei hanyen leu ingkiaisi gi nimbie him ngat inyeng di joti. Nibimbiti di diyai leu daptar di ipas dima jo bijehei dini jug.

EZRA 2:59

Yo di ikiju di imbut leu minu ndig ngot di Tel-Melah kin Tel-Harsa kin Kerub kin Adam kin Imer hagom imangti ibou sratus muhwindagom ba, ningot muhwi bican. Yo dini intun Delaya kin Tobia Kin Nekoda nya insi de nya him noro bit bon igindo bindo bipia yoni ne yo di intun mben Israel him rin kan bi.

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

YEREMIA 39:9

Lene Nebuzaradan di nibou tentara Babel kat limwa nindigsi di ingat rin ei minu ndig nya bitut yo di itti kin nimpung mben Babel nya bikri yahagom ug ei minu Babel.

NIBOHON MBEN ISRAEL GI NICAN 33:11

Gima rino tuhan bindei di nibou pran mben Asyur nya ikwei coi minu Yehuda di ihwen ug a. Lene iba simper nindig bipos Manasye ba, iba lante biteu nimig-ninda lene ikri ug ei minu Babel.

NIBOHON MBEN ISRAEL GI NIGOM 8:40

Munggwom di Ulam de nya ne tentara di mimbri kui ingkek nya ri. Lene yahagom iprindei kikep mun ba, ibikan tu. Ulam nignyon bat di pinai nya yahagom sok yam imangti ibou sratus gom ningot muhwi. Yo dini yahagom intun keret Benyamin him.

NIBOU NDIG NYA GI NIGOM 14:19

Nipui mun nindigsi nya tut Nibou Ndig Yerobeam de ninyeng tak kepti kin nibie tut tentara di ikon kep pran nyati hagom jo ei srat Nibohon Nibou Ndig Mben Israel Nyati.

NIBOU NDIG NYA GI NICAN 24:14

Nebukadnezar kat timiei minu ndig Yerusalem nya kin nibou ndig nipmot bat nya kin yo di inyeng jei nya yahagom ba, isima ei ingkiaisi. Lene noni kat tukan ngkimom nitu nya kin tukan nindigsi nya cem ba, isima ei ingkiaisi. Noni buwak yok bingkwei sut yok hanyen ug ei minu Babel ba, yahagom imangti ibou sribu simnai. Noro Nebukadnezar sindui sut yo di yuhui mbum bibor nya ba, yongkom ibong ser minu ndig Yerusalem kikau.

NIBOU NDIG NYA GI NICAN 24:15

Nebukadnezar kat Yoyakhin bitut nipmem kin nitnem bat nya kin nide nibou pran nya kin yo di igya kui noni yahagom ba, isima ei ingkiaisi.

NIBOU NDIG NYA GI NICAN 24:16

Noni kat andigpoi di inyeng jei nya ibou sribu muhwindacan kin tukan ngkimom nitu nya kin tukan nindigsi nya yahagom ibou sribu gom di isindem ba, ikon pran kan cem bingkwei sut yok ug ei minu Babel.

EZRA 2:1

Imang bibor leu yo di inok awak ei ingkiaisi ei mben Babel ikieti ikiju bimbut hak leu minu Babel bijo hak ei. Lene ingkwei hanyen ug ei minu ndig Yerusalem kin hanjop Yehuda cem. Bikwop tungwagom-gom ngkwei hanyen ug ei nonti nide minu ndig. Inok awak ei ingkiaisi ei minu Babel dima habiei leu mpe di po Nibou Ndig Nebukadnezar kat yok bikri yok ug ei sirima tu pima.

NEHEMIA 11:1

Nibou nya ibong hak ei minu ndig Yerusalem. Noro limwa nya ikus bit ba, idimig bibikwop nimpung ig bei simnai ei leu api iba bit nimig mbus bidimig nimpung ig bei gom leu ningot gom ei lene nok. Suar nimpung ig bei di ikus bit di ibimig mbus dima ibong hak ei minu ndig Yerusalem di Allah dimig ei mem Nonti. Leu api nimpung ig bei nindigsi nya yahagom yuug bong ei minu ndig kin minu mien hiter nya.

YESAYA 3:2

pinjoi ndig nihwen kep mun cig nya kin tentara nya kin nikei nya kin nabi nya kin nimbot kep tut mun di mipek kep ei nidipti bu cig nya kin yo di ipingok yam ngonti,

YEREMIA 13:19

Siceu nya no igyon ttai minu ndig ngot di jo ei minu Yehuda nite bei mpia nibiho a. Ba, bit bon hi di kus no nyahan binjiriek niyon ttaisi dima billu kan bi. Yo dima ikat timiei Yehuda yahagom bikri yok ug ei ingkiaisi tu.”