NIBOHON MBEN ISRAEL GI NIGOM 29:23 - ALLAH NIHYET MEM TUNGWATU NYA

²³ Leu api Salomo kui bigwam banggo mbrei nibou ndig di tuhan Nonti kos tut ei mem tu dima dip. Kui bigwam nok nibou ndig biya luei nicig Daud nohoti. Noni ne nibou ndig di ningat di kei ntun him ba, mben Israel yahagom ibit nihyet cem ri.

NIBOHON MBEN ISRAEL GI NIGOM 29:23 ပူးပေါင်းရင်းမြစ်များ

NIBOHON MBEN ISRAEL GI NIGOM 28:5

Noni yai dipmot bat nya imang bibor cem bida. Lene bidimig Salomo leu dipmot bat nindigsi nya ikieti leu binhyepo ninyeng tak kep mben Israel di nok Nide ninyeng tak kepti dima.

NIBOU NDIG NYA GI NIGOM 2:12

Salomo ya luei nicig Daud nohoti nok nibou ndig di nijep bu ba, ninyeng tak kepti sindem bibor ba, nddong kei cem.

ROMA 13:1

Suar bikwop tungwagom-gom bit nibou pemerinta nya ighyet. Allah Nongkom bindei ba, nibou nya ibindei mbut ide ninyeng tak kepti. Allah ta yok bit leu ningon kanti.

MAZMUR 132:11

Apreu ei mem noni tug hon neheng tu. Ba, angkwei leu nipreu eisi dima bu au. Nipreu eisi dima pai “Midikon apmot gom nok nibou ndig ba, noni miya luei ahoti ba, ninyeng mitak kep mben Israel.

NIBOHON MBEN ISRAEL GI NIGOM 22:11

Lene Daud pai bu “Dipmot na e, nogindini handei kon ba, ade tuhan Allah mimpu na. Handei kon ba, angot ig mem Noni bipek kep nok Noni preu ei mem nye tu.

NIBOU NDIG NYA GI NIGOM 1:46

Nogindini Salomo ne nibou ndig di nijep ri.

NIBOHON MBEN ISRAEL GI NIGOM 29:24

Nibou nindigsi di igya kui noni kin nibou tentara nya bitut Daud nipmot bat nindigsi nya cem yahagom ice tut bipia ingon gom tut Salomo di ninyeng tak kep yok nok nibou ndig.

NIBOHON MBEN ISRAEL GI NICAN 9:8

Jikwei ba, inggei sut tuhan di nok Na Di Andigpoi ade Allah! Noni ta Na Di Andigpoi ba, anok nibou ndig leu binhyepo aba Nonti ninyeng bitak kep mben Israel lewo Noni joi sut Na Di Andigpoi nindig bibor. Noni ta Na Di Andigpoi ba, anyeng tak kep yok lewo ningon ngakei Nide limwa mben Israel ba, joi sut gima nyohou yok kikau. Apino kon Na Di Andigpoi ba, anok ide nibou ndig leu binhyepo yahagom ibit nihyet ba, ingon sren.”

NINDAT KEP TUHAN NICUKTI NYA 34:9

Mpe dima ne Yosua di Nun nipmot yai ningon di ki lewo Musa ndo noni leu binhyepo ya luei nohoti. Lene mben Israel ibit Yosua nihyet ba, igyok ngon kep tuhan nicuk yokti nya di Noni sok ei Musa dip bak yoni.

NIBOU NDIG NYA GI NIGOM 1:13

jibipbur ba, juug ngat Nibou Ndig Daud lene ma jihig ser noni ‘Andigpoi e, nipou apreu ei mem da bipia dipmot Salomo miya luei ahoti nok nibou ndig di nijep bi e? Nggon rima Adonia ndo nonti nok nibou ndig di miya luei ahoti hanyen i?’ ”

NIBOU NDIG NYA GI NIGOM 1:30

apmot Salomo miya luei dohoti nok nibou ndig di nijep bu bit leu nok dipreu sut ei mem nani tug hon tuhan di nok mben Israel ide Allah ninyeng pima ba, gima midem igbit mem noni njap di ammani.”

NIBOU NDIG NYA GI NIGOM 1:35

Lene ma jinjei bit noni hanyen kwei tirigi noni kwei gwam ei ditde banggo mbrei dip. Noni miya luei dohoti nok nibou ndig di nijep lewo didimig noni ei nok nibou di ninyeng tak kep mben Israel kin Yehuda nya tu.”

NIBOU NDIG NYA GI NICAN 11:19

Leu api Yoyada kin nibou tentara nya kin yo di ingkiem ser nibou ndig pijum nya kin yo di igya ser nibou ndig nya ide ig nya bitut limwa nya yahagom injei bibuwak Nibou Ndig Yoas leu Tuhan De Ig biyuug sut ug ei nibou ndig de ig. Yoas coi kak Dimbou Pmem Niya Ser Cig Nya ide leu api kui bigwam ei nibou ndig de banggo mbrei dip.

NIBOHON MBEN ISRAEL GI NICAN 1:1

Salomo di Nibou Ndig Daud nipmot kui bigwam nok nibou ndig di sindem bibor ei ninyeng tak kep mben Israelti dima. Nide tuhan Allah njei mun di kei bak lene bindei ba, Salomo ninyeng tak kepti sindem bibor.

NIBOHON MBEN ISRAEL GI NICAN 1:8

Lene Salomo buhup “Allah e, abon mun di bindo binye bipia angon ngakei dicig Daud nindig bibor tu. Lene akon dani bidigwam nok nibou ndig bidiya luei nohoti cem tu.

NIBOHON MBEN ISRAEL GI NICAN 9:30

Salomo ninyeng tak kep mben Israel titut yam mem nijam ari bingwam ningot bitai ei minu ndig Yerusalem.

NIBOHON MBEN ISRAEL GI NICAN 23:20

Noni ya tut nibou tentara nya kin nibou di inyeng tak kep kin nibou di yahati tut minu Yehuda nya kin limwa nya yahagom ba, injei bit Nibou Ndig Yoas leu tuhan De Ig ug ei nibou ndig de ig. Ibuwak Yoas ba, ibicoi Dimbou Pmem Di Bon Ninyeng leu api Nibou Ndig Yoas kui bigwam ei banggo mbrei ninyeng tak kepti dip.

NIPINGOK NINGONTI 1:1

Gini ne Nibou Ndig Salomo nipingok tungwatuti nya ri. Noni ne Daud nimunggwom bininyeng tak kep mben Israel.