NIBOHON MBEN ISRAEL GI NIGOM 4:10 - ALLAH NIHYET MEM TUNGWATU NYA

¹⁰ Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

NIBOHON MBEN ISRAEL GI NIGOM 4:10 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 12:8

Lene noni jo leu sirima buug ndam mpia nibiho ei cet him ei minu ndig Betel kin Ai ikieti ba, hok nide prak meng ei sirima. Betel jo ei nite bei mpia nicutti lo, Ai jo ei nite bei mpia nipriti. Noni dingug tig nindig bijo-jo yam dip bu ei sirima bingon nimbar hum dok leu api bikuk no bak tuhan.

NITRITI 28:20

Lene noni heng bipai “Gino na di tuhan anyohou da ba, aya ser da kak dimbutti dini ba, ayai njita kin sinsun hi bida,

NITRITI 28:21

kikau bidiba dingwes ngun bingkwei hanyen kwei ei dicig de ig bei nsi lene midikuk da biNa di tuhan Nangkom.

NITRITI 32:26

Lene pai bak Yakub “Akes da ba, duug rin lewo jei bi ne mpia pri ri.” Noro Yakub srep “Ma anjei mun di kei hi bak dani nipou ug e leu api midikes na ba, aug.”

NITRITI 32:27

Lene noni hig ser Yakub “Anyeng tou i?” Lene Yakub buhup “Dinyeng Yakub.”

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

NITRITI 33:20

Lene noni dingug tig nok nimbar hum dok ei sirima bipiga ei mem El ba, Noni ne mben Israel ide Allah ri.

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

NIBOHON MBEN ISRAEL GI NIGOM 16:8

Jipai sigyo bak tuhan bijitri tut ninyeng di jei bak tungwatu nya. Jipui sut niyai munti nya bak mben dihyeisi dini yahagom.

NIBOHON MBEN ISRAEL GI NIGOM 4:11

Suhg bon nide adig-ajoi Kelub di yai nipmot Mehir di yai nipmot Eston,

NIBOHON MBEN ISRAEL GI NIGOM 4:9

Ei nijam dima ne tungwatu nya ikon Yabes dor njiriek nide bat nindigsi nya yahagom. Nipmem jem ninyeng Yabes lewo mpe di noni srek tut lene yai ninghuisi di wei nindig bibor drek dip.

AYUB 12:4

Mbro nok gino dibon mun di igbit ba dingon kwes lo, disut bat nya kin dingon kieti nya ipa ndip da. Nipou ne Allah buhup ditde nadi mpe dino dahara Noni.

MAZMUR 119:173

Ma atin ei ba, ampu da bikwop mmun-njap lewo dikos tut bipia midibit Ade nikos tutti nya.

MAZMUR 121:7

tuhan miya ser na leu binhyema mun di buhun bibor cut igkep na bi. Noni miteu na ba, angwes ngun apino ayaijo a.

MAZMUR 145:19

Noni miyai mun di indwau sut nya bak yo di inggei sut Noni. Noni ngig nitingou mem ighyet tirigi yahara Noni apino Noni teu yok bingwes ngun.

MAZMUR 21:4

Na di Allah aya um nibou ndig ba, anjei mun di kei mpung bipias hagau bak lene aba topi mas bijuk nibou cem.

MAZMUR 51:12

Allah e, apai tes ningon di kwes mem da lene abindei ba, dingon bei jep-jau cem nddong cem hanyen.

MAZMUR 51:8

Mun di bon ninyeng ei Na di Allah ayai him rino ningon di gom. Abindei ba, dingon bei mpung tut angon kiti.

MAZMUR 55:16

Handei kon ba, ditde siceu nya imai kros hak leu api ijuk tut igyaisi jo yo ug ei minu nimai nya ide. Lewo ingon di mpung tut nisibut biborti kieng kep ide ig di ingkwei-ngkwei nyen kep.

