NIBOHON MBEN ISRAEL GI NIGOM 28:2 - ALLAH NIHYET MEM TUNGWATU NYA

² Daud kiju biya yoho bei lene pai biyok “Disut bat je di jintun mben gom him e, jingig jitingou mem dihyet dini! Dipi bidingot ig di kei bibor gom mem Brua Gi Preu cem mem ide tuhan Allah su nimig bico niti mimbrek ngan cem tu. Dipi biditin ei nimbumbati hagom mem gima dibingot ig gom nok gumihyep mem gima ibikuk nye bak Noni eisi tu.

NIBOHON MBEN ISRAEL GI NIGOM 28:2 ပူးပေါင်းရင်းမြစ်များ

NITRITI 48:2

Tirigi Yakub miap tut bipia Yusuf kwei ngat noni tu lene noni bikiju bigwam pijum ei nibongti.

NIBOU NDIG NYA GI NIGOM 1:47

Gima he bi lewo yo di igya kui Nibou Ndig Daud induk yam ei Andigpoi dima noho bei bipigo noni bipai ‘Nnaba ade Allah bindei ba, Salomo ninyeng jei dor njiriek na di Andigpoi anyeng di jei. Nnaba Salomo de ninyeng tak kepti mbut sindem bibor dor njiriek na di Andigpoi anyeng di tak kep ade limwa nyati.’ Lene Nibou Ndig Daud kuk no bak Allah ei nibongti,

NIBOU NDIG NYA GI NIGOM 5:3

“Andigpoi di anyeng jei e, akan tut bipia bit bon dicig Daud ngot ig mem nide tuhan Allah kan bi lewo sisip noni kon pran bit nide siceu nya kikau bibou Allah bindei ba, nide siceu nya di ibong ttai nyende minu dini kou yahagom icut bak noni ug e.

NIBOHON MBEN ISRAEL GI NIGOM 17:4

“Disok dihyet ei nani dip bak Ditde awak di Daud. Aug pai bak ‘Nani ne mporo angot ig mem Dani bi.

NIBOHON MBEN ISRAEL GI NIGOM 22:14

Tut tuhan De Ig pima ne dibrim dingkek tut bibor ba, dinju mas nimangti dem kilo juta ningai sribu sratus bitai kin perak nimangti dem kilo juta ningot ningai ba, bitai binjiriek ei mem ig dima tu. Ter leu gima lene ditin ei ngkimom-tembaga kin ngkimom nitu di bit bon ikwop nibuhunti kan bi cem. Ditin ei tig kin biei mem tu. Noro suar akum eisi bu.

NIBOHON MBEN ISRAEL GI NIGOM 22:6

Daud jem nipmot Salomo kwei ngat noni bicuk noni bipia suar noni ngot ig mem tuhan Allah di mben Israel ikuk yok bak.

NIBOHON MBEN ISRAEL GI NIGOM 22:7

Daud pai bak Salomo “Dipmot na e, diyok ngon mem gima dingot ig gom nok mun di bindo bipia dibikon ditde tuhan Allah ninyeng mimbrek ngan eisi tu.

NIBOHON MBEN ISRAEL GI NIGOM 6:31

Hon kep tirigi ittei Brua Gi Preu ug ei Ig di ikuk yok bak Allah eisi ei minu ndig Yerusalem tu, lene Nibou Ndig Daud dimig ibou poi ei mem gima ikek kep doia ei tuhan De Ig dima.

NIBOHON MBEN ISRAEL GI NICAN 6:7

Lene Salomo binut nihyet bu bipai “Dicig Daud tin ei ningonti mem gima ngot ig di nok gumihyep mem gima mben Israel ibikuk yok bak ide tuhan Allah eisi.

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 132:14

Noni pai “Midibong ser mpia dini bijo ninno bijo kikau. Dani dijoi sut minu dini binok nibousi mem Ditde ninyeng tak kep limwa nya.

MAZMUR 132:2

tuhan e, ma ayok ngon kep mun di noni preu ei mem Na di Yakub de Allah Di Sindem Bibor tug hon neheng.

MAZMUR 22:22

Ateu da bidingwes ngun leu mindhe singa nya kin sapi banteng di niten-pos dini yok lewo dinghuisi jet.

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

YESAYA 60:13

Tungwatu mirim biei ut di kei-kau nya kwei leu baham Libanon binjei hagom bak nani. Biei dima ne berangan kin eru bitut buom cem rin ba, irim kwei leu binhyepo ibimau Ditde Ig di nok mpia di diyati.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

NIBWOS-BWOS NYENTI 2:1

tuhan ba niggati biyai nibou tut bibindei ba, nidinditi jun nungug Sion o! Noni com minu Israel ninyeng di jei di kui sur mpia-bbed him ug ei dihyeisi tu o! Njap dima ne tuhan gga bibor bikes Nide Ig ei nungug Sion bijo ei o!

YEHEZKIEL 43:7

“Na di tungwatu di ayaijo kikau bi e, gini ne Ditde banggo mbrei ri. Midibong ei sirini ei limwa Israel ikieti ba, dinyeng mitak kep yok bijo ninno bijo kikau. Yoni kin ide nibou ndig nya mibindei ba, map kui dinyeng kwesti tug hon kwar di ikuk yok bak ba, itig nibou ndig nya ei mpia dini bu bi.

MATIUS 25:16

Awak di yai mitiei mas sribu muhwi ba mitiei dima bipek mun bitri lene biyai mitiei mas sribu muhwi bikum eisi bu.

KISAH 7:49

‘Allah pai bipia gwamti rinok banggo mbrei mem digwati lene dihyeisi rinok bilen mem dimigya. Jingot ig di nok mindei mem Da i? Nghim nsi mem dibong nyahan eisi rigitou i?

NINDAT KEP TUHAN NICUKTI NYA 17:15

Gi nok lene ma jinyohou yai sut jingon kanti dima leu binhyepo no di jikon nok jide nibou ndig dima ne no di jide tuhan Allah dimig ei mem je ri. Ma jikon no di ngkiai nok jide nibou ndig au.

NINDAT KEP TUHAN NICUKTI NYA 17:20

Gino ta nibou eisi bikwop mungkun kei lene mijo nibreisi mem nonti bipia noni kei-kau dor njiriek nide limwa nya bi. Gino noni ba ningon gom bikrau kep tuhan nicukti nya lene noni kin ide nintun him yamti di bram yam nya minyeng tak kep Israel sindam bijo kikau.”