NIBOHON MBEN ISRAEL GI NIGOM 5:26 - ALLAH NIHYET MEM TUNGWATU NYA

²⁶ Gima rino Allah pingok ei Pul di nok nibou ndig mem Asyur ningonti dino njei siceu di hwen yoni ug a. Pul ninyeng hi rino Tiglat-Pileser. Noni kat keret Ruben kin Gad kin Manasye nite hi di ibong ei Minyei Yordan nite bei mpia nipriti bicom yok ug ei ingkiaisi bibong ei minu mien Halah kin Habor kin Hara kikau ug ei mpia ttou nsi gom di jo dideu Minyei Gozan nyai cem. Lene keret dima yok ibibong timiei ei sirima kikau kwei bipek ammani kep.

NIBOHON MBEN ISRAEL GI NIGOM 5:26 ပူးပေါင်းရင်းမြစ်များ

SAMUEL GI NICAN 24:1

Mpe di gom bu ne tuhan gga mben Israel apino Noni bindei ba, mun di buhun bibor cut igkep yok drek dip Daud ningon kanti. Nok rino tuhan pai binoni “Apas kep tentara Israel kin Yehuda nya inyeng ba, akwop imangti.”

NIBOU NDIG NYA GI NICAN 15:19

Tirigi Pul di nok nibou ndig mem mben Asyur ya tut nide tentara ba, injei bihwen mben Israel lene Menahem kiju bimbus perak di nibuhunti kilo sribu ningot ningai bitai biyai bak. Tug hon nisinati dima ne Menahem bindei sindem nide ninyeng tak kep mben Israelti.

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

NIBOU NDIG NYA GI NICAN 16:7

Lene Ahas sok nihyet ei tungwatu nya dip bak Tiglat-Pileser di nok nibou ndig mem mben Asyur bipai bak “Dahara na di Andigpoi leu binhyepo akwei mpu da ba, ateu da bidingwes ngun leu nibou ndig mben Siria kin nibou ndig mben Israel di sindi ikon pran bit da dini inda nsi ug e. Lewo dani ne ade awak di ningon gom ri.”

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 18:11

Nibou ndig mem mben Asyur kat mben Israel dima ba, isima ug ei minu Asyur. Noni kwas yok ei nimpung ningai ba, nimpung gom isima ei Halah lene nimpung gom isima ei Gozan dideu Minyei Habor lene nimpung gom isima ei timiei Madai ide minu ndig gom-gom.

NIBOU NDIG NYA GI NICAN 19:12

Didigup bat-didigai bat nya ikon pran bit minu ndig Gozan kin Haran kin Rezef ba, icok tut hagom bingwig lene ihwen mben Eden di ibong ei Telasar cem. Bit bon yo dima ide kwar di ikuk yok bak nya iteu yok bingwes ngun kan bi.

NIBOHON MBEN ISRAEL GI NIGOM 9:1

Daptar limwa Israel yahagom inyeng jo ei srat Nibohon Nibou Ndig mben Israelti ibibit leu ide ig bei nsi gom-gom. Mben Babel ikat timiei Yehuda nya ba, icom yok ug ei ingkiaisi ba, isima ei sirima drek dip ide sisar di ibon nya.

NIBOHON MBEN ISRAEL GI NICAN 28:20

Nibou ndig mben Asyur dima gikwei mem gima mpu Ahas bi noro tte tut noni bibindei ba, mun di buhun bindin Ahas.

NIBOHON MBEN ISRAEL GI NICAN 30:6

Ipinak tungwatu nya bigya bidem minu Yehuda kin minu Israel titut yam bit leu nibou ndig kin yo di igya kui noni icuk yokti leu binhyepo ittei srat di nibimbiti pai, “Limwa Israel jen, jingwes ngun leu mben Asyur inda nsi tu. Gima rino nogindini ma jingkwei hanyen ndam Abraham kin Ishak kin Yakub ide tuhan Allah di yoni ikuk yok bak. Ba, joom jenti bijinok awak mem Noni leu binhyepo Noni cem mikwei bimpu jeni hanyen.

NIBOHON MBEN ISRAEL GI NICAN 33:11

Gima rino tuhan bindei di nibou pran mben Asyur nya ikwei coi minu Yehuda di ihwen ug a. Lene iba simper nindig bipos Manasye ba, iba lante biteu nimig-ninda lene ikri ug ei minu Babel.

EZRA 1:5

Lene nibou di imbier kim nya di intun keret Yehuda kin Benyamin him kin imam nya kin keret Lewi nya kin bibikwop nindigsi di Allah pingok ingonti tu nya itin ei mem ingkwei hanyen ug ei minu ndig Yerusalem leu binhyepo iwin tuhan De Ig hanyen.

YESAYA 37:12

Mpe di po didigup bat-didigai bat nya ihwen minu ndig Gozan kin Haran kin Resef bitimek ba, ibiyai nimai bak mben Eden di ibong ei minu ndig Telasar ne yo dima ide kwar di ikuk yok bak nya hi di teu yo dima bingwes ngun bi.

YESAYA 37:18

Nahagom nikan tut bipia nibou ndig Asyur nya ibindei sar mben imang bibor ba, bindei timek ide minu nya cem ba,