MAZMUR 65:2

Allah e, dem mem nyeni ninggei sut Nani ei Sion ba, niyai hagom bit leu nok nipreu ei mem Nati cem,

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

NIPINGOK NINGONTI 10:22

Tungwatu nya inyeng tut ndigban tug hon ningat di kei di tuhan njei bak yoni. Bit bon nicom nahanggwap tut midyaisi bindei ningat di kei kum eisi bi.

NIPINGOK NINGONTI 30:8

Ma asindui sut ba, diris ei tungwatu nyati bidoom ser au. Lene ma asindui sut ba, dinyeng bibor ba, duhui mbum bibor cem au. Ayai mun di dindwau sut he bida lene ma abikum eisi au.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:17

Mpe dino Ditde limwa di indwau nya inggobiau sut minyei binggok ser lene Da di tuhan midibuhup ide nadi. Dinok mben Israel ide Allah. Dikes yok ei bihigom bi sren.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

MATIUS 26:75

Lene Petrus yok ngon kep Yesus nibuhupti “Ma ayok ngon kep bipia himmun di ariman tirigino hacig yau bigyo lene aom ser Da mbiningai bipia akan tut Da bi ug ri.” Leu api Petrus ug leu biyati bipim ba, niyai nggwei kibor drek dip ningon di ngguk biborti.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

LUKAS 19:42

bipai “Ndina! Gi kei rino njap di ammani jingon hukti tut mun di biyai jingon di kwes kin Allah! Noro nogindini mun dima jo nding leu jiyai him!

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 16:19

Tungwatu nya yahagom imiap tut jinghapti bikan tut bipia jingon gom tut Nihyet Di Kei leu Allah ningginau jeti nya. Gima rino dillei ngwig sut je. Dijoi sut gi jingon ki tut mun di kei nya lo, jingon mbum tut mun di sibut.

KORINTUS GI NIGOM 1:2

Nipigo Allah de mbusyamei ei minu ndig Korintus. Allah hig jeni bijinok Nide limwa di ingon kwes-kwau nya tug hon jide ninok gom kin Kristus Yesusti. Ba, gima noyam kin yo di mbusyamei nya di ikuk yok bak Yesus Kristus bidem minu. Noni ne Tuhan mem yoni kin nyeni cem ri.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.

EFESUS 4:30

Ma jibindei ba, Allah Ninnei ningon pus tut je au. Lewo Allah ba Ninnei dima bitak buk kep je nok bindo di bindo bipia nyeng tut je binyohou je kikau bibou Njap Nikwek Jeti dem ug e.

2 TIMOTIUS GI NICAN 4:18

Jo nibreisi bipia Tuhan Yesus Kristus miteu da bidingwes ngun leu yo di itin ei mem ikos da yahagom inda nsi. Noni minyohou buwak da ba, dicoi bit Ninyeng Tak Kepti ei gwamti. Gima rino suar yahagom inggei sut Noni bijo ninno bijo kikau! Igbit ri.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.

SAMUEL GI NIGOM 1:17

Lene Eli buhup “Gi nok lene ma aba angon di kwes bingkwei hanyen ug ei atimieisi. Handei kon ba, mben Israel ide Allah mibuhup ahyet bit leu angon kanti.”

SAMUEL GI NIGOM 1:20

Noni nghop ba, srek tut nipmot lene jem ninyeng Samuel bisimbot dat “Dahara tuhan leu api Noni bindei ba, diyai dipmot gom.”

SAMUEL GI NIGOM 1:26

Leu api Hana pai bak Eli “Andigpoi e, dijem ampon bina. Ayok ngon kep dani e? Dani ne sop po kuk no bak Tuhan bingat nadi ei mpia dini nipou su pima ri.

SAMUEL GI NIGOM 1:27

Dahara Tuhan leu binhyepo Noni bindei ba, disrek tut dipmot dini lene Noni buhup dihyet bit leu nok dahara Noni tu.