NIBOHON MBEN ISRAEL GI NIGOM 28:9 - ALLAH NIHYET MEM TUNGWATU NYA

⁹ Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 28:9 ပူးပေါင်းရင်းမြစ်များ

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NIBOU NDIG NYA GI NIGOM 3:6

Lene Salomo buhup “tuhan e, angon ngakei Ade awak di dicig Daud ninno tu. Ningon kwes ba, ningon sren cem ba, ningon gom tut na di tuhan cem. Ando bindo tut Ade ningon ngakei noti kikau tirigi abindei ba, nipmot ya luei nohoti binok nibou ndig bu.

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

NIBOU NDIG NYA GI NIGOM 8:61

Nnaba je di Nide limwa nya mijingon gom tut jide tuhan Allah ba, jibit Nide nikos tutti kin nicuk jeti nya hagom bit leu nok gi jiyai kep ei ammani tu.”

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOU NDIG NYA GI NICAN 21:22

Niyai munti dem igbit tuhan ningon kanti bi. Noro ba nghim bak tuhan Allah di nidigup bat-nidigai bat nya ikuk yok bak.

NIBOU NDIG NYA GI NICAN 22:2

Yosia niyai munti nya hagom bit leu nok tuhan nicuk noti ba, noni yai bram nide pung Nibou Ndig Daud niyai kepti nya hagom bibit Allah nihyet hagom cem.

NIBOHON MBEN ISRAEL GI NIGOM 22:19

Gima rino suar jiba jingon titut kin jinnei titut kin jide nisindemti titut bibon jenti nok awak mem jide tuhan Allah. Ma jikinyon ei ningot ig mem tuhanti leu binhyepo jikes tuhan De Brua Gi Preu kin ndigban nindigsi nya hagom di jibiyai midyai pijum bitut nibon midut nibikuk je biNoniti hagom eisi.”

NIBOHON MBEN ISRAEL GI NIGOM 28:8

Leu api Daud binut nihyet bu bipai “Gima rino ditde limwa jen e, nogindini dibidip huk je bibor ei ide Allah kin ide tuhan de limwa Israel jahagom di jidem yam ei dini joho bei leu binhyepo jahagom jibit ide tuhan Allah nicuk nyeti nya hagom nok gi mungkun kei. Gino jiyai nok gima lene minu di kei dini minok jide minu ninda rom kikau ba, jide nintun him yamti di bram yam nya miba yokep minu dini sindam bijo ninno bijo kikau.”

NIBOHON MBEN ISRAEL GI NIGOM 29:9

Limwa nya ikwas mun mikuisi tut tuhan lene hi bidip huk yok bi. Apino ingon nggei-hi-nggei lewo ikwas mun nyeng mang bibor tu. Nibou Ndig Daud cem ningon nggei-hi-nggei.

NIBOHON MBEN ISRAEL GI NICAN 12:5

Mpe dima lene Nibou Ndig Rehabeam kin nibou timiei Yehuda nya imang bibor di idem yam ei minu ndig Yerusalem lewo yahagom ikuk yam binang leu Sisak. Lene Nabi Semaya kwei ngat yok bipai biyok “tuhan pai bije ‘Jiba jinghim bak Dani gima rino Dani cem diba dinghim bak jeni. Bitig dino Sisak co kep jeni ug a.’ ”

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 6:30

lene ma angig atingou ei gwamti di agwam kepti mem ide nadi ba, akos ser mun di ibon tunggwei sut Na. Lewo Nangkom he rino akan tut tungwatu nya ingonti a. Gima rino ma abibon tungwagom-gom bit leu nok niyai munti nya.

EZRA 8:22

Dikan bipia bibou dahara nibou ndig bikes nide tentara di iba kuda di ibri nya bikon pran kan nya bihi ba, igya ser nye leu siceu nya kak puig sinon dima noro dimmai sut. Lewo dipai binoni nipou su bipia bikwop tungwa tou rino ba ningon com nyende Allah lene Noni minjei mun di kei bak no dima. Noro Allah ningon mpo tut bikwop tungwa tou rino ba ningon di gom bikuk no bak Noni bi leu api mikes hukum ei no dima dip.

