NIBOHON MBEN ISRAEL GI NIGOM 29:10 - ALLAH NIHYET MEM TUNGWATU NYA

¹⁰ Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.

NIBOHON MBEN ISRAEL GI NIGOM 29:10 ပူးပေါင်းရင်းမြစ်များ

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

NITRITI 33:20

Lene noni dingug tig nok nimbar hum dok ei sirima bipiga ei mem El ba, Noni ne mben Israel ide Allah ri.

NIBOU NDIG NYA GI NIGOM 8:15

Lene noni pai biyok “Ma nyeni yahagom inggei sut mben Israel ide tuhan Allah! Noni yai mun di Noni preu ei mem dicig Daud hagom nok gi dem bit leu nok gi po pai binoni,

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

NIBOHON MBEN ISRAEL GI NIGOM 29:9

Limwa nya ikwas mun mikuisi tut tuhan lene hi bidip huk yok bi. Apino ingon nggei-hi-nggei lewo ikwas mun nyeng mang bibor tu. Nibou Ndig Daud cem ningon nggei-hi-nggei.

NIBOHON MBEN ISRAEL GI NICAN 31:8

Tirigi Nibou Ndig Hizkia kin yo di igya kui noni ingat ndigban nindig bibor di limwa nya ikwas dima bou igyai him tu lene inggei ngwig sut tuhan ba, ibinggap leu tuhan de limwa mben Israel tut ndigban nindig bibor di ikwas dima.

NIBOHON MBEN ISRAEL GI NICAN 6:4

Bipai “Nipou yo lene Na Di tuhan apreu kep dicig Daud ba, apai ‘Leu nimbie him tirigi dibuwak Ditde limwa nya di yehei leu minu Mesir kikau kwei bipek njap di ammani kep lene didimig minu ndig gom ei minu Israel nok gumihyep di suar yoni ingot ig eisi binok gumihyep di ibikuk yok biDa eisi bi. Lene didimig tungwagom leu mben Israel ikieti ei nok nibou ndig mem Ditde limwa mben Israel cem bi. Noro tini bu ne didimig minu ndig Yerusalem ei nok gumihyep mem gima ikuk yok biDa eisi. Lene didimig na di Daud ei mem gima anyeng tak kep Ditde limwa nya.’ Noni pai nok rino da di Salomo dinggei sut mben Israel ide tuhan Allah di yai mun bipek kep nipreu eisi dima tu.”

EZRA 7:27

Lene Ezra pai “Jikwei ba, inggei sut tuhan di nok idigup bat-idigai bat nya ide Allah! Lewo Noni bindei ba, nibou ndig dima yok ngon kep tuhan De Ig ei minu ndig Yerusalem binyohou nok gi kei.

NEHEMIA 8:6

Lene Ezra pai “Jikwei ba, yahagom inggei sut tuhan! Noni ne Allah di ninyeng jei bibor ri!” Lene nide limwa nya yahagom isu inda kui bibuhup “Igbit ri! Igbit ri!” Lene ikuk yok ba, iba ingwak bikik dihyei binggei sut Allah.

MAZMUR 138:1

Daud ngat nadi. tuhan e, midiba dingon titut bipai sigyo biNa. Dipai doia ba, dibikon anyeng ei Ade awak di apai tes nya ei gwamti yoho bei.

MAZMUR 146:2

Midinggei sut tuhan mem nijam di diyaijo dini bidipai doia nibinggei sut Allahti tirigi dingat rin ei dihyeisi dini.

MAZMUR 22:26

Midinggei sut Na di Allah ei Ade limwa nya yahagom yoho bei tut Ade midyai nya hagom. Midibon midut nindig mindhe kep humti ei yo di ikuk yok biNa yoho bei bit leu nok dipreu ei mem Nani tu.

MAZMUR 57:6

Allah e, ando Ade nisindem biborti brei ei mpia-bbed him a. Ando Ade nikei-kau-keisi bidem dihyei nisurti-nipekti.

MAZMUR 89:52

tuhan e, ade siceu nya ighyet tigut nibou ndig di ando ei su. Iba ighyet bicig noni bidem nimbutti nya hagom.

YESAYA 63:16

Nani ne nyeni nicig ri. Nyende pung di nintun him di Abraham Yakub nya ikan tut nye bi. Noro Na di tuhan e, anok nyeni nicig ba, ateu nye biningwes ngun habiei ei nimbie him kikau kwei bipek ammani kep.

YEHEZKIEL 3:12

Leu api Allah Ninnei kon da kui lene dimiap nihyet gom ei dinghim dip di nok kru di cut bipai “Ma jinggei sut tuhan nikei-kau-keisi ei gwamti.”

DANIEL 2:20

bipai “Allah ningon ki cem sindem bibor cem! Ma tungwatu nya inggei sut Noni bijo ninno bijo kikau.

DANIEL 4:34

Mpe dino nijam ari bingwam muhwindacan ngwig leu lene dikon dibou biditou kep mpia-bbed him leu api dingon tungwatu hanyen bu. Gima rino dinggei sut Allah Di Ninyeng Jei Bibor. Dikon No di niyaijo bijo ninno bijo kikau ninyeng. Allah nok nibou ndig bijo ninno bijo kikau. Ninyeng tak kepti ug hon nohonti bi sren.

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

LUKAS 11:3

Ma akwas njita di nisuar mem njap di ammani tut nye.

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

NINDAT KEP TUHAN NICUKTI NYA 32:3

Dikon tuhan ninyeng leu api Nide limwa nya mipui sut Nide nisindemti!

FILIPI 4:20

Handei kon ba, tungwatu yahagom ikon Icig Allah ninyeng kikau buug hon nohonti bi! Igbit ri.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

NINGAT-HI-NGAT NYA 5:12

Iba ighyet nindig bibor bipai doia “Domba Pmot di ibui bimai dem mem gima ninyeng tak kep mun di hagom cem nyeng tut mun nyeng hagom cem ningon ki cem ba, yai nisindemti kin ninyeng jeisi kin nikei-kau-keisi kin No ba, mun nyeng hagom inggei sut Noni!”