NIBOHON MBEN ISRAEL GI NIGOM 6:32 - ALLAH NIHYET MEM TUNGWATU NYA

³² Nipou tirigi Nibou Ndig Salomo ngot tuhan De Ig bigyo lene yo di Nibou Ndig Daud dimig yok ei dima igya biluei-luei yam nyen bigyai midyai ei tuhan De Prak Meng.

NIBOHON MBEN ISRAEL GI NIGOM 6:32 ပူးပေါင်းရင်းမြစ်များ

NIBOHON MBEN ISRAEL GI NIGOM 6:31

Hon kep tirigi ittei Brua Gi Preu ug ei Ig di ikuk yok bak Allah eisi ei minu ndig Yerusalem tu, lene Nibou Ndig Daud dimig ibou poi ei mem gima ikek kep doia ei tuhan De Ig dima.

NIBOHON MBEN ISRAEL GI NIGOM 6:33

Yo di indo midyai biyok dima ide pung di intun him hak rinok gini. Heman di Yoel nipmot nggre kin Kehat ninsi de ba, noni nok nibou tut nimpung gi nigom di ipai doia. Nide pung pijum hak bijuk kikau bipek Yakub inyeng rino Heman kin Yoel kin Samuel,

NIBOHON MBEN ISRAEL GI NIGOM 9:33

Keret Lewi bihi yahati tut midyai nipai kep doia ei tuhan De Ig. Ide nibou ig bei nsi nya ibong ser nghim nsi poi ei tuhan De Ig dima lene yahati tut midyai hiter bi lewo itin ei mem igyai midyai nipai kep doia bikwop mmun-njap.

NIBOHON MBEN ISRAEL GI NICAN 31:2

Nibou Ndig Hizkia bindei mbut nimpung imam nya kin nimpung Lewi nya hanyen bibit leu midyai di igyai nipou su pima. Midyai dima yok ne nibon midut nindig mindhe-ndhe kep humti kin nibon midut nibiyai ningon kwes kin Allahti rin ba, yahati tut midyai nikuk no bak tuhan ei Nide Ig ba, iba doia bikon tuhan ninyeng ba, ipai sigyo bak Noni cem ei mpia ttou nsi poi ei Nide Ig.

NIBOHON MBEN ISRAEL GI NICAN 35:15

Lewi nya ibou poi itin ei nibon midut kep Njap Ndig Paskah mem yo di ingon ki tut nikek musik di igya coi Asaf ninsi de nya di intun keret Lewi him di ingat rin ei mpia di igyai midyai dima eisi po Nibou Ndig Daud ndo ei mem yok tu pima. Yo dima inyeng Asaf kin Heman kin Nabi Yedutun di ya kui nibou ndig bitut yo di igya ngkiem ser dimbou pmem nya di igikes ide dikti ei bi ri.

EZRA 6:18

Lene inyohou dimig imam kin mben Lewi nya ei mem midyai di igyai ei tuhan De Igti bit leu nok srat Musa nipingok yokti nya.

YEHEZKIEL 40:44

Leu api no dima buwak da ug ei mpia di jo bas hak ninsi. Ig jibei can no jo dima ba, gom ya simin dimbou pmem ei nite bei mpia nijjai bikiek nimbou hui ndam bei mpia nibiho lene gom jo simin dimbou pmem bei mpia nibiho bikiek nimbou hui ndam bei mpia nijjai.