MAZMUR 101:2

Midiyok diyai kep diyaijoti leu binhyepo mun di suwok rap bi. Akwei ngat da apig bu i? Midiba dingon di kwes biyai mun ei ditde ig.

MAZMUR 139:2

Akan bidem tut diyai munti nya hagom. Mbro nok gino angat rin ei minu ting bibor leu da lo, akan bidem tut dingon kanti nya.

MAZMUR 17:3

Tirigi ambus dingonti ba, akwei ngig ayai kep da mem mmun lene angat bipia dingon sren-srau. Ditto ei bidanti bipia midiyai mun tunggwei tug hon dihyet di tibim ei duhui him bi.

MAZMUR 18:2

tuhan e, dingon ngakei Na. Nani ne ditde nisindemti ri.

MAZMUR 7:10

Acut yo di isibut nya ibon munti di kinei-kinau leu yok lene ayai ningon di ngkiem bak yo di isingat nya. Lewo Nani ne Allah di ningon sren-srau di kan bidem tungwatu ingonti kin ikan-kan nyenti cem ri.

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

MAZMUR 89:26

Midibindei ba, nide ninyeng tak kep limwati nibresti jo leu Muk Hacan kikau ug bipek Minyei Efrat.

MAZMUR 89:38

Nide ninyeng tak kep limwa nyati mijo ninno bijo kikau dem kep nok bed mmun di mian ser mun nyeng hagom tirigi jo nai bumbuhui.”

MAZMUR 9:10

tuhan nok tring behei bicuon yo di ide siceu nya ico kep yok igyaisi. Noni ne mpia di mem yo di yuum mun di nggruk nya igya nding ri.

NEHEI LEUSI 15:2

tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

NEHEI LEUSI 3:16

Aug ba, anduk nibou mben Israel yahagom ei gom ba, atri tut biyok bipia Da di tuhan di nok idigup bat-idigai bat di Abraham kin Ishak kin Yakub yoni ide Allah ba, dindo Danti bina tu. Atri tut biyok bipia dikwei yok diyai kep yok bidikan tut notou mben Mesir ibimangkrei yok tu.

NIPINGOK NINGONTI 17:3

Tukan nya iba hum bibingon mas kin perak nitu noro tuhan binai sut tungwatu nya ingonti.

NIPINGOK NINGONTI 3:6

Ma apwoi tuhan ningon biken tirigi bon nikwesti hagom apino Noni mindo puig di bie ndam ayaijoti di kei bibor bina.

NIPINGOK NINGONTI 4:4

dicig ngginau da bipai “Ayok ngon kep ditde nipingok nati nya lene ma abbwe ser au. Abindei mbut ditde nipingok nati nya leu binhyepo ade niyaijoti mpung tut ningon nggei-hi-nggeisi.

YESAYA 1:28

Noro Noni micok tut yo di ibon sisar kin yo di ikiek imig jou tut Noni biyai nimai bak yo di ikes Noni bihigom ei yahagom.

YESAYA 38:3

“tuhan e, ma ayok ngon kep bipia diba dingon gom boom danti nok awak biNa ba, dingon sren cem tu. Dibrim dingkek mem gima dibit angon kanti tu.” Leu api Hizkia ba ningon di ngguk bibor bipim nggruet.

YESAYA 45:19

Dimbrap ku bidiku mimun tut bi. Dicuk Ditde limwa di mben Israel ba, inggok ser Da mikui-kausi bi. Da di tuhan dihyet buhun biditri tut mun di nijit.”

YEREMIA 11:20

Leu api dingat nadi bidipai “tuhan Di Sindem Bibor e, Nani ne nikei di ningon gom ri. Nani rino abingon tungwatu nya ikan-kan nyenti kin tungwatu ingonti. Dikes munhyet dini bak Nani. Nnaba abindei ba, dingat Ade nibuhup biyokti drek dip ide nibon munti dima yok bou diyai him.”

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 20:12

Noro tuhan Di Sindem Bibor e, aba angon di sren-srau bibingon tungwatu nya lewo akan bidem tut mun di jo ei ingonti kin ibou ngwakti cem. Gima rino ma asindui sut ba, dingat yok bou diyai him tirigi abirop hanyen biyok drek dip igyai munti di mbuk bibor lewo dikes ditde munhyet ei andati tu.

