NIBOHON MBEN ISRAEL GI NIGOM 28:8 - ALLAH NIHYET MEM TUNGWATU NYA

⁸ Leu api Daud binut nihyet bu bipai “Gima rino ditde limwa jen e, nogindini dibidip huk je bibor ei ide Allah kin ide tuhan de limwa Israel jahagom di jidem yam ei dini joho bei leu binhyepo jahagom jibit ide tuhan Allah nicuk nyeti nya hagom nok gi mungkun kei. Gino jiyai nok gima lene minu di kei dini minok jide minu ninda rom kikau ba, jide nintun him yamti di bram yam nya miba yokep minu dini sindam bijo ninno bijo kikau.”

NIBOHON MBEN ISRAEL GI NIGOM 28:8 ပူးပေါင်းရင်းမြစ်များ

NIBOHON MBEN ISRAEL GI NIGOM 28:7

Gino noni bit Ditde nikos tutti kin Ditde nicukti nya hagom nok mungkun kei noyam kin gi po bit kwei bipek njap di ammani kep lene midibindei ba, ninyeng tak kepti sindem bibor bijo ninno bijo kikau.’ ”

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

EZRA 9:12

Nabi dima yok icuon ser nye leu binhyepo niyai ipmisop bat nya biwak yam srig yamti bibor ba, nimpu yok tut ide niyemti kin ide nimati dem kin ide nibong kei nigwam keisi au. Gino nibit ahyet dima lene miniyai nisindemti ba, miniyem ningat di ntun dihyei dini him ba, nibikes dihyei dini ei mem nyende nintun him yamti di bram yam nya binok ide dihyei ninda rom bijo ninno bijo kikau cem.

MAZMUR 119:27

Ampu da leu binhyepo dingon hukti tut Ade niggai serti nya leu api midiyok ngon kep Ade ningginausi di bibon ninggap leusi.

MAZMUR 119:4

tuhan e, ayai Ade nicukti binyeni leu binhyepo niba ningon di gom bibit nicukti dima.

MAZMUR 119:44

Midikrau kep Ade nicukti nya bijo ninno bijo kikau.

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

NIPINGOK NINGONTI 13:22

No di ningon kwes kei mibindei ba, nignyon bat nya iba yokep nide ndigban noro yo di ingon sren nya iba yokep ndigban di yo di ibon sisar inju ei mem yonti.

NIPINGOK NINGONTI 3:1

Dimunggwom na e, ma angon prion ser ditde ningginau nati nya au. Ayok ngon kep ditde nipingok nati nya hagom bijo ninno bijo kikau.

YESAYA 34:16

Ma jinggok ser ba, jikwop ei tuhan de sratti leu api mijingat lo, mindhe ninyeng gom mipror leu mindhe-ndhe pima yok hagom ikieti bi. Niwek mipror leu nikre bi ba, hagom jo hon yam. Lewo tuhan Nonti rino cuk yok lene Nonti rino ba yok bicom yam ei dima.

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

NINDAT KEP TUHAN NICUKTI NYA 27:1

Mpe dima ne Musa ya tut nibou mben Israel bisok kep nide limwa nya “Ma jibit tuhan nicukti nya di ditri tut bije njap di ammani.

NINDAT KEP TUHAN NICUKTI NYA 29:10

Njap di ammani jahagom jiya ei jide tuhan Noho bei. Nok nibou mben nya kin nibou di inyeng jei nya kin nibou tentara nya kin pinai nya yahagom,

NINDAT KEP TUHAN NICUKTI NYA 29:15

Noro mem tungwagom-gom di ya ei mpia dini ei ide tuhan Allah Noho bei mem njap di ammani kin ide nintun him di bram yam nya cem.”

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 4:26

Gino jibit dihyet bi lene mpia-bbed him kin dihyeisi dini mitou kep je nok tungwagom di mipai brei sut jiyai munti nya lene jei bi mijipror hak leu minu di jibong kei jigwam kei eisi ei Minyei Yordan nite dima ug ug ri. Mijibong ser minu dima mem nituti poi he leu api tuhan mibindei ba, jimai bijingwig.

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 5:32

Gima rino disut bat mben Israel jen, ma jiba jingon di gom bibit jide tuhan Allah nicuk jeti nya hagom. Ma jinjiriek nicukti nya gom ngat cem au.

NINDAT KEP TUHAN NICUKTI NYA 5:33

Ma jiyai bram jide tuhan Allah nicuk jeti nya hagom leu binhyepo jibong kei jigwam kei ei minu di mijikieng kep dima.”

YOSUA 24:20

jikes Noni leu ba, jikuk je bak nung nya dima kan bi. Mbro nok gino Noni yai gi kei bije nipou su lo, Noni mikou sut je bikes hukum ei je dip kikau bibou jahagom jimai bijingwig ug e.”