NIBOHON MBEN ISRAEL GI NIGOM 29:13 - ALLAH NIHYET MEM TUNGWATU NYA

¹³ Nyende Allah e, nipai sigyo nindig bibor biNani binikon anyeng di jei bibor cem.

NIBOHON MBEN ISRAEL GI NIGOM 29:13 ပူးပေါင်းရင်းမြစ်များ

KORINTUS GI NICAN 9:15

Jikwei ba, yahagom ipai sigyo bak Allah tut munkwas di mindur bibor di Noni yai binye tu!

MAZMUR 106:1

Ma jinggei sut tuhana! Ma jipai sigyo bak tuhan lewo Noni singat kei. Nide ningon ngakeisi jo kikau buug hon nohonti bi.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

KORINTUS GI NICAN 8:16

Nipai sigyo bak Allah lewo Noni ribindei di Titus cem ta nibou ei midyai nimpu jeti noyam kin nyeni!

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

DANIEL 2:23

Didigup bat-didigai bat nya ide Allah e, dinggei sut Na bidikon anyeng. Abindei ba, dingon ki ba, disindem cem. Abuhup dihyet tirigi dingat nadi lene apingok nyeni ningonti tut mun di nibuhup bak nibou ndig tu.”

MAZMUR 105:1

Jikwei ba, ipai sigyo bak tuhan bisimbot dat ninyeng di jei bibor cem. Ma itri tut nide midyai nya bak ngkiai nya.

NIBOHON MBEN ISRAEL GI NIGOM 29:12

Mun di tungwatu nya inyeng tut nya kin ide mun di imati nya kin igyemti nya hagom kwei leu Nani. Anyeng tak kep mun nyeng hagom tug hon Ade nisindemti kin anyeng di jeisi cem. Ade nisindemti dem mem gima abindei ba, tungwa hi ninyeng jei ba, sindem bibor cem.

NIBOHON MBEN ISRAEL GI NIGOM 29:14

Ningat ne diya tut ditde limwa dini yok noro bit bon nikwas mun nyeng hi tut Nani kan bi. Lewo Nani rino akwas mun nyeng hagom tut nye. Mun dima nikwas tut Nani ne hagom Ade cem.

NINDAT KEP TUHAN NICUKTI NYA 32:3

Dikon tuhan ninyeng leu api Nide limwa nya mipui sut Nide nisindemti!

MAZMUR 145:1

Daud de doia nibinggei sut tuhan. Ditde Allah kin ditde Nibou Ndig e, miditri tut anyeng di jei bidipai sigyo biNa bijo ninno bijo kikau.

DANIEL 4:34

Mpe dino nijam ari bingwam muhwindacan ngwig leu lene dikon dibou biditou kep mpia-bbed him leu api dingon tungwatu hanyen bu. Gima rino dinggei sut Allah Di Ninyeng Jei Bibor. Dikon No di niyaijo bijo ninno bijo kikau ninyeng. Allah nok nibou ndig bijo ninno bijo kikau. Ninyeng tak kepti ug hon nohonti bi sren.