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 29:13

Jinggok Dani leu api mijingat Da lewo jiba ningon titut yam binggok Da.

YEREMIA 29:14

Igbit ri. Jikwei um Da leu api midibuwak je hanyen kwei ei jitimieisi. Midinduk je kwei leu bikwop ngkiai nya ikieti kin minu di dibindei ntek gimahap je bidicom je eisi. Lene dipindi je bijinok nitungwatu hanyen bu. Da di tuhan disimbot dat tu.”

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

YEREMIA 9:24

Tungwa tou rino llei sut mun nyeng hi lene suar llei sut gi noni kan tut Dani biningon dorti tut dingon kanti nya. Lewo dingon ngakeisi jo ninno bijo kikau ba, dita nikos tutti nya di mungkun kei kin ningon di sren tut yamti ei dihyeisi bingkiem-kiau. Dijoi sut mun dini yok hagom. Da di tuhan disimbot dat tu.”

YEHEZKIEL 11:5

Leu api Allah Ninnei ya kui da lene tuhan cuk da bidipai bak limwa mben Israel nya “Je di mben Israel e, dikan tut mun di jipai biyam kin mun di jitin ei jingon kanti tut tu.

YEHEZKIEL 38:10

tuhan Di Ninyeng Jei Bibor pai bak Nibou ndig Gog “Ei nituti dima ne ma atin ei angon kanti di kinei bibor mem yok.

HOSEA 4:1

tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 2:25

Noni suar tungwa hi bipai sut tungwatu nya ingonti biNoni bi lewo Nonti kan bidem tut mun di jo ei yahagom ingonti.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

YOHANES 4:24

Lewo Allah ne Ninnei ri. Tungwatu nya igyai nisindemti leu Nonti Ninnei leu binhyepo iba ingon gom bibikuk yok biNoni.”

YOHANES 8:55

jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 17:23

Lewo tirigi dimbut-mbut nyen ei jide minu ndig dini lene dingat mpia ttou nsi di jikuk je bak jide kwar eisi nya bidittau kep nimbar hum dok mem midut gom di srat bokti joti. Ipas eisi ‘Mem Allah Di Nikan Tut Bi.’ Mbro nok gino jingon kiowi tut Allah di jikuk je bak dima lo, nogindini dindo Noni brei bije.

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

KORINTUS GI NIGOM 15:34

Joom jingon ba, ma jibon kep sisar bu au. Ma jimmai sut jenti lewo ibou poi di isrig jikieti ingon kwes kin Allah bi.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

KORINTUS GI NICAN 8:12

Gino jitin ei bijikwas munkwas tut yo di hiter kin jingon di gom lene Allah mijoi sut jide munkwas di jiyai bit leu jimati. Gino jima mun hi bi lene Noni yok ningon mem munkwas leu je bi.

KORINTUS GI NICAN 9:7

Suar tungwagom-gom kwas munkwas bit leu nijoi sutti. Ma noni ba nikou biyai bikan bipia hi wit huk noni tut au. Lewo Allah joi sut no di ba ningon di llei bikwas munkwas.

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

NINDAT KEP TUHAN NICUKTI NYA 31:21

Apino mun di buhun mang bibor micut igkep yok. Noro yoni mipai doia bibikiek mun di bindo tut igyai munti nya. Jit! Nogindini nipou tirigi dibie tut yok ug ei minu po dipreu ei mem yok tu pima bigyo ne dikan tut ingon kanti nya.”

NINDAT KEP TUHAN NICUKTI NYA 4:35

Allah ndo mun dini yok hagom brei bije nok mun di bindo bipia Nongkom ne Allah rin lene kwar di tungwatu nya ikuk yok bak hi ningat rin bi.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

SAMUEL GI NIGOM 12:20

Lene Samuel buhup “Dwai! Mbro nok gino jibon mun di kinei bibor dima lo, ma jiba jinghim bak tuhan au. Noro ma jiba jingon titut yam bikuk je biNoni kikau.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”