NIBOHON MBEN ISRAEL GI NIGOM 8:28 - ALLAH NIHYET MEM TUNGWATU NYA

²⁸ Yo dini ne nibou ig bei nsi nya kin nibou di ibie tut yok nya di ipas kep inyeng ei ide daptar pungti nya ri. Ide nintun him di bram yam nya ibong ei minu ndig Yerusalem.

NIBOHON MBEN ISRAEL GI NIGOM 8:28 ပူးပေါင်းရင်းမြစ်များ

NIBOHON MBEN ISRAEL GI NIGOM 8:29

Yeiel win minu ndig Gibeon bibong ei sirima cem. Nitnem ninyeng Maakha.

NIBOHON MBEN ISRAEL GI NIGOM 9:3

Keret nya di ingkwei bibong ei minu ndig Yerusalem hanyen leu bikwop keret Yehuda kin keret Benyamin kin keret Efraim kin keret Manasye.

NIBOHON MBEN ISRAEL GI NIGOM 9:34

Yo di inyeng jo nai dini kui ne nibou ig bei nsi nya di intun keret Lewi him bit leu ide pung di intun him ba, ibong hak ei minu ndig Yerusalem.

NIBOHON MBEN ISRAEL GI NIGOM 9:7

Nimpung ig bei nsi nya di intun keret Benyamin him di ingkwei hanyen bibong ei minu ndig Yerusalem imangti ibou sratus muhwindatai ningot muhwi muhwindagom. Nibou ig bei nsi di ide nya inyeng rino Salu di Mesulam nipmot di bon nignyon Hodawya kin nidigup Hasenua kin Yibnea di Yeroham nipmot kin Ela di Uzi nipmot di bon nignyon Mikhri kin Mesulam di Sefaca nipmot di bon nignyon Rehuel kin nidigup Yibnea.

NEHEMIA 11:1

Nibou nya ibong hak ei minu ndig Yerusalem. Noro limwa nya ikus bit ba, idimig bibikwop nimpung ig bei simnai ei leu api iba bit nimig mbus bidimig nimpung ig bei gom leu ningot gom ei lene nok. Suar nimpung ig bei di ikus bit di ibimig mbus dima ibong hak ei minu ndig Yerusalem di Allah dimig ei mem Nonti. Leu api nimpung ig bei nindigsi nya yahagom yuug bong ei minu ndig kin minu mien hiter nya.

YOSUA 15:63

Bitut keret Yehuda ide minu ndig Yerusalem cem noro bit bon igijji mben Yebus di ibong ei sirima leu itimieisi dima kan bi. Ba, mben Yebus no ibong timiei ei sirima bit keret Yehuda kwei bipek ammani kep.

NIJAM NIKEI NYA 1:21

Noro bit bon tentara keret Benyamin ijji timiei Yebus leu minu ndig Yerusalem kan bi. Gima rino timiei Yebus nya ibong timiei ei sirima bit keret Benyamin.