NIBOHON MBEN ISRAEL GI NIGOM 5:1 - ALLAH NIHYET MEM TUNGWATU NYA

¹ Yakub nipmot mighumbou rino Ruben. Noro Ruben yem njita tut nicig nitnem ndrim hi. Apino Yakub bindei timek nisindemti nok mighumbou leu noni biyai bak Yusuf. Mbro nok gima lo, keret Yusuf rino sindem bibor dor njiriek Yakub de nintun him di bram yam nindigsi nya bi.

NIBOHON MBEN ISRAEL GI NIGOM 5:1 ပူးပေါင်းရင်းမြစ်များ

NITRITI 25:23

Lene tuhan buhup “Atta buhun tut pung di intun him ningat can rin ba, mporo agwam tut munggwom nggre di inok pung di keret can di iba nitok biyam intun him. Keret gom misindem dor njiriek keret gom ba, munggwom mighumbou nok awak mem nikinjoi.”

NITRITI 25:31

Lene Yakub pai “Yo, gi nok ne ma atri mun di anyeng tut tug hon gi anok munggwom mighumbou bida bibie ug e leu api midiket kiju dima hi tut na.”

NITRITI 29:32

Gima rino Lea tta buhun bigwam tut nipmot lene kan “tuhan ngat igbit singon di buhun tu apino hon kep ammani kui sijjep miningon ngakei sa.” Gima rino jem nipmot ninyeng Ruben.

NITRITI 35:22

Tirigi ibong ei sirima lene Ruben cut tut nicig nitnem ndrim Bilha. Tirigi nicig miap ninghapti tut lene ningon sibui sut Ruben nindig bibor. Lene Yakub yai nipmot bat nya ibou simnaibrimigcan.

NITRITI 46:8

Yo di intun Yakub him di ibit noni ug ei minu Mesir inyeng rino Ruben di mighumbou.

NITRITI 48:5

Yusuf e, midijem apmot bat cin Efraim kin Manasye di atnem yai bina ei minu dini nipou tirigi dikwei bigyo nok dipmot bat cin bu noyam kin Ruben Simeon nya.

NIBOHON MBEN ISRAEL GI NIGOM 2:1

Yakub yai nipmot bat nya ibou simnaibrimigcan di inyeng rino Ruben kin Simeon kin Lewi kin Yehuda kin Isakhar kin Zebulon, kin Dan kin Yusuf kin Benyamin kin Naftali kin Gad kin Asyer.

NIBOHON MBEN ISRAEL GI NIGOM 26:10

Merari ninsi de nya indo Hosa mem midyai dima. Hosa yai nipmot bat nya ibou bitai di inyeng rino Simri (Noni ne munggwom mighumbou rin bi noro nicig kon binok nibou mem yoni), kin Hilkia kin Tebalya kin Zakharia. Yahagom sok yam imangti ibou simnaibrimigningai di igya ser tuhan De Ig dima inggre kin Hosa nide ig bei nsi nya.

NEHEI LEUSI 6:14

Lene Simeon di wak sop Kanaan nok nitnem yai nipmot bat nya ibou muhwindagom di inyeng rino Yemuel kin Yamin kin Ohad kin Yakhin kin Zohar kin Saul. Yoni ne pung di ide keret nya intun him ri.

IMAM NYA IDE MIDYAI 18:8

Harin dima aba niyem njita tut acig nitnem bat nya bihi biyai nimmai bak acig a.

IMAM NYA IDE MIDYAI 20:11

Pinai gom di yem njita tut nicig nitnem bat nya igom lene niyai munti dima binggek tut mun di nicig nyeng tut. Gima rino suar jikes hukum nimai ei pinai dima kin sop dima dip hak ug. Yoni imai drek dip yonti igyai mun tunggweisi dima.

MBEN ISRAEL IMBUT-MBUT NYEN 1:5

Lene daptar dini tibim tut nibou di impu Musa Harun nya inyenga. Elizur di Syedeur nipmot di ntun keret Ruben him,

MBEN ISRAEL IMBUT-MBUT NYEN 16:1

Mpe di gom lene Korah di Yizhar nipmot leu Kehat nide bat nya di intun keret Lewi him kin ibou ningai di intun keret Ruben him di inyeng rino Datan kin Abiram di icig ninyeng rino Eliab kin On di Pelet nipmot ingon dindi tut Musa ba,

MBEN ISRAEL IMBUT-MBUT NYEN 26:5

Yo di intun keret Ruben po Yakub nipmot mighumbou pima him inyeng rino Henokh nide bat nya kin Palu nide bat nya,

KORINTUS GI NIGOM 5:1

Jinghapti tibim kwei brei bida tut sisar nicut tut yamti di kinei bibor di srou je di mbusyamei nya. Ningat ne tungwagom cut tut nicig nitnem mien. Mei! Yo di ingon tindur nya ibon sisar di kinei bibor dima bi!

NINDAT KEP TUHAN NICUKTI NYA 21:17

Mbro nok gino noni ne nicig nitnem ningon him ngi-ngat pima nipmot rin bi lo, suar nicig njei ndigban di nyeng tut nya mbican bram yam bak nipmot mighumbou dima. Suar nicig ndo nipmot mighumbou brei bak tungwatu nya lewo munggwom mighumbou dima dem mem gima ba nokep ndigban di nicig nyeng tut bit leu nok jide nikos tutti pai ei su.”

NINDAT KEP TUHAN NICUKTI NYA 27:20

‘Ma tuhan sigion no di yem njita tut sop di nok nicig nitnem ndrim lewo ba niyai munti dima binim kep nicigya.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 33:17

Yusuf sindem nok sapi banteng nikre di tungwatu nya ipijuk kan bi ba, nibou nggai dem kep nok sapi nikre di niten-pos. Keret Manasye imangti ibou sribu-ribu lene keret Efraim imangti ibou sribu-ribu simnai ba, yahagom inok Yusuf de nibou nggai. Noni ba nibou nggai dima bidat ngkiai nya binjei yok bisar bingwig ug ei dihyei nohon keti.”

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

YOSUA 14:6

Mpe di gom lene yo di intun keret Yehuda him ikwei ngat Yosua ei Gilgal. Lene Kaleb di Yefune di nimbier kim Kenas ninsi de dima nipmot pai bak Yosua “Andigpoi e, akan kep mun di tuhan pai bak Nide awak di Musa ei Kades-Barnea tut sani e?