Idimig yo di ipai kep doia ei ide ig bei nsi nya bimbus yok mem gima ibui yeng beng ngkimom-tembaga. Yo dima inyeng Heman di Yoel nipmot kin nide bat nya. Nide bat nya dima inyeng Asaf di Berekhya nipmot kin Etan di Kusaya nipmot leu Merari ninsi de. Lene idimig yo di intun keret Lewi him di inyeng rino Zakharia kin Yaaziel kin Semiramot kin Yehiel kin Uni kin Eliab kin Maaseya kin Benaya ei mem gima ibicom yam bit yok ba, ikek kep nggong mbrei di nihyet mien nya. Idimig Matica kin Elifele kin Mikneya kin Azazya kin yo di igya ser tuhan De Ig ibou can di inyeng rino Obed-Edom kin Yeiel mem gima ikek kep nggong mbrei nya di nihyet ndig.
NIBOHON MBEN ISRAEL GI NIGOM 6:44 - ALLAH NIHYET MEM TUNGWATU NYA44-47 Etan nok nibou tut nimpung gi niningai di ipai doia. Noni nggre kin Merari ninsi de. Nide pung di intun him pijum hak bijuk kikau bipek Lewi inyeng rino Etan kin Kisi kin Abdi kin Malukh, kin Hasabya kin Amazia kin Hilkia kin Amzi kin Bani kin Semer kin Mahli kin Musi kin Merari kin Lewi. အခန်းကိုကြည့်ပါ။ |
NIBOHON MBEN ISRAEL GI NIGOM 6:44
7 ပူးပေါင်းရင်းမြစ်များ
Nibou Ndig Daud kin nibou di ibie tut keret Lewi nya idimig keret Lewi ninsi de nya ei mem gima ibie tut nibon midut nikuk no bak Allah. Yo di idimig yok ei dima inyeng rino Asaf kin Heman kin Yedutun. Indo yo dini mem gima itri tut Allah nicukti tug hon doia di iba nggong mbrei kin gitar kin yeng beng ngkimom-tembaga bikek ibibit Allah nicukti dima. Idimig nimpung poi ei mem gima iba musik bipai doia ibibit leu Njap Nigwam Kep Ninghuisi kin nibon midut di mbut sindam nya.
Heman nipmot bat dima yok yahagom iba yeng beng ngkimom-tembaga kin nggong mbrei kin gitar bipai doia ba, ibibit leu Njap Nigwam Kep Ninghuisi kin nibon midut di mbut sindam nya ei tuhan De Ig. Idimig nimpung poi kin bu ei mem gima iba musik bipai doia ba, ibibit leu Njap Nigwam Kep Ninghuisi kin nibon midut di mbut sindam nya. Asaf kin Yedutun kin Heman yoni igyai midyai dima bit leu nibou ndig nindo yoti.
ကြော်ငြာတွေ