NIBOHON MBEN ISRAEL GI NIGOM 28:20 - ALLAH NIHYET MEM TUNGWATU NYA

²⁰ Leu api Nibou Ndig Daud pai bu bak nipmot Salomo “Suar aba angon ngkiem bibingwam kep midyai dima. Akinyon eisi lene ma adigit tut mun nyeng hi au. tuhan Allah di dikuk da bak mimpu na. Noni mikes nani ei bi sren. Noni minggre kin nani tut midyai ningot tuhan De Igsi dima kikau biput kep.

NIBOHON MBEN ISRAEL GI NIGOM 28:20 ပူးပေါင်းရင်းမြစ်များ

NIBOU NDIG NYA GI NIGOM 6:38

Tirigi ninyeng tak kep yok mem ari bingwam simnaibrimiggom lene Salomo ngot tuhan De Ig biput ei Bed Bul di bed gi nimuhwindaningai bit leu nok itin ei mem nipou su. Midyai ningot tuhan De Igsi yem ari bingwam nitindur muhwindacan.

NIBOHON MBEN ISRAEL GI NIGOM 22:13

Gino abit tuhan nikos tutti nya hagom po yai bak Musa mem mben Israel pima lene mporo ma angat ningat di kei di ntun him. Suar angon ngkiem ba, abrim angkek cem. Lene ma angon nghen ba, adigit tut mun nyeng hi di aum kep nya au.

NIBOHON MBEN ISRAEL GI NIGOM 28:10

Ma ayok ngon kep mungkun kei bipia tuhan dimig nani pijum ei mem gima angot ig gom mem Noni. Gima rino nogindini ma ata abou eisi ba, angot kikau biput kep.”

NIBOHON MBEN ISRAEL GI NICAN 19:11

Dikes ninyeng di jei bak Amarya di nok Imam Nibou Nindig leu binhyepo ninyeng tak kep munhyet hagom di bitut Allah de nicuk nyeti nya hagom. Lene nibou hanjop di Zebaja di Ismael nipmot ninyeng tak kep munhyet nindigsi nya. Lewi nya ide midyai rino igyok igyai kep munhyet di nikei ikos tut nya leu binhyepo hagom mbut igbit nipuig kikau. Ma jiyai igbit mun nyeng di dindo bije dini ba, jiyai jibou tut munhyet hagom. tuhan ningat rima simin je di jiba jingon di gom bimbus munhyet.”

EZRA 10:4

Suar ayai abou tut mun di buhun dini leu api nyeni nuusap na tut mun nyeng di ayai abou tut dima hagom. Suar ayai abou tut sindem kikau ug bipek ningwigsi kep hak ug!”

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:13

Dani ne tuhan ba, dinok jide Allah ri. Disindem tut je ba, dipai dingkiem jeti gima rino ma jittin au lewo midimpu je.”

HAGAI 1:13

Lene Hagai tri tut tuhan nisokti bak limwa nya bipia tuhan preu ei mem gima nyohou yok.

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

NINDAT KEP TUHAN NICUKTI NYA 31:6

Suar jita jibou eisi bijibrim jingkek ba, jittin tut yok au. Lewo tuhan di nok jide Allah misindem tut je. Noni mikes je ei bibindei ba, jingon pus tut Noni bi sren.”

NINDAT KEP TUHAN NICUKTI NYA 4:31

Lewo tuhan Allah ne jide Allah di ngondut tungwatu nya nindig bibor ri. Noni mikes je bihigom ei bi ba, mihwen je bijingwig bi. Gima cem ningon miprion ser mun po Noni preu ei mem jidigup bat-jidigai bat nya pima bi